Êxodo 19:8 - Kaxinawá Bíblia (BR)

⁸ habiatiãri Israelĩ enabu dasibitũ nĩkatã kemakĩ: —Senhor Deusũ hãtxa mĩ ma nuku yunushu nĩkatã txibãkĩ nũ akubaĩshanaii— akabu yurabu hãtxakãshu Moisĩ bui ana mapeketã Senhor Deuski txanikĩ banabima

Êxodo 19:8 Cross References

Êxodo 20:19

dasibibũ dateyabi Moisés yuikĩ: —Miã besti nuku hãtxa wawe, nũ mia nĩkakubainunã, hau Deusũ nuku ana hãtxa wayamanunã. Nuku ana hãtxa waya nũ mawatirubuki— akabu

Êxodo 24:3

Moisés butushũ Senhor Deusũ yunuti hãtxa inũ hawẽ nemati hatu pewashũshu hawenabu yuia nĩkatã dasibubũ hui bestitxai keskawẽ Moisés yuikĩ: —Hawẽ hãtxa dasibi Senhor Deusũ ma nuku pewashunarã, nĩkatã txibãkĩ nũ akubaĩshanaii— akabu

Êxodo 24:7

haska watã Deusũ yubati hãtxa una bishũ hawẽ hãtxa dasibi hatu yuishuna nĩkatã hanus hãtxakĩ yuikĩ: —Nukuburã, ana nukũ shinanẽ nũ itirubumaki. Haska Senhor Deusũ hawẽ yunuti nuku pewashunai besti nĩkatã nũ ashũkubaĩshanaii— akabu

Êxodo 4:31

ha dami hatu haska washuna hawenabũ uĩ txanima ikũwãkĩ Egito nawabũ hatu itxakawamisbu Senhor Deusũ uĩmis unãtã Israelĩ enabu dãti itã beti ishũ Senhor Deus kẽwanibukiaki.

Josué 24:21

Israelĩ enabũ Josué kemakĩ yuikĩ: —Haska mĩ yuiai keska nũ haskatirumaki. Hawa heneama Senhor Deus besti nũ duawapakekatsis ikaii— akabu

Josué 24:24

dasibibũ ana yuikĩ: —Hawẽ hãtxa dasibi nĩkakĩ hawara nukũ mekenika Senhor Deusũ nuku yunua besti nukũ huĩti hirabiwẽ duawakĩ nũ txibãpakeshanaii, hawa parãmarã— akabu