ফিলিপীয় 2:12 - Chakma Bible

¹² মর্ কোচ্‌পেইয়্যে ভেইয়ুন, তুমি দঅ নিত্য বাধ্য ওইনে আঘঅ। সেধোক্ক্যেন গুরিনে বানা মর্ থানার্ সময়োত্ নয়, মাত্তর্ বিশেষ গুরিনে ইক্কিনে মর্ ন-থানার্ সময়োত্‌অ তুমি ভোক্তি আর দোরেনেই তমার্ কামর্ মাধ্যমে দেগঅ যে, তুমি পাপত্তুন্ উদ্ধোর্ পেয়ো।

ফিলিপীয় 2:12 Cross References

ইষ্রা 10:3

ইক্কিনে এজঅ, আমা গোজেন মুজুঙোত্ আমি এ এগেমান্ গুরিই, আমার গিরোজ্ তর্ সল্লা মজিম আর আমা গোজেনর্ উগুমানরে যিগুনে দরান্ তারার্ সল্লা মজিম আমি এ মিলেগুনোরে আর তারার্ ঝি-পুয়োগুনোরে বাদ দিবোং। রীদি-সুুদোম মজিম সিয়েন গরা ওক্।

গীতসংহিতা 119:120

তঅ দরে মঅ কিয়্যেগান গির্‌গিরে উদে; তঅ সুদোমানি মুই দরাং।

গীতসংহিতা 2:11

ভোক্তি গুরিনে তুমি লগেপ্রভুর সেবা গরঅ, দর্‌বুগ্ লাক্ক্যে মনানিলোই ফুত্তি গরঅ,

গম্ উপদেজ্ 10:16

গোজেন ভক্তগুনোর্ বেতন অলঅ দোল্ জিংকানি, মাত্তর্ পাজিগুনোর আয়লোই পাপ বেজ্ অয়।

গম্ উপদেজ্ 13:4

আল্‌সি মান্‌জ্যে পেবাত্তে চায় মাত্তর্ কিচ্চু ন-পায়, মাত্তর্ কাম্যগুনে তারার চানাত্তুন্ বেশ্ পান। ‍

যিশাইয় 66:2

ইয়েনি বেক্কানি মুই নিজো আঢে বানেয়োং আর সেনত্তে ইয়েনি ওইয়্যে। যে মানুচ্চো নম্র, যিবের্ মনান্ ভাঙিনে চুর্‌‌মার্ ওইয়্যে আর যে মঅ কধালোই গির্‌‌‌গিরেই তারে মুই গম্ চোগেদি চেম্।

যিশাইয় 66:5

তুমি যিগুনে লগেপ্রভুর কধালোই গির্‌‌‌‌গিরো তুমি তা কধা শুনো। তে কত্তে, তমা ভেইয়ুনে তমারে ঈচ্ গরন আর মত্তে তমারে বাদ্ দুয়োন। তারা ঠাট্টা গুরিনে কন্, লগেপ্রভুর বাঈনী ওক্, আমি যেন তমার হুজিগান দেগিই। মাত্তর্ তারা নিজে লাজত্ পড়িবাক্।

মথি লেখ্যে গম্ হবর্ 11:12

বাপ্তিষ্মদিয়্যে যোহন সময়ত্তুন্ ধুরি তা ফগদাং গোজ্জ্যে হবরান ইক্কিনে সং স্বর্গ-রেজ্যগান জদবদে জোরে উজেই এজের্, আর যিগুনে উগ্র তারা সিয়েন্ ধুরি আঘন্।

মথি লেখ্যে গম্ হবর্ 11:29

মঅ জুঙোলান্ তমা উগুরে তুলি নেযঅ আর মত্তুন্ শিগো, কিয়া মঅ খাচ্চ্যত্তান্ নরম আর চিদে।

প্রেরিত্‌ 16:29

সেক্কে সেই জেল-চুগিদার্‌বো একজনরে চেরাগ্ আনিবার্ কধা কোইনে নিজে ধাবা ধাবা ভিদিরে গেলঅ আর দরে গির্‌গিরেদে গির্‌গিরেদে পৌল আর সীল টেঙত্ পড়িলো।

প্রেরিত্‌ 9:6

তে কলঅ, “মুই যীশু, যিবে উগুরে তুই অত্যেচার্ গরর্। ইক্কিনে তুই উদিনে শঅরত্ যাহ্, কি গরা পুরিবো সিয়েন তরে কুয়ো অবঅ।”

রোমীয় 2:7

যিগুনে ধৈজ্জ্য ধুরিনে গম্ কাম্ গরন্ গোজেনত্তুন্ বাঈনী, সর্মান আর ভস্ত ন-ওইয়্যে জিংকানি পেবাত্তে চান, গোজেনে তারারে উমর জিংকানি দিবো।

১ করিন্হীয় 15:58

সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।

১ করিন্হীয় 2:3

যেক্কে তমা ইধু এলুং সেক্কে মুই নিজোরে বল্-নেইয়্যে মনে গত্তুং আর দরে ভারী গির্‌গিরেদুং।

১ করিন্হীয় 4:14

মুই তমারে লাজ্ দিবাত্যে ইয়েনি ন-লেগঙর্, বরং মর্ পরাণর্ পুয়ো-ছা ইজেবে উজিয়ার্ গুরিবাত্তে লেগঙর্।

২ করিন্হীয় 7:15

তুমি বেক্কুনে যেধোক্ক্যেন গুরি দর্ আর সর্মান সমারে তারে মানি লোইনে বাধ্যতা দেগেয়ো, সিয়েন মনে গুরিনে তমা উগুরে তার্ কোচ্‌পানা আরঅ বাড়ি যেইয়্যে।

ইফিষীয় 6:5

তুমি যিগুনে চাগর্, তুমি যেধোক্ক্যেন খ্রীষ্টর্ বাধ্য সেধোক্ক্যেন দর্ আর সর্মান লগে মনত্তুন্ তমার এ জগদর্ গিরোজ্‌চুনোর্ বাধ্য ওইয়ো।

ফিলিপীয় 1:27

বেগত্তুন্ দাঙর্ কধাগান অলঅ, তুমি এন্‌ গুরিনে তমার জিংকানিগান কাদঅ যিয়েন খ্রীষ্ট পৌইদ্যেনে গম হবরর্ যগাজ্জ্যে। সালে মুই নিজে এইনে তমারে দেগংগি বা দূরোত্তুন্ তমা কধা শুনোং, মুই হবর্ পেম্‌‌বে, তুমি মনে-পরাণে এক ওইনে থির্ গুরিনে থিয়্যেই আঘঅ আর যে বিশ্বেজ্‌‌চান গম্ হবরর্ মাধ্যমে এজে সিয়েনত্যে এক সমারে কাম গরর্।

ফিলিপীয় 1:29

তমারে দোয়্যে গরা ওইয়্যেদে যেন তুমি যে বানা খ্রীষ্ট উগুরে বিশ্বেজ্ গুরি পারঅ এমন নয়, সিয়েনত্যে দুঘ্‌‌অ ভুগি পারঅ।

ফিলিপীয় 1:5

কিয়া যীশু খ্রীষ্ট পৌইদ্যেনে গম হবর্ প্রচারর্ কামত্ তুমি পত্তম দিনোত্তুন্ ধুরি ইক্কিনে সং মরে সাহায্য গুরি এজর্।

ফিলিপীয় 1:6

মর্ এ বিশ্বেজ্‌‌চান আঘে, তমা অন্তরত্ যিবে গম্ কাম গুরিবাত্যে আরাম্ভ গোজ্জ্যে তে খ্রীষ্ট যীশুর্ এবার্ দিন্নো সং সিয়েন চালেইনে থুম্ গুরিবো।

ফিলিপীয় 2:19

মুই আজা গরং, প্রভু যীশুর্ আওজ্ অলে মুই তীমথিয়রে যাদিমাদি তমা ইধু পাধেম, যেন তমার হবর্ পেইনে মুইয়ো উচ্চোমি পাং।

ফিলিপীয় 4:1

মর্ ভেইয়ুন, তমারে মুই কোচ্‌পাং আর তমারে রিনি চেবাত্যে চাং। তুমিই মর্ হুজী, মর্ মকুট। তুমি প্রভুর লগে মিজেইনে থির্ থাগঅ।

ফিলিপীয় 4:15

ফিলিপীয় মন্ডলীর মানুচ্চুন্, তুমি দঅ নিজেই কোই পারঅ, তুমি পত্তম গম্ হবর্ শুনোনার্ পরেদি যেক্কে মুই ম্যাসিডোনিয়া ফেলেইনে যেইয়োং, সেক্কে তুমি বাদে আর কনঅ মন্ডলী মঅ সমারে দেনা-লনা পৌইদ্যেনে ন-মিজেনদি।

১ থিষলনীকীয় 1:3

বিশ্বেজর্ কারনে তুমি যে কামানি গরর্, কোচ্‌পানার কারনে যে কামানি গরর্ আর আমার প্রভু যীশু খ্রীষ্ট উগুরে আজা রাগানার্ কারনে যে ধৈয্য ধরর্, সেই কধানি আমি নিত্য আমার বাবা আর গোজেন মুজুঙোত্ তবনা গুরিনে ইদোত্ তুলিই।

২ তীমথিয় 2:10

সেনত্যে গোজেনে যিগুনোরে বেঈ লোইয়্যে সিগুনোত্যে মুই বেক্কানি সোজ্জ্য গরঙর্, যেন তারায়ো খ্রীষ্ট যীশুলোই পাপত্তুন্ উদ্ধোর পান্ আর উমরর্ মহিমা লাভ গরন।

ইব্রীয় 12:1

সালে দেগা যাত্তে, গোজেন উগুরে বিশ্বেজর্ সাক্ষী ইজেবে বোউত্ মানুচ্‌ আমা চেরোকিত্যেদি ঝাগ্ গুরি আঘন্। ইয়েনত্যে এজঅ, আমি পত্তি ঝাগুলুগ্ জিনিস আর যে পাপ্পানিয়ে সহজে আমারে বেড়েকোরে ধুরিনে সিয়েনিরে দূরোত্ ঠেলি দিইনে মুজুঙেদি জিদেজিত্যে ধাবাদেনাত্ ধৈয্য ধুরিনে ধাবা দিই।

ইব্রীয় 4:1

গোজেনর দিয়্যে জিরেবার জাগানত্ যেবার যে এগেমান্ এলঅ সেই এগেমান্ আমাত্যেয়ো খাদে। সেনত্যে আমার উজিয়ার উয়ো পরিবো, যেন কেঅ সেই এগেম্ গোজ্জ্যে বর্ পানার্ যোগ্য নয় বিলি দেগা ন-যায়।

ইব্রীয় 4:11

ইয়েনত্যে এজঅ, আমি সেই জিরেন্ পেবাত্যে গমেডালে আয়োজি ওই। কেঅ যেন সেই অবাধ্য ইস্রায়েলীগুনো ধোক্ক্যেন গোজেনরে অমান্য গুরিনে তার্ দিয়্যে জিরেনত্তুন্ বাদ ন-পড়ন্।

ইব্রীয় 5:9

এবাবোত্যে গুরি যেক্কে তে পূর্ণতাগান পেলঅ সেক্কে তার্ বাধ্যতাগান বেক্কুনোত্যে তে উমরর্ উদ্ধোরর্ পথ অলঅ।

১ পিতর 2:11

কোচ্‌‌পেইয়্যে সমাজ্জ্যেগুন, এ পিত্‌থিমীত তুমি বিদেশী আর পরদেজত্ কয়েকদিন বজত্তি গুরিয়্যে বিলিনে মুই তমারে বিশেষ গুরিনে কোজোলী গরঙত্তে, তুমি পাপ-খাচ্চ্যদর্ কামনা-বাসনাত্তুন্ দূরোত্ থাগঅ,

২ পিতর 3:18

তুমি আমার প্রভু আর উদ্ধোর্ গুরিয়্যে যীশু খ্রীষ্টর্ দোয়্যেই আর তা পৌইদ্যেনে জ্ঞানে বাড়ি উদোনাত্ থাগঅ। ইক্কিনে আর উমর সং তারই বাঈনী ওক্‌। আমেন।