ফিলিপীয় 1:25 - Chakma Bible

²⁵ মুই ঘেচ্চ্যেকগুরি হবর্ পাং মুই বাঁজি থেম্ আর তমা বেক্কুনো সমারে থেম্, যেন তমার বিশ্বেজ্‌‌চান বাড়ে আর সিয়েন্দোই তুমি হুজী অ।

ফিলিপীয় 1:25 Cross References

গীতসংহিতা 60:6

গোজেনে তার পবিত্র নাঙে কোইয়্যেদে, “মুই হুজিয়ে শিখিমান ভাগ গুরি দিম, সুক্কোতর সংজাগায়ান জরীপ গুরিনে ভাগ গুরি দিম।

লূকে লেখ্যে গম্ হবর্ 22:32

মাত্তর্ মুই তত্যে তবনা গোজ্যং যেন তঅ বিশ্বেজত্ ভাঙন্ ন-ধরে। তুই যেক্কে মইধু ফিরি এবে সেক্কে তর্ এই ভেইয়ুনোরে খেমতাবলা গুরি তুল্।”

প্রেরিত্‌ 11:23

গোজেনে যে কেধোক্ক্যেন্ গুরি আন্তিয়খিয়া মানুচ্চুনোরে দোয়্যে গোজ্জ্যে বার্ণবা এইনে সিয়েন দেগিনে অমকদ হুজি অলঅ। তারা যেন বেক্ মনান্ দিইনে প্রভু ইধু বিশ্বেজি থান্ সেনত্তে তে তারার্ বেক্কুনোরে উচ্চোমি দিয়্যে ধুরিলো।

প্রেরিত্‌ 20:25

ইক্কিনে মুই এ কধাগান্ কোই পারং, তমার্ যিগুনো ইধু মুই যেইনে গোজেন রেজ্য পৌইদ্যেনে প্রচার গোজ্জ্যং তারাত্তুন্ কনজনে মরে আর ন-দেগিবাক্।

রোমীয় 15:13

যিবে আজা দান গরে সেই গোজেনে তমা বিশ্বেজর্ মাধ্যমে অমকদ হুজিয়ে আর সুগে-শান্দিয়্যে তমারে ভর্‌পুনোং গোরোক্। সালে পবিত্র আত্মার্ খেমতালোই তমা মনানিত্ আজা পুড়েব।

রোমীয় 15:18

খ্রীষ্ট মঅ মাধ্যমে যিয়েনি গোজ্জ্যে সিয়েনির বারেদি কনঅ কধা কবার্ সাহস মুই ন-গুরিম। তে মর্ কধা আর কামর্ মাধ্যমে, আমক্ অবার্ কাম আহ্ চিহ্নো কামর্ মাধ্যমে আর পবিত্র আত্মার খেমতালোই অযিহূদীগুনোরে গোজেনর্ বাধ্য গোজ্জ্যে। সিয়েনর্ কারনে মুই যিরূশালেমত্তুন্ আরাম্ভ গুরিনে ইল্লুরিকা সং বেক্ জাগানিত্ খ্রীষ্ট পৌইদ্যেনে গম্ হবর্ পুরোপুরি গুরিনে প্রচার গোজ্জ্যং।

রোমীয় 15:29

মুই কোই পারং যেক্কে মুই তমা ইধু যেম্ সেক্কে খ্রীষ্টর্ পুরোপুরি আশিদ্‌বাদ লোইনে যেম্।

রোমীয় 5:2

গোজেনর্ এই যে দোয়্যের্ পধেদি ইক্কিনে আমি চলির্ সিধু আমি খ্রীষ্টর্ মাধ্যমে বিশ্বেজ্‌চোই লুম্মেয়ি। গোজেনর্ মহিমা পেবার্ আজায় আমি ফুত্তি গুরির্।

২ করিন্হীয় 1:24

গিরোজ ধোক্ক্যেন গুরি আমি যে তমার্ বিশ্বেজ্ উগুরে আঢ্ দির্ সিয়েন নয়, বরং তুমি যেন হুজী অ সেনত্যে তমা সমারে কাম্ গরঙর্; কিয়া বিশ্বেজে তুমি দরমর গুরি থিয়্যেই আঘঅ।

ফিলিপীয় 1:24

তো তমাত্যে মর্ বাঁজি থেবার্ দরকার আরঅ বেশ্।

ফিলিপীয় 2:24

মাত্তর্ মুই প্রভু উগুরে এ বিশ্বেজ্‌চান রাগাং যে, যাদিমাদি মুইয়ো এই পারিম্।

ফিলীমন 1:22

আর এক্কান কধা কঙর্-গর্‌বাগুনো ঘরান মত্যে যুক্কোল্ থঅ, কিয়া মুই আজা গরঙ্ যে, তমা তবনা গরানার ফলে মরে তমা ইধু ফিরেই দিয়্যে অবঅ।

১ পিতর 1:8

যুনিয়ো তুমি খ্রীষ্টরে ন-দেগঅ তো তুমি তারে কোচ্‌পঅ; যুনিয়ো ইক্কিনে তুমি তারে ন-দেগর্ তো তুমি তা উগুরে বিশ্বেজ্ গরর্, আর যে হুজিগান কধাদি ফগদাং গরা ন-যায় আর যিয়েন স্বর্গীয় মহিমালোই ভরা, সেই হুজিলোই তুমি হুজি অর্;