ফিলিপীয় 2:1 - Chakma Bible

¹ সালে খ্রীষ্ট সমারে মিজেইনে যেক্কে উচ্চোমি পাহ্ যায়, খ্রীষ্টর্ কোচ্‌পানার কারনে যেক্কে সান্তনা পাহ্ যায়, পবিত্র আত্মা আর তমা ভিদিরে যেক্কে উদোলোলি আঘে, তমা মনত্ যেক্কে কোচ্‌পানা আর দোয়্যে-মেয়্যে আঘে,

ফিলিপীয় 2:1 Cross References

গীতসংহিতা 133:1

মঅ জাদ্ ভেইয়ুন যেক্কেনে এগা মনে একসমারে বজত্তি গরন্ সেক্কেনে সিয়েন কত্তমান্ গম্ আর কত্তমান দোল্ লাগে!

যিশাইয় 16:11

মঅ মনান মোয়াবত্তে, মঅ ভিদিরেদিগান কীর্-হরসতত্তে বীণা ধোক্ক্যেন গুরি কানের্।

লূকে লেখ্যে গম্ হবর্ 2:25

সেক্কে যিরূশালেমত্ শিমিয়োন নাঙে এক্কো ধার্মিক আর গোজেনভক্ত মানুচ্ এলঅ। গোজেনে কক্কে ইস্রায়েলীয়গুনো দুঃখানি দূর্ গুরিবো সেই সময়ানত্তে তে বাজ্জেই আঘে। পবিত্র আত্মা তা উগুরে এলঅ আর তাইধু ফগদাং গোজ্যেদে যে, মুরি যেবার্ আগেদি তে প্রভুর সেই মশীহরে দেগিবো।

যোহন 14:18

মুই তমারে গায় গায় গুরি ফেলেইনে থোই ন-যেম্; মুই তমা ইধু এইম্।

যোহন 14:27

মুই তমাত্যে শান্তি থোই যাঙর্, মঅ শান্তিগান্ মুই তমারে দোঙর্; পিত্‌থিমীগানে যেবাবোত্যেগুরি দে মুই সেবাবোত্যেগুরি ন-দুয়োং।

যোহন 17:13

ইক্কিনে মুই তঅ ইধু এজঙর্, আর মর্ হুজীয়ে যেন তারার্ মনানি ভুরি যায় সেনত্তে জগদত্ থাগদে এই বেক্ কধানি কঙর্।

প্রেরিত্‌ 2:46

তারা পত্তিদিন উবোসনা ঘরত্ একসমারে থুবেদাক্, আর যুদো যুদো ঘরত্ হুজিয়্যে আর সরল মনে একসমারে হানা-দানা গুরিদাক্।

প্রেরিত্‌ 4:32

খ্রীষ্ট বিশ্বেজিগুন বেক্কুনে মনে-পরাণে এক্ এলাক্। কনঅ কিজু তারা নিজোর বিলিনে দাবি ন-গুরিদাক্ বরং বেক্কানি যার্ যার্ দরকার্ মজিম্ বেবহার গুরিদাক্।

রোমীয় 5:5

এ আশাগানে আমারে লাজত্ ন-ফেলায়, কিয়া গোজেনে তার্ দিয়্যে পবিত্র আত্মালোই আমা মনানি তার্ কোচ্‌পানালোই ভোরেই দিয়্যে।

রোমীয় 8:26

ইয়েন্ বাদে আমার বল্-নেইয়্যে অবস্থায় পবিত্র আত্মাগানে আমারে বল্ দে। কি কোইনে তবনা গরানা উচিত্ সিয়েন আমি হবর্ ন-পেই, মাত্তর্ যিয়েন ভাষাদি ফগদাং গুরি ন-পারে সেবাবোত্যে কোজোলী সমারে পবিত্র আত্মাগানে নিজেই আমার্ ওইনে কোজোলী গরে।

১ করিন্হীয় 12:13

আমি যিহূদী কি অযিহূদী, চাগর্ কি স্বাধীন, বেক্কুনোর্ একই পবিত্র আত্মালোই একই কিয়্যে ভিদিরে বাপ্তিস্ম ওইয়্যে। আমি বেক্কুনে সেই একই পবিত্র আত্মাগানরে পেইয়্যেই।

১ করিন্হীয় 15:31

ভেইলগ্, আমা প্রভু খ্রীষ্ট যীশুর্ কামত্ তমারে লোইনে মর্ যে বাড়্, সেই বাড়ান্দোই মুই ঘেচ্চেকগুরি কঙত্তে, পত্তি দিন মুই মরণর্ মুয়োমি অঙর্।

১ করিন্হীয় 3:16

তুমি কি কোই ন-পারঅ যে, তুমি গোজেনর্ থেবার্ ঘর আর গোজেন আত্মা তমা মনত্ বজত্তি গরে?

২ করিন্হীয় 13:14

আমার্ প্রভু যীশু খ্রীষ্টর্ দোয়্যে, গোজেনর্ কোচ্‌পানা আর পবিত্র আত্মালোই উদো লো-লি তমার্ বেক্কুনোর্ রিবেঙত্ থোক্।

২ করিন্হীয় 2:14

গোজেনরে ভালেদি জানেই যে, আমি খ্রীষ্ট সমারে মিজেয়্যেই বিলিনে গোজেনে তার্-জিদেনার পদথ্ নিত্য আমারে চালেই নেযার্। খ্রীষ্টরে জানানা এক্কান তুম্বাজ ধোক্ক্যেন। গোজেনে তার্ জিদেনার্ পদথ্ সেই তুম্বাজ্‌চান আমা মাধ্যমে বেক্‌ জাগাইধু ছিদিই দে।

গালাতীয় 4:6

তুমি পুয়ো বিলিনে গোজেনে তার্ পুয়োবোর্ আত্মাগানরে তমা মনত্ থেবাত্যে পাধেই দিয়্যে। সেই আত্মাগানে গোজেনরে বাবা অত্তাৎ বাপ্ বিলিনে ডাগে।

গালাতীয় 5:22

মাত্তর্ পবিত্র আত্মার্ ফল অলঅ-কোচ্‌পানা, হুজী, শান্তি, সোজ্জ্যগুন, দোয়্যের্ খাচ্চ্যত্, গম খাচ্চ্যত্, বিশ্বেজ্‌বলা,

ইফিষীয় 4:4

গোজেনে তমারে ডাক্ক্যে বিলিনে তমা ইধু বানা এক্কান আজা আঘে, বানা এক্কানই কিয়্যে আঘে, একজনই সুদ্ধো-সাংগ আত্মাবলা আঘে,

ফিলিপীয় 1:8

খ্রীষ্ট যীশুর্ কোচ্‌পানা রিবেঙত্ থোইনে মুই যে তমারে কদক্ কোচ্‌পাং সিয়েনর গোজেনে সাক্ষী।

ফিলিপীয় 3:3

আমি ঘেচ্চ্যেকগুরি চুনু মাঢবোর চামান কাপ্যে মানুচ্‌, কিয়া আমি গোজেন আত্মার্ মাধ্যমে তার্ উবোসনা গুরিই আর খ্রীষ্ট যীশুরে নিইনে বার্ গুরিই আর চুনু মাঢা কাপ্যে উগুরে নির্ভর ন-গুরিই।

কলসীয় 2:2

মুই চাং যেন তারা রিবেঙত্ উচ্চোমি পান আর কোচ্‌পানালোই এক অন্, আর খ্রীষ্ট পৌইদ্যেনে বুঝোনার ফলে যে নিচ্চয়তা পা-যায় সেই পুরো নিচ্চয়তাগান বেশ্ গুরিনে পান্। সিয়েনর কারনে গোজেনর্ গুমুরো সত্যগানরে, অত্তাৎ খ্রীষ্টরে তারা জানি পারিবাক্।

কলসীয় 3:12

ইয়েনত্যে গোজেনে যিগুনোরে বেঈ লোইনে নিজোত্যে জুদো গুরি থোইয়্যে তার্ সেই কোচ্‌‌পেইয়্যে মানুচ্‌ ইজেবে তুমি মনেদি মেয়্যে, দোয়্যে, নম্রতা, নরম-খাচ্চ্যত্ আর ধৈজ্জ্য দিইনে নিজোরে সাজঅ।

ইব্রীয় 6:18

গোজেনর্ এগেম্ আর শমথ্‌তান কনদিন্অ ন-বদলায়। গোজেন, যিবের্ পৌইদ্যেনে মিজে মাঢানা সম্ভব নয়, তেয়ই এ এগেমান্ আর শমথ্‌তান গোজ্জ্যে, যেনে আমা মুজুঙোত্ যে আজাগান আঘে সিয়েন গমেডালে ধুরিবাত্যে ধাবা দিবাত্যেই আমি বোউত্ উচ্চোমি পেই।

১ পিতর 1:2

বাবা গোজেনে তার্ পরিকল্পনা মজিম তমারে বেঈ লোইয়্যে, আর তার্ নাঙে পবিত্র আত্মা তমারে যুদো গুরি থোইয়্যে। ইয়েনর্ উদ্দেশ্য অলঅ, যেনে তুমি যীশু খ্রীষ্টর বাধ্য অ আর তার লো-গান ছিদেনার্ মাধ্যমে তমারে সিজি গরা অয়। গোজেনে তমারে বেশ্ গুরি দোয়্যে আর শান্তি দান গোরোক্।

১ যোহন 3:24

তা উগুমান যে পালন গরে তে তা সমারে থায় আর তেয়ো তা সমারে থায়। যে পবিত্র আত্মাগান তে আমারে দিয়্যে সেই পবিত্র আত্মাগান্দোই আমি বুঝি পারিই যে, তে আমা মন ভিদিরে থায়।

১ যোহন 4:12

কেঅ কনদিন্অ গোজেনরে ন-দেগে। যুনি আমি একজন আরেকজনরে কোচ্‌পেই সালে বুঝো যেবঅ যে, গোজেনে আমা মনভিদিরে আঘে আর তা কোচ্‌পানাগান আমা মনভিদিরে পুরোপুরি গুরিনে কাম গরের্।

১ যোহন 4:16

আমি কোই পারিই গোজেনে আমারে কোচ্‌পায়, আর তা কোচ্‌পানাগান উগুরে আমার বিশ্বেজ্ আঘে। গোজেনে নিজেই কোচ্‌পানা। কোচ্‌পানা সমারে যে থেবঅ তে গোজেন সমারে থায় আর গোজেনে তা সমারে থায়।