ফিলিপীয় 1:13 - Chakma Bible

¹³ আর সেক্কে ইধুগোর্ রাজ-ঘরর্ সৈন্যদলুন্ আর অন্য বেক্কুনে হবর্ পেয়োন্দে, খ্রীষ্টত্যে মুই বন্দী অবস্থায় আঘং।

ফিলিপীয় 1:13 Cross References

প্রেরিত্‌ 26:29

পৌলে কলঅ, “সময় কম্ ওক্ বা বেশ্ ওক্, মুই গোজেন ইধু এ তবনাগান্ গরং যে, বানা তুই নয়, মাত্তর্ যিগুনে এচ্চ্যে মঅ কধানি শুন্ন্যন্ তারা বেক্কুনে যেন মঅ ধোক্ক্যেন্ অন্-বানা এই শিগোলান্ বাদে।”

প্রেরিত্‌ 26:31

সে পরেদি তারা সেই ঘরানত্তুন্ গেলাক্‌কোই আর একজন আরেকজনরে কুয়ো কি গুরিলাক্, “এ মানুচ্চো মরণর্ সাজা পেবার্ বা জেল্ খাদেদে ধোক্ক্যেন্ কিচ্চু ন-গরে।”

প্রেরিত্‌ 28:17

তিন দিন পরেদি পৌল সিধুগো যিহূদী নেতাগুনোরে ডাগিনে একসমারে এগত্তর্ গুরিলো। তারা এগত্তর্ অনার্ পরেদি পৌল তারারে কলঅ, “মঅ ভেইয়ুন, যুনিয়ো মুই আমা জাদর্ বিরুদ্ধে বা পূরোণি মানুচ্চুনোর সুদোম বিরুদ্ধে কিচ্চু ন-গরং, তো যিরূশালেমত্ মরে ধরা ওইয়্যে আর রোমীয়গুনো আঢত্ দিয়্যে ওইয়্যে।

প্রেরিত্‌ 28:20

ইয়েনত্যে মুই তমা সমারে দেগা গুরিবাত্তে আর কধা কবাত্তে চেইয়োং। ইস্রায়েল জাদর্ যে আজা আঘে সেই আজাগানত্তে মরে এ শিগোলান্দোই বানা ওইয়্যে।”

প্রেরিত্‌ 28:30

পুরো দ্বিবজর্ সং পৌলে তা নিজোর্ ভাড়া ঘরত্ এলঅ আর যিগুনে তা সমারে দেগা গুরিবাত্যে এদাক্ তে তারারে বেক্কুনোরে গুজি লদঅ।

ইফিষীয় 3:1

ইয়েনত্যে মুই পৌল গোজেন ইধু তবনা গরঙর্। তুমি যিগুনে অযিহূদী তমাত্যে মুই খ্রীষ্ট যীশুর্ বন্দী ওইয়োং।

ইফিষীয় 4:1

প্রভুত্যে বন্দী অবস্থায় মুই তমা ইধু এ কোজোলীগান গরঙত্তে, গোজেনে যিয়েনত্যে তমারে ডাক্ক্যে সিয়েনর যগাজ্যে ওইনে চলঅ।

ইফিষীয় 6:20

এই গম্ হবরান্ প্রচারত্যে মুই শিগোলত্ বান্যে খেলেয়ো খ্রীষ্টর দূতোর্ কাম গরঙর্। তবনা গরঅ যেন জেলো ভিদিরে থেইনে যেবাবোত্যে গুরি সেই গম্ হবরান মর্ প্রচার গরানা উচিত সেবাবোত্যেগুরি সাহচ্ গুরিনে সিয়েন গুরি পারং।

ফিলিপীয় 1:30

তুমি আঘে মরে যেবাবোত্যে গুরি দুঘ্ স্বীগের্ গত্তে দেক্ক্য আর ইক্কিনিয়ো সে পৌইদ্যেনে যিয়েনি শুনোর্, তুমিয়ো সেই সেবাবোত্যে দুঘোত্ ধরা পোজ্জ্য।

ফিলিপীয় 1:7

তমা বেক্কুনো পৌইদ্যেনে মর্ মনভাব এবাবোত্যে অনা উচিত, কিয়া তুমি মর্ কোচ্‌‌পেইয়্যে। মুই জেলোত্ থেলেয়ো গম হবরর্ পক্ষে থেইনে সিয়েনর্ সত্যগান প্রমাণ গরং, সেক্কে তুমি বেক্কুনে মঅ লগে গোজেনর্ দোয়্যের্ ভাগী।

ফিলিপীয় 4:22

গোজেনর্ বেক্‌ মানুচ্চুন যিগুনে ইধু আঘন, বিশেষ গুরিনে সম্রাট কৈসরর্ ঘর মানুচ্চুনে তমারে ভালেদি জানাদন্।

২ তীমথিয় 2:9

আর এই গম হবরান ফগদাঙত্যে মুই দুঘ্ গরঙর্; এন্‌ কি, দুষি ধোক্ক্যেন মরে বানা ওইয়্যে। মাত্তর্ গোজেনর্ কধাগানিরে দঅ বানা ন-অয়।