Juan 8:3 - Chayahuita (Shahui)

³ Cotio maistroꞌsaꞌ, parisioroꞌsaꞌ, inapita huëcatonaꞌ, aꞌna sanapi quëpi. Soꞌyahuan nipirinhuëꞌ, nisha quëmapiri ichihuëꞌërin. Nani quënanpi niꞌton, masahuatonaꞌ, Quisosoquë quëpi. Sanapi huancánachin ahuanirahuatonaꞌ, Quisoso itaponaꞌ:

Juan 8:3 Cross References

Mateo 2:4

Copirno paꞌyanaton, cotio maistroꞌsaꞌ, corto huaꞌanoꞌsaꞌ, inapita amatërin. Amatahuaton, natanin. —¿Insëquëtaꞌ Cristo Yosëri aꞌpaimarinsoꞌ nasitapon? itërin.

Juan 8:2

Tahuëririnquë tashiramiachin Yosë chinotopiso pëiquë paantarin. Naꞌa piyapiꞌsaꞌ huëꞌpi ina natanacaiso marëꞌ. Inaquë huënsërahuaton, aꞌchinapirinhuëꞌ,

Juan 8:4

—Maistro, iso sanapi soꞌyahuan nipirinhuëꞌ, nisha quëmapiri ichihuëꞌërin, quënanai.

Juan 8:9

Ina natanahuatonaꞌ, aꞌnaya aꞌnaya paꞌpi. Mashoroꞌsaꞌton paꞌpi. Ina quëran aꞌnaya aꞌnaya paꞌpi. Yaꞌipiya paꞌpachinara, sanapiíchin huaniárin.

Juan 9:13

Napohuachina, Parisioroꞌsataquë quëpapi.

Hechos 4:7

Pitro, Coansha, inapita maconahuatonaꞌ, ahuancanapipi natanacaiso marëꞌ. —¿Onporahuatomataꞌ chiníquën nanantatomaꞌ, apia anoyatëramaꞌ? ¿Intaꞌ nanan quëtërinquëmaꞌ anoyatacamasoꞌ? itopi.