ফিলিপীয় 2:11 - Chakma Bible

¹¹ আর বাবা গোজেনর্ বাঈনী গুরিবাত্যে স্বিগের্ গরঅ যে, যীশু খ্রীষ্টই প্রভু।

ফিলিপীয় 2:11 Cross References

গীতসংহিতা 110:1

লগেপ্রভু মঅ গিরোজ্‌সোরে কোইয়্যেদে, “যেদক্কন সং মুই তঅ শত্রুগুনোরে তঅ টেঙত্ তলে ন-রাগাং, সেদক্কন্ সং তুই মঅ ডেনেন্দি বস।”

গীতসংহিতা 18:49

ও লগেপ্রভু, ইয়েনত্তে অন্য জাদ্‌তুনো ভিদিরেত্তুন্ মুই তর্ বাঈনী ফগদাং গুরিম আর তরে নাঙ্ গিনিম্।

যিরমিয় 23:6

তা সময়োত্ যিহূদা রোক্ষ্যে পেবঅ আর ইস্রায়েলে গমেডালে বজত্তি গুরি পারিবো। তারে লগেপ্রভু আমার উদ্ধোর্ গুরিয়্যে বিলিনে ডাকা অবঅ।

মথি লেখ্যে গম্ হবর্ 10:32

যে কনজনে মান্‌জ্য মুজুঙোত্ মরে স্বিগের্ গরে মুইয়ো মর্ স্বর্গর বাবা মুজুঙোত্ তারে স্বীগের্ গুরিম।

লূকে লেখ্যে গম্ হবর্ 2:11

এইচ্চ্যে দায়ূদো শঅরত্ তমাত্তে উদ্ধোর্‌গুরিয়্যে জোর্মেয়্যে। তেয়ই মশীহ্, তেয়ই প্রভু।

যোহন 12:42

তো নেতাগুনোত্তুন্ ভালোক্‌জনে যীশু উগুরে বিশ্বেজ্ গুরিলাক্, মাত্তর্ ফরীশীগুনে সমাজত্তুন্ তারারে নিগিলেই দিবাক্ সেই দরে তারা সিয়েন্ স্বীগের্ ন-গুরিলাক্।

যোহন 13:13

তুমি মরে মাষ্টর্ আর প্রভু বিলি ডাগঅ, আর সিয়েন্ থিগই কঅ কিয়া মুয়ই সিবে।

যোহন 13:14

মাত্তর্ মুই প্রভু আর মাষ্টর্ ওইনেয়ো যেক্কে তমা টেঙানি ধোই দিলুং সেক্কে তুমিয়ো একজন আরেকজনরে টেঙানি ধোই দেনা উচিত্।

যোহন 14:13

তুমি মঅ নাঙে যিয়েনি মাগিবা সিয়েনি মুই গুরিম্, যেন বাবা মহিমাগান্ পুয়োবোর্ মাধ্যমে ফগদাং পায়।

যোহন 14:23

যীশু তারে জোব্ দিলো, যুনি কেঅ মরে কোচ্‌পায় সালে তে মঅ কধানি মানি চুলিবো। মঅ বাপ্পো তারে কোচ্‌পেবঅ আর আমি তা ইধু এবং তা সমারে বজত্তি গুরিবোং।

যোহন 17:1

এই বেক্‌ কধানি কনার্ পরেদি যীশু স্বর্গ ইন্দি রিনি চেইনে কলঅ, বাবা, সময় এচ্চ্যে। তঅ পুয়োবোর্ মহিমাগান্ ফগদাং গর্ যেন পুয়োবোয়ো তঅ মহিমাগান্ ফগদাং গুরি পারে।

যোহন 20:28

সেক্কে থোমা কলঅ, “ও মঅ গিরোজ্, ও মঅ গোজেন।”

যোহন 5:23

যেন বাবরে যেবাবোত্যেগুরি বেক্কুনে সর্মান গরন্ সেবাবোত্যেগুরি পুয়োবোরেয়ো সর্মান গরন্। পুয়োবোরে যে সর্মান ন-গরে, যে তারে দিপাধেয়্যে সেই বাপ্পোরেয়ো তে সর্মান ন-গরে।

যোহন 9:22

তা মা-বাবে যিহূদী নেতাগুনো দরে এই বেক্‌ কধানি কলাক্, কিয়া যিহূদী নেতাগুনে আগে ঠিগ্ গোজ্যন্, কনজনে যুনি যীশুরে মশীহ বিলিনে স্বীগের্ গরন্ সালে তারে সমাজত্তুন্ নিগিলেই দিয়া অবঅ।

প্রেরিত্‌ 10:36

গোজেনে ইস্রায়েলীয়গুনো ইধু এ গম্ হবরান্ পাধেয়্যেদে যে, যীশু খ্রীষ্ট, যে বেক্কুনোর প্রভু, তা মাধ্যমে শান্তি পাহ্ যায়।

প্রেরিত্‌ 2:36

“ইয়েনত্যে গোদা ইস্রায়েল জাদ্‌‌তো এ কধাগান ঘেচ্চ্যেকগুরি জানদোক্ যে, যিবেরে তুমি ক্রুশোত্ দুয়ো গোজেনে সেই যীশুরে প্রভু আর মশীহ এ দ্বিয়েন পোজিশনত্ নেযেয়্যে।”

রোমীয় 14:11

পবিত্র বোইবোত্ লেগা আঘে, “প্রভু কয়, ‘মুই মঅ নাঙে কঙর্, মঅ মুজুঙোত্ বেক্কুনে আঢু পাদিবাক্ আর মরে গোজেন বিলিনে স্বিগের্ গুরিবাক্।’ ”

রোমীয় 14:9

যীশু খ্রীষ্ট মোজ্জ্যে আরঅ জেদায়ো ওইয়্যে যেন তে জেদা আর মরা দুনোবোর্ প্রভু ওই পারে।

১ করিন্হীয় 12:3

মুই তমারে জানাঙর্, গোজেন আত্মালোই কধা কলে কেঅ ন-কন্, “যীশু উগুরে অভিশাপ্ পোরোক্।” আরঅ পবিত্র আত্মার্ মাধ্যমে ন-অলে কেঅ কোই ন-পারন্, “যীশু প্রভু”।

১ করিন্হীয় 15:47

মাত্তর্ দ্বি লম্বরত্ মানুচ্চো স্বর্গত্তুন্ এচ্চ্যে।

১ করিন্হীয় 8:6

মাত্তর্ আমাত্তে গোজেন বানা এক্কো আঘে। তেয়ই বাপ্; তাত্তুন্ বেক্কানি এচ্চ্যে আর তাত্তেই আমি বাঁজি আঘিই। আর প্রভুয়ো আমার বানা এক্কো, তে যীশু খ্রীষ্ট। তা মাধ্যমে বেক্কানি এচ্চ্যে আর তা মাধ্যমে আমি বাঁজি আঘিই।

১ পিতর 1:21

গোজেনে তারে মরণত্তুন্ জেদা গুরি তুলিনে মহিমা দান গোজ্জ্যে আর তা মাধ্যমে তুমি গোজেন উগুরে বিশ্বেজ্ গোজ্জ্য; আর সেনত্যে তমার্ বিশ্বেজ্ আর আজা গোজেন উগুরে আঘে।

১ যোহন 4:15

যে কেঅ স্বীগের্ গরে যীশু গোজেনর্ পুয়ো, গোজেনে তা ভিদিরে থায় আর তেয়ো গোজেন সমারে থায়।

১ যোহন 4:2

গোজেনর্ আত্মাগানরে তুমি এবাবোত্যেগুরি চিনি পারিবা-যে আত্মাগানে স্বিগের্ গরে যীশু খ্রীষ্ট মানুচ্‌ ওইনে এচ্চ্যে সেই আত্মাগানে গোজেনত্তুন্ এচ্চ্যে;

২ যোহন 1:7

জগদত্ এমন বোউত্ মানুচ্ নিগিল্লোন যিগুনে ছলনা গুরি বেড়ান। যীশু খ্রীষ্ট যে মানুচ্‌ ওইনে এচ্চ্যে তারা সিয়েন স্বিগের্ ন-গরন। এবাবোত্যে মানুচ্চুনে ছলনাগুরিয়্যে আর খ্রীষ্টর্ শত্রু।

ফগদাং পেইয়্যে 3:5

যে জিদিবো তে এবাবোত্যে ধুব্ পোজাক্ পিনিবো। জিংকানি-বোইবোত্তুন্ তা নাঙান্ মুই কনদিনঅ পুঝি ন-ফেলেম, বরং মঅ বাব্‌পো আর তা দুত্‌তুনো মুজুঙোত্ মুই তারে স্বীগের্ গুরি নিম।