ফিলিপীয় 2:19 - Chakma Bible

¹⁹ মুই আজা গরং, প্রভু যীশুর্ আওজ্ অলে মুই তীমথিয়রে যাদিমাদি তমা ইধু পাধেম, যেন তমার হবর্ পেইনে মুইয়ো উচ্চোমি পাং।

ফিলিপীয় 2:19 Cross References

যিরমিয় 17:5

লগেপ্রভু কোইয়্যেদে, যে মানুচ্চো মান্‌‍‌জ্য উগুরে বিশ্বেজ্ গুরিনে আর বলত্তে নিজো কিয়্যে উগুরে বিশ্বেজ্ গরে আর যিবের্ মনান মত্তুন্ সুরি যেইয়্যে তে অভিশাব্ পেইয়্যে।

মথি লেখ্যে গম্ হবর্ 12:21

তা উগুরে অযিহূদীগুনে আজা রাগেবাক্।

প্রেরিত্‌ 16:1

পরেদি পৌল দর্বী আর লুস্ত্রা শঅরত্ গেলাক্। সিয়েনত্ তীমথিয় নাঙে এক্কো শিচ্চ্য থেদঅ। তার মাবো এলঅ খ্রীষ্ট উগুরে বিশ্বেজি এক্কো যিদূদী মিলে, মাত্তর্ তা বাবে জাদে গ্রীক এলঅ।

রোমীয় 15:12

আরঅ যিশাইয় কোইয়্যেদে, যিবে যিশয়র গড়াগান্ তে এবঅ, বেক্ জাদ্‌তুনোরে শাসন গুরিবাত্তে তে থিয়্যেব। তা উগুরে বেক্ জাদর্ মানুচ্চুনোরে আজা রাগেব।

রোমীয় 16:21

মঅ সমারে যিবে কাম্ গরে সেই তীমথিয় তমারে ভালেদি জানার্; লুকিয়, যাসোন আর সোষিপাত্রয়ো তমারে ভালেদি জানার্। তারায়ো মঅ ধোক্ক্যেন্ যিহূদী জাদর্ মানুচ্।

১ করিন্হীয় 4:17

আর ইয়েনত্তে মুই তীমথিয়রে তমা ইধু পাধেয়োং। বিশ্বেজি ইজেবে তে মর্ কোচ্‌পেইয়্যে আর বিশ্বেজি পুয়ো। যীশু সমারে এগত্তর্ ওইনে মর্ শিক্ষ্যে আর কামানি কিবাবোত্যে, তে সিয়েন তমারে ইদোত্ তুলি দিবো। পত্তি জাগাত্ পত্তি মন্ডলীত্ মুই সেই পৌইদ্যেনে এক্কুই শিক্ষ্যে দি থাং।

ইফিষীয় 1:13

আর তুমিয়ো সত্যর্ কধা, অত্তাৎ পাপত্তুন্ উদ্ধোর্ পেবার গম হবর্ শুনিনে খ্রীষ্ট উগুরে বিশ্বেজ্ গোজ্জ্য। খ্রীষ্ট সমারে মিজেয়ো বিলি গোজেনে তার্ এগেম্ গোজ্জ্যে পবিত্র আত্মালোই তমারে সীল্‌মারি রাগেয়্যে।

ফিলিপীয় 1:1

তীমথিয় আর মুই পৌল-আমি খ্রীষ্ট যীশুর চাগর্। খ্রীষ্ট যীশু লগে এগত্তর্ ওইয়্যে গোজেনর্ যিদুক্কুন মানুচ্ ফিলিপী শঅরত্ আঘন্ আমি তারা ইধু আর তারার্ পরিচালগ্‌‌কুনো ইধু আর সেবা গুরিয়্যেগুনো ইধু লিগির্।

ফিলিপীয় 2:18

তমাত্তুন্অ ঠিগ্ সেবাবোত্যে গুরি মঅ লগে সুগী আর হুজী অনা উচিত্।

ফিলিপীয় 2:28

সেনত্যে ভারী আওজ্ গুরিনে মুই তারে পাধাঙর্ যেন তারে দেগিনে তুমি হুজী অ আর মর্-অ চিদেচজ্জা কমে।

১ থিষলনীকীয় 3:5

সেনত্যে মুই যেক্কে আর সোজ্জ্য গুরি ন-পারিলুং সেক্কে বিশ্বেজ্ ইন্দিত্তুন্ তুমি কি অবস্থায় আঘঅ সিয়েন জানেবাত্যে তীমথিয়রে পাধেয়োং। মত্তুন্ দর্ গরেত্তে, অয়ত শদানে তমারে লুভ্ দেগেয়্যে আর আমার কামানি বেক্কানি ব্যত্ত ওই যেইয়্যে।

২ থিষলনীকীয় 1:3

ভেইলগ্, তমাত্যে নিত্য গোজেনরে ভালেদি জানানা উচিত। তমা বিশ্বেজ্‌চান অমকদ বাড়ের্ আর তমার একজন উগুরে অন্যর্ কোচ্‌পানাগান পেলাং বেঈ পরের্ বিলিনে আমা পক্ষে সেই ভালেদি জানানাগান উচিত।

২ তীমথিয় 1:12

ইয়েনত্যে মুই এ দুঘ্‌কানি ভুগোঙর্; তো মুই ন-লাজাঙর্, কিয়া মুই কোই পারং মুই কা উগুরে বিশ্বেজ্ গোজ্জ্যং। মুই ঘেচ্চ্যেকগুরি কোই পারং, মুই তা ইধু যিয়েনি থোইয়োং খ্রীষ্টর এবার দিন্নোত্যে সিয়েনি রোক্ষ্যে গুরিবার খেমতা তার্ আঘে।

যাকোব 4:15

তাত্তুন্ বরং তমার এ কধাগান্ কনা উজিত্, “প্রভু যুনি আওজ্ গরে সালে আমি বাঁজি থেবং আর ইয়েন বা উবোন্ গুরিবোং।”

১ পিতর 1:21

গোজেনে তারে মরণত্তুন্ জেদা গুরি তুলিনে মহিমা দান গোজ্জ্যে আর তা মাধ্যমে তুমি গোজেন উগুরে বিশ্বেজ্ গোজ্জ্য; আর সেনত্যে তমার্ বিশ্বেজ্ আর আজা গোজেন উগুরে আঘে।