Juan 1:9 - Chayahuita (Shahui)

⁹ Shaꞌhuitërinpoaso chachin Quisocristo isoroꞌpaquë oꞌmarin. Oꞌmarahuaton, yaꞌipi piyapinpoaꞌ aꞌpintimarinpoaꞌ. Inasáchin noꞌtëquën anitotërinpoaꞌ.

Juan 1:9 Cross References

Isaías 49:6

Ina Sinioro chachin shaꞌhuitaantarinco: ‘Cacopo quëran pipipisopita huëntonoꞌsaꞌ, quëmari anoyataantapon. Inimicoroꞌsari quëpapirinahuëꞌ, quëmari ayontoantapon. Napoaponahuëꞌ, co inaíchin nicacaso marëꞌ acoranquënhuëꞌ, nisha piyapiꞌsanta aꞌchintaton, anohuitaancoso marëꞌ acoranquën. Aꞌpintërëso pochin nanamëhuë anitotaran. Yaꞌipi parti piyapiꞌsa chaꞌëcaiso marëꞌ aꞌchintëraꞌpiapon,’ itërinco,” tënin.

Lucas 11:36

Noyasáchin yonquihuatamaꞌ, co tashi pochin cancantaramahuëꞌ. Nanparin noya orotërinso pochin nisaramaꞌ. Noyápiachin cancantaramaꞌ,” itërin.

Juan 1:4

Inariáchin yaꞌipiya ananpirin. Piyapinpoantaꞌ aꞌpintatë pochin aꞌchintërinpoaꞌ ina nohuitatëhuaꞌ nanpimiatacaso marëꞌ.

Juan 1:7

aꞌpininsoꞌ anohuitiinpoaso marëꞌ. Yaꞌipi piyapiꞌsari natëcaiso marëꞌ shaꞌhuirin.

Juan 12:46

Carinquëmaꞌ aꞌpintëranquëmaꞌ. Imapatamaco, co tashinan pochin cancantaramahuëꞌ. Tahuëri pochin cancantaramaꞌ. Ina marëꞌ isoroꞌpaquë oꞌmarahuë.

Juan 14:6

—Ca ira pochinco. Yaꞌipiya noꞌtëquën aꞌchintëranquëmaꞌ. Casáchin nanpicasoꞌ quëtëranquëmaꞌ. Imaramacosopitarachin Yosëꞌpaꞌ cancontaramaꞌ.

Juan 15:1

Ina quëran itantarincoi: “Casáchin noꞌtëquën aꞌchintatënquëmaꞌ, opa naraꞌhuaya pochin ninahuë. Tata Yosësoꞌ huaꞌanën pochin ninin.

Juan 6:32

—Noꞌtëquën itëranquëmaꞌ. Cosharoꞌ inápa quëran oꞌmarinsoꞌ co Moisësëri quëtërinhuëꞌ. Tata Yosëri quëtërinsoꞌ. Iporasoꞌ noya noya nininsoꞌ quëtarinquëmaꞌ.

Juan 7:12

Nisha nisha yonquiatonaꞌ, ninontopi. “Inasoꞌ noya quëmapi,” topi aꞌnaquën. Aꞌnapitaso nipirinhuëꞌ taponaꞌ: “Co noyahuëꞌ. Yanonpintërinpoaꞌ,” topi.

1 Juan 1:8

“Co oshahuancohuëꞌ,” topatëhuaꞌ, canpoara ninonpintërëhuaꞌ. Co noꞌtëquën yonquirëhuahuëꞌ, co tëhuënchachin imarëhuahuëꞌ.

1 Juan 2:8

Co nasha camaitërinsohuëꞌ niponahuëꞌ, nasha pochin ninshitaranquëmaꞌ cancanëma quëran huarëꞌ ninosorocamaso marëꞌ. Quisocristo yaꞌipi piyapi nosororin. Nosoroatonquëmaꞌ, aꞌpintërëso pochin anoyacancantërinquëmaꞌ tahuëri pochin cancantacamaso marëꞌ. Ninosorohuatamaꞌ, co huachi tashi pochin cancantaramahuëꞌ.

1 Juan 5:20

Yosë huiꞌnin chachin oꞌmaton, noꞌtëquën Yosë anohuitërinpoaꞌ. Inasáchin noꞌtëquën yonquirin. Yosë nohuitatëhuaꞌ, yonquirinsoráchin imasarëhuaꞌ. Quisocristo nohuitërëhuaꞌ niꞌton, catahuarinpoaꞌ noꞌtëquën yonquicaso marëꞌ. Inaíchin Yosësoꞌ niꞌton, chinotacasoꞌ yaꞌhuërin. Ina nohuitohuatëhuaꞌ, nanpimiatarihuaꞌ.