ফিলিপীয় 2:22 - Chakma Bible

²² মাত্তর্ তুমি কোই পারঅ, তীমথিয় তার্ যোগ্যতাগান প্রমাণ গোজ্জ্যে, কিয়া যেধোক্ক্যেন গুরিনে পুয়োবো বাব সমারে কাম্ গরে সেধোক্ক্যেন গুরিনে তে মঅ সমারে যীশু খ্রীষ্ট পৌইদ্যেনে গম হবর্ প্রচারর্ কামত্ দুঘ্ গোজ্জ্যে ।

ফিলিপীয় 2:22 Cross References

প্রেরিত্‌ 16:2

লুস্ত্রা আর ইকনিয় শঅরর্ বিশ্বেজি ভেইয়ুনে তীমথিয়রে অমকদ বাঈনী গুরিদাক্।

রোমীয় 5:4

ধৈয্যর্ ফল খাটি খাচ্চ্যত্ আর খাটি খাচ্চ্যদর্ ফল আশা।

১ করিন্হীয় 16:10

তীমথিয় যুনি এজে সালে চেইয়ো যেন তে তমা ইধু গমেডালে থেই পারে, কিয়া মুই যেবাবোত্যে গুরি প্রভুর্ কাম গরঙর্ তেয়ো সেবাবোত্যে গুরি গরের্।

১ করিন্হীয় 4:17

আর ইয়েনত্তে মুই তীমথিয়রে তমা ইধু পাধেয়োং। বিশ্বেজি ইজেবে তে মর্ কোচ্‌পেইয়্যে আর বিশ্বেজি পুয়ো। যীশু সমারে এগত্তর্ ওইনে মর্ শিক্ষ্যে আর কামানি কিবাবোত্যে, তে সিয়েন তমারে ইদোত্ তুলি দিবো। পত্তি জাগাত্ পত্তি মন্ডলীত্ মুই সেই পৌইদ্যেনে এক্কুই শিক্ষ্যে দি থাং।

২ করিন্হীয় 2:9

মুই তোলেই চেবার্ চেইয়োং তুমি বেক্কানি পৌইদ্যেনে বাধ্য আঘঅ কিনা, আর ইয়েনত্যে মুই তমা ইধু লেখ্যং।

২ করিন্হীয় 8:22

সিয়েন বাদে তারা সমারে আমি আমার্ অন্য আর এক ভেইয়োরেয়ো পাদের্। তে যে আয়োজি সিয়েন তে ভালোক্কানি পৌইদ্যেনে বোউত্ বার্ আমা ইধু প্রমাণ গোজ্জ্যে। ইক্কিনে তমা উগুরে তার্ ভারি বিশ্বেজ্ ওইয়্যে বিলি তে আরঅ আয়োজি ওইয়্যে।

২ করিন্হীয় 8:24

সেনত্যে কোই, তারা ইধু খুলোমেলা গুরি তমার্ কোচ্‌পানার্ প্রমাণ দুয়ো আর তারারে দেগেয়ো কিত্যে তমারে নিইনে আমি দেমাগ্ গুরিই, যাতে মন্ডলীগুনে সিয়েন দেগন্।

২ করিন্হীয় 8:8

এ কধাগান যে মুই উগুম্ ইজেবে কঙর্ সিয়েন নয়, মাত্তর্ অন্যগুনোর্ আয়োজর্ কধা তমারে জানেইনে মুই পোরোক্ষ্যে গুরিবার চাং তমার্ কোচ্‌পানাগান্ কত্তমান্ খাটি।

ফিলিপীয় 1:12

ভেইলগ্, মুই চাং যেন তুমি কোই পারঅ যে, মঅ উগুরে যিয়েনি ঘোট্যে সিয়েনির ফলে গম হবরর্ প্রচারর্ কাম আরঅ উজেই যেয়্যে।

ফিলিপীয় 1:16

এ মানুচ্চুনোর্ মনত্ কোচ্‌পানা আঘে বিলিনে তারা খ্রীষ্ট পৌইদ্যেনে প্রচার গরন্, কিয়া ইগুনে কোই পারন্‌দে, গম হবরর্ পক্ষ ওইনে কধা কবাত্যে মুই আঘং।

ফিলিপীয় 1:5

কিয়া যীশু খ্রীষ্ট পৌইদ্যেনে গম হবর্ প্রচারর্ কামত্ তুমি পত্তম দিনোত্তুন্ ধুরি ইক্কিনে সং মরে সাহায্য গুরি এজর্।

ফিলিপীয় 1:7

তমা বেক্কুনো পৌইদ্যেনে মর্ মনভাব এবাবোত্যে অনা উচিত, কিয়া তুমি মর্ কোচ্‌‌পেইয়্যে। মুই জেলোত্ থেলেয়ো গম হবরর্ পক্ষে থেইনে সিয়েনর্ সত্যগান প্রমাণ গরং, সেক্কে তুমি বেক্কুনে মঅ লগে গোজেনর্ দোয়্যের্ ভাগী।

ফিলিপীয় 2:20

মঅ লগে এমন্‌ আর কেঅ নেই, যে তীমথিয় ধোক্ক্যেন গুরিনে ঘেচ্চ্যেকগুরি তমাত্যে চিন্তে গরে।

১ তীমথিয় 1:18

কোচ্‌পেইয়্যে পুয়ো তীমথিয়, তঅ পৌইদ্যেনে অন্যগুনে ভাববাদী ইজেবে যে কধানি কোইয়োন সেই কধা মজিম মুই তরে এ উগুমান দুয়োঙর্। সেই কধানি ইদোত্ রাগেইনে তুই খ্রীষ্টর পক্ষে মনেপরাণে যুদ্ধো গুরি যাহ্,

১ তীমথিয় 1:2

বিশ্বেজি ইজেবে মর্ আজল্ পুয়ো তীমথিয় ইধু মুই এ চিধিগান লেগঙর্। আমা বাবা গোজেন আর আমা প্রভু খ্রীষ্ট যীশু তরে দোয়্যে, মেয়্যে আর শান্তি-দান গোরোক্।

১ তীমথিয় 4:6

যুনি তুই এ বেপারানি ভেইয়ুনোরে বুঝেই দুয়োচ্ সালে খ্রীষ্টীয় ধর্ম-বিশ্বেজর্ যে সত্যগান আর ভুল-নেইয়্যে শিক্ষ্যেগান তুই মানি চলর্, সিয়েন্দোই কাবিল্ ওইনে খ্রীষ্ট যীশুর এক্কো যগাজ্জ্যে সেবাগুরিয়্যে অবে।

২ তীমথিয় 1:2

এ চিধিগান মুই মর্ কোচ্‌পেইয়্যে পুয়ো তীমথিয় ইধু লেগঙর্। বাবা গোজেন আর আমা প্রভু খ্রীষ্ট যীশু তরে দোয়্যে, বর্ আর শান্তি-দান গোরোক্।

২ তীমথিয় 3:10

তুই মর্ শিক্ষ্যে, চালচলন্, উদ্দেচ্চ্য, বিশ্বেজ্, সোজ্জ্যগুণ, কোচ্‌পানা আর ধৈজ্জ্য পৌইদ্যেনে গমেডালে খিয়েল্ গোজ্জ্যস্।

তীত 1:4

খ্রীষ্ট উগুরে বিশ্বেজ্ গুরিনে যে মঅ সমারে এক ওই যেয়্যে, মর্ সেই আজল্ পুয়োবো তীত ইধু মুই এ চিধিগান লেগঙর্। বাবা গোজেন আর আমার্ উদ্ধোর্ গুরিয়্যে খ্রীষ্ট যীশু তরে দোয়্যে গোরোক্ আর শান্তি দান গোরোক্।