Mateus 11:2 - Kaxinawá Bíblia (BR)

^2-3 Naximanika João bitxiti hiwe anu bitximabu hiweshũ haska Jesus Cristõ akubainaikiri banabimatãtanabu Joãonẽ nĩkatã hawẽ tsuma hatira kenashũ yunukĩ: —Jesus anu bushũ: “Mekenika Cristo Deusũ nukũ shenipabu yubani ha hushanairã, mĩ habiamẽ? Betsa daka nũ manai?” akĩ ea yukashũtãkãwẽ— hatu wa bushũ yukabu

Kashinawa : Diosun Jesúswen taexun yuba bena yiniki

^2-3 Nashimanika Juan bichiti jiwe anu bichimabu jiwexun jaska Jesucriston akubainaikidi banabimatantanabu Juanen ninkatan jawen tsuma jatida kenaxun yunukin: —Jesús anu buxun: “Mekenika Cristo Diosun nukun xenipabu yubani ja juxanaidan, ¿min jabiamen? ¿Betsa daka nun manai?” akin ea yukaxuntankanwen— jatu wa buxun yukabu

Mateus 11:2 Cross References

Mateus 1:17

Hanua Abraão anua hatũ ibuwẽ pakea 14 shenipabu hiwekubiranaibutiã hanua Davi kaĩnikiaki. Haska inũ, Davi anuari ana hatũ ibuwẽ pakea 14 shenipabu hiweabutiã nawabũ hatu atxitã dayamanũ, iwanã, Babilônia anu hatu iyunibukiaki. Hanua hatu iyunibu anuari ana hatũ ibuwẽ pakea 14 shenipabu hiweabu anuri Messias Cristo kaĩnikiaki.

Mateus 14:3

Hanua bari betsatiã Jesuskiri Herodesĩ nĩkariamakẽ Naximanika João mawani matu yuinũ nĩkakãwẽ. Herodesĩ hawẽ betsa Filipẽ aĩ Herodias mebĩmakẽ Joãonẽ Herodes ha akĩ yuikĩ: —Haskakĩ mĩ betsã aĩ mebĩtã mĩ aĩwaĩmamẽ? Haskatimahairaki. Aĩwãyamawe— akubainaya hawẽ aĩnĩ hãtxawẽ taeshũ shanẽ ibu Herodesĩ hawẽ soldadobu João atximashũ mane dispiwẽ hatu meneshmatã bitxiti hiwe merã hatu bitximaima hanu João hiwekẽ

Mateus 4:12

Hanua shanẽ ibu Herodesĩ Naximanika João hatu bitximaxina banabimabu Jesusũ nĩkatã Galiléia mai pakea anu txĩtũkaini

Mateus 9:14

Hanũkaĩ shaba betsatiã Naximanika Joãoki txiti ikabu Jesus anu beshũ yukakĩ: —Nuku inũ fariseubuki txiti ikabu nukũ txakabuwẽ taea nukũmebi itxakanikai samakei nũ piama ushayumiski. Haskai miki txiti ikabu samakeisbumamẽ?— akabu

Marcos 6:17

Herodesĩ eska xinãkĩ anirã, matu yuinũ nĩkakãwẽ. Bari betsatiã Herodesĩ hawẽ betsa Filipẽ aĩ Herodias mebĩmakẽ Joãonẽ nemakĩ yuikĩ: —Haskakĩ mĩ betsã aĩ mebĩtã mĩ aĩwaĩmamẽ? Haskatimahairaki. Aĩwãyamawe— akubainaya atimas hawẽ aĩkiri xinaĩ henekatsi ikama nuikĩ shanẽ ibu Herodesĩ hawẽ policiabu yunua João atxishũ mane dispiwẽ meneshtã bitxiti hiwe merã bitxiabũ

Lucas 3:19

hanushũ judeubũ shanẽ ibu Herodesĩ hawẽ betsa Filipẽ aĩ Herodias mebĩxina inũ txakabu betsa betsapa wakubainai nĩkakubaĩkĩ uĩtã yurabu hakiri yuixĩshũ Joãonẽ nemakĩ hawẽ txakabu henemanũ, iwanã, betsabũ nĩkaibũ Joãonẽ Herodes nemakĩ ha axiãwẽ taeshũ

Lucas 9:7

hanu judeubũ shanẽ ibu Herodesĩ Jesusũ hawara akeakeaikiri nĩkaya betsabũ yuikĩ: —João tenãbiaxinabu ma ana besteãmẽkaĩ— ikaibũ betsabũri yuikĩ: —Elias Deusũ hãtxa yuishunika kabiani hawẽ yushĩ damimamẽkaĩ— iriaibũ betsabũri yuikĩ: —Nukũ shenipabu Deusũ hãtxa yuishunika betsa mawanirã, ma ana besteĩmamẽkaĩ— ikeakeaibu Herodesĩ nĩkashũ xinaĩ: “Haratu ikũ kayabimẽ?” iwanã,

João 4:1

João binũkĩ Jesusũ yura itxapa haki txiti ikabu wakĩ hatũ hatu naximamabiakẽ nũ hawẽ tsumabũ hatu naximapakebiaya itxati hiwe shanẽ ibu fariseubũ nĩkai haki sinataibu Jesusũ nĩkatã hatube ha ikatsi ikama