ফিলিপীয় 1:18 - Chakma Bible

¹⁸ মাত্তর্ সিয়েন্দোই কি অয়? আজল্ কধাগান অলঅ, ইয়েন্দোই যেবাবোত্যে ওক্‌ খ্রীষ্ট পৌইদ্যেনে প্রচার অর্-সিয়েন ছলনার্ উদ্দেচ্চ্যে ওক্‌ আর গম উদ্দেচ্চ্যে ওক্‌; আর সিয়েন্দোই মুই হুজী। মর্ এই হুজিগান কনদিনঅ থুম্ ন-অবঅ,

ফিলিপীয় 1:18 Cross References

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

মার্ক 12:40

এক কিত্তেদি তারা মানুচ্চুনোরে দেগেবাত্তে লাম্বা লাম্বা তবনা গরন্, অন্য কিত্তেদি রানী মিলেগুনোর সোম্বোত্তিগানি গজক্ গরন্। এ মানুচ্চুনোর বোউত্ বেশ্ সাজা অবঅ।”

লূকে লেখ্যে গম্ হবর্ 9:45

মাত্তর্ শিচ্চ্যগুনে সে কধাগান্ বুঝি ন-পারিলাক্। গোজেনে তারাত্তুন্ সিয়েনি গুমুরোত্ রাগেয়্যে যেন তারা বুঝি ন-পারন্। ইয়েন্দোই কনঅ কধা যীশুরে পুযোর্ গুরিবাত্তেয়ো শিচ্চ্যগুনে দোরেলাক্।

লূকে লেখ্যে গম্ হবর্ 9:50

যীশু তারে কলঅ, “আর মানা ন-গুরিচ্, কিয়া যে তমা বিপক্ষে ন-থায় তে দঅ তমা পক্ষে আঘে।”

রোমীয় 3:9

ইক্কিনে আমি কি কবং? যিহূদী ইজেবে আমা অবস্থা কি অযিহূদীগুনোত্তুন্ বেশ্ গম্? কন বাবদে নয়। আমি দঅ আগে কোইয়্যেই, যিহূদী-অযিহূদী বেক্কুনে পাপে ভরা

রোমীয় 6:15

মাত্তর্ রীদি-সুদোমর্ অধীনোত্ ন-থেইনে দোয়্যের্ অধীনোত্ ওইয়্যেই বিলি কি আমি পাপ গুরিবোং? খামাক্কায় নয়।

১ করিন্হীয় 10:19

মর্ এ কধাগানত্ কি ইয়েনই বুঝো যায়, মূত্তি ইধু উৎসর্ব-গোজ্জ্যে হানা বিশেষ কিজু বা মূত্তি বিশেষ কিজু?

১ করিন্হীয় 14:15

সালে মত্তুন্ কি গরানা উচিত? মুই আত্মালোই তবনা গুরিম, বুদ্ধিলোই তবনা গুরিম; মুই আত্মালোই নাঙ্ গিনেদে গীদ্ গেইম্, বুদ্ধিলোইয়ো নাঙ্ গিনেদে-গীদ্ গেইম্।

১ করিন্হীয় 15:11

সেনত্তে মুই প্রচার গরং বা অন্য প্রচারগ্‌কুনে প্রচার গরন্, আমি এ পৌইদ্যেনে প্রচার গুরিই আর তুমি সিয়েনিই বিশ্বেজ্ গোজ্জ্য।

ফিলিপীয় 1:19

কিয়া মুই কোই পারং, মঅ উগুরে যিয়েন ঘোট্যে সিয়েনর্ শেষ্ ফল অবঅ মর্ উদ্ধোর্; আর সিয়েন তমার তবনালোই আর যীশু খ্রীষ্টর্ আত্মার সাহায্যলোই অবঅ।