ফিলিপীয় 1:8 - Chakma Bible

⁸ খ্রীষ্ট যীশুর্ কোচ্‌পানা রিবেঙত্ থোইনে মুই যে তমারে কদক্ কোচ্‌পাং সিয়েনর গোজেনে সাক্ষী।

ফিলিপীয় 1:8 Cross References

ইয়োব 16:19

ইক্কিনিয়ো মঅ সাক্ষীগুন্‌ স্বর্গত আগন্‌; মঅ পক্ষেদি যিবে কধা কবঅ তে উগুরে আঘে।

যিশাইয় 16:11

মঅ মনান মোয়াবত্তে, মঅ ভিদিরেদিগান কীর্-হরসতত্তে বীণা ধোক্ক্যেন গুরি কানের্।

যিশাইয় 63:15

ও লগেপ্রভু, স্বর্গত্তুন, তর্ পবিত্র আর বাঈনী গুরিবার জাগানত্তুন্ তুই রিনি চাহ্। তর্ আওজ্‌চান আর তর্ খেমতাবলা কামানি কুদু? তর্ নরমভাব আর মেয়্যেগানি আমাত্তুন্ তুই সোরেই রাগেয়োচ্।‌

যিরমিয় 31:20

ইফ্রয়িম কি মর্ কোচ্‌পানার পুয়ো নয়? তে কি সেই পুয়োবো নয় যিবেরে দেগিনে মুই হুজি অং? যুনিয়ো মুই প্রায়ই তা বিরুদ্ধে কধা কোইয়োং মাত্তর্ তো মুই তারে নিত্য ইদোত্ রাগাং। সেনত্তে মঅ পরাণান তাত্তে কানের্; তাত্তে মর্ অমকদ মেয়্যে অয়। ‍‍

রোমীয় 1:9

গোজেন পুয়ো পৌইদ্যেনে গম্ হবর্ প্রচার গুরিনে মর্ বেক্ মনান্দোই মুই গোজেনরে সেবা গরঙর্। মুই যেদক্ বার্ তবনা গরং সেদক্ বার্ যে তমা কধানি ইদোত্ তুলোং, তেয়ই সিয়েনর্ সাক্ষী।

রোমীয় 9:1

খ্রীষ্ট সমারে মিজেইনে মুই কঙত্তে, মনত্ দুঘে বুগ্ ভাঙের্ আর চিদোত্ পুদের্, আর এ কধাগান সত্য, মিজে নয়। মঅ বিবেগ্‌কান্অ পবিত্র আত্মা সমারে মিজেইনে সেই একই সাক্ষ্য দের্।

২ করিন্হীয় 13:9

যেক্কে আমি মেরা মেরা ওই আর তুমি বোলী অ সেক্কে আমি হুজী ওই। আর আমি তবনা গুরিই যেন তুমি বেক্কানি ঠিগ্ ওইনে খাটি অ।

২ করিন্হীয় 6:12

আমি আমার মনানি তমাত্যে মেলি থোইয়্যেই, মাত্তর্ তুমি তমার্ মনানি আমা বিরুদ্ধে বন্ধ গুরি থোইয়ো।

২ করিন্হীয় 7:15

তুমি বেক্কুনে যেধোক্ক্যেন গুরি দর্ আর সর্মান সমারে তারে মানি লোইনে বাধ্যতা দেগেয়ো, সিয়েন মনে গুরিনে তমা উগুরে তার্ কোচ্‌পানা আরঅ বাড়ি যেইয়্যে।

গালাতীয় 1:20

গোজেনে সাক্ষী, মুই তমা ইধু যিয়েন লেগঙর্ সিয়েনর্ কিচ্চু মিজে নয়।

গালাতীয় 3:26

খ্রীষ্ট যীশু উগুরে বিশ্বেজর্ মাধ্যমে তুমি বেক্কুনে গোজেনর্ পুয়ো ওইয়ো;

গালাতীয় 4:19

মর্ পুয়ো-ছাগুন্, যেদক্ বিলোন সং তুমি খ্রীষ্ট ধোক্ক্যেন ন-অ সেদক্ বিলোন সং মুই আরঅ তমাত্যে পুয়ো ফুদোইদ্যে দুঘো ধোক্ক্যেন কষ্টত্ ভুগোঙর্।

ফিলিপীয় 2:1

সালে খ্রীষ্ট সমারে মিজেইনে যেক্কে উচ্চোমি পাহ্ যায়, খ্রীষ্টর্ কোচ্‌পানার কারনে যেক্কে সান্তনা পাহ্ যায়, পবিত্র আত্মা আর তমা ভিদিরে যেক্কে উদোলোলি আঘে, তমা মনত্ যেক্কে কোচ্‌পানা আর দোয়্যে-মেয়্যে আঘে,

ফিলিপীয় 2:26

তে তমারে বেক্কুনোরে দেগিবাত্যে চায় বিলিনে মুই তারে ফিরেই পাধাঙর্। সিয়েনবাদে তুমি তার্ অসুগোর্ কধা শুন্ন্য বিলিনে তে ভারী চিন্তেত্ আঘে।

ফিলিপীয় 4:1

মর্ ভেইয়ুন, তমারে মুই কোচ্‌পাং আর তমারে রিনি চেবাত্যে চাং। তুমিই মর্ হুজী, মর্ মকুট। তুমি প্রভুর লগে মিজেইনে থির্ থাগঅ।

কলসীয় 2:1

মুই তমারে জানেবার চাং, তমাত্যে আর লায়দিকেয়া শঅরর্ মন্ডলীর মানুচ্চুনোত্যে, আর যিগুনে মরে ন-দেগন্ তারার্ বেক্কুনোত্যে মুই মনে পরাণে কাম্ গরঙর্।

কলসীয় 3:12

ইয়েনত্যে গোজেনে যিগুনোরে বেঈ লোইনে নিজোত্যে জুদো গুরি থোইয়্যে তার্ সেই কোচ্‌‌পেইয়্যে মানুচ্‌ ইজেবে তুমি মনেদি মেয়্যে, দোয়্যে, নম্রতা, নরম-খাচ্চ্যত্ আর ধৈজ্জ্য দিইনে নিজোরে সাজঅ।

১ থিষলনীকীয় 2:5

তুমি কোই পারঅ আমি কনদিন্অ বিগিদি গুরিনে কধা ন-কোই, আর লুভ্‌পানরে নাঢি থোইনেয়ো যে ছলনা গুরিনে কনঅ কধা আমি ন-কোই, গোজেনে তার্ সাক্ষী।

১ থিষলনীকীয় 2:8

তমা উগুরে গভীন মেয়্যে-মমতা থানায় তমারে বানা গোজেনর্ গম হবর্ দিবাত্যে নয়, তমাত্যে নিজো পরাণান্অ দিবাত্যে আমি রাজী এলং, কিয়া আমা ইধু তুমি ভারী পরাণর্।

২ তীমথিয় 1:4

তুই যে কান্ন্যচ্ সে কধাগান মনে গুরিনে তরে ভারী চেবাত্যে আওজ্ অর্, যেন মঅ মনান্ হুজিয়ে ভুরি উদে।

ফিলীমন 1:12

যা ওক্‌, মুই তারে তইধু ফিরেইনে পাধাঙর্; তে মর্ পরাণ ধোক্ক্যেন কোচ্‌পেইয়্যে।

ফিলীমন 1:20

ভেই, আমি প্রভুর্ ওইয়্যেই বিলি মুই চাংগে, তুই মর্ এক্কান উপকার গর্। বিশ্বেজি ভেই ইজেবে তুই মঅ মনত্ নূয়ো উচ্চোমি জাগেই তুল্।

১ যোহন 3:17

এই জগদত্ হেইনে-উরিনে পিনিনে বাঁজি থাইদ্যে ধোক্ক্যেন অবস্থা যিবের্ আঘে, তে তার্ ভেইয়ুনোর অভাব দেগিনেয়ো যুনি চোগ্‌কুন নাঢি থায় সালে কেধোক্ক্যেন গুরি তা মনভিদিরে গোজেন উগুরে কোচ্‌পানা থেই পারে?