Juan 11:3 - Chayahuita (Shahui)

³ Caniohuachina, oshinpitari piyapi aꞌpapi Quisoso shaꞌhuitacaso marëꞌ: —Nosororansoꞌ Sinioro, chiníquën caniorin. Huëcaton niꞌquiquëꞌ, itërin.

Juan 11:3 Cross References

Génesis 22:2

Naporoꞌ Yosëri itapon: —Huiꞌnan Isaco itëransoꞌ, aꞌnaíchin niꞌton, nosoromiatëran. Ina nipirinhuëꞌ, masahuaton Moria parti quëpaquëꞌ. Inaquë canconpatan, aꞌna motopi aꞌnotaranquën. Inaquë chinotancoso marëꞌ ina tëparahuaton, yaꞌipi ahuiquitëquëꞌ, itërin.

Salmos 16:3

Aꞌnaquën yaꞌhuëhuanoꞌsasoꞌ, mamanshiráchin moshapi. “Inapitasoꞌ chiníquën nanantopi,” taꞌtonaꞌ, imapi.

Lucas 7:13

Ina quënanahuaton, Quisosori nosororin. —Ama imoya naꞌnëquësohuëꞌ, itërin.

Juan 11:1

Pitaniaquë aꞌna caniaꞌpi yaꞌhuërin, Nasaro itopisoꞌ. Catoꞌ oshinpita yaꞌhuëtërin, Maria, Marta inapita itopisoꞌ. Ina Maria aꞌna tahuëri Quisoso paꞌmorantëarin. Huaꞌsaiꞌ paꞌton nininsoquë paꞌmorantërahuaton, ainën quëran amirantërarin. Coꞌhuara inapoyátërasohuëꞌ, yoꞌin chiníquën caniorin.

Juan 11:11

Ina quëran itaantarincoi: —Iya Nasaro huëꞌërin. Nipirinhuëꞌ, paato ochinanconapo, itërincoi.

Juan 11:21

Quisoso nacapirahuaton, Martari itapon: —Iꞌhua Sinioro isëquë yaꞌhuëran naporini, co yoꞌyohuë chimiintonhuëꞌ.

Juan 11:36

Ina niꞌsahuatonaꞌ, cotioroꞌsaꞌ nitaponaꞌ: —Niꞌcoꞌ. Naꞌnërin antaꞌ. Paꞌpi nosororin inarintaꞌ, itopi.

Juan 11:5

Nasaro, Marta, Maria, inapita paꞌpi nosororin.

Juan 13:13

Canpitasoꞌ nontohuatamacora, “Maistro” itëramaco. “Sinioro” itëramaco antaꞌ. Noꞌtëquën yonquiatomaꞌ, napotëramaco. Canpita maistronëmaco mini. Sinioroco niꞌto, natëramaco.

Juan 13:23

Casoꞌ Quisoso inchinanën quëran coshatërahuë. Naꞌcon nosororinco niꞌton, inaporahuë.

2 Timoteo 4:20

Irasito Corintoquë quëparitërin. Tropimo caniorin niꞌton, Miritoquë huëshirahuë.

Apocalipsis 3:19

Nosoroatënquëmaꞌ, chiníquën nontëranquëmaꞌ. Anaꞌintaranquëmaꞌ noya cancantacamaso marëꞌ. Co noyahuëꞌ yonquiramasopita aꞌporahuatomaꞌ, casáchin tahuërëtantaco huachi.