San Mateo 12:26 - Re C'ac'a Testamento pa Kach'abal

²⁶ Y quire' chuka' nibanataj riq'uin re Satanás, vo xa ye'rukotaj-a re itzel tak espíritu re jec'o riq'uin, can ndel che tzij che rion reja' nic'ue' can, roma can chij reja' mismo niyacataj-va-ka, y vo xa rion xtic'ue' can, can man nitiquir-ta nuban gobernar.

More versions

Kaqchikel Santo Domingo (Xenacoj)

²⁶ Si ri Satanás ngerelesaj ri itzel teq espíritu ri ekꞌo chuxeꞌ rutzij, xa ma junan ta ruwech ri rutzij rubꞌanun kikꞌin. ¿Achike modo xtilayaj ri ru-reino si keriꞌ xtubꞌen?

Kaqchikel Santa Maria de Jesus

²⁶ Y xa ri Satanás ncaꞌralasaj ri i-rusamajiel jajaꞌ, xa chirij jajaꞌ mismo nuꞌon-ka ayoval. Y xa quireꞌ nuꞌon, ruyuon niquiyaꞌ can y chaꞌnin nitzak ri ru-reino.

Kaqchiquel Bible

²⁶ Wi ri Itzel-Wineq yerelesaj-el ri kan e rusamajela', kan nik'ulun k'a chi tzij chi ruyon rija' nroqotaj-el-ri'. Y wi keri' nuben, ruyon nik'oje' kan y chi'anin nitzaq.

Kaqchikel Central Guatemala

²⁶ Y vi ri Satanás yerelesaj c'a el ri can e rusamajela' vi, can nic'ulun c'a chi tzij ri' chi ruyon rija' nrokotaj-el-ri'. Xa chirij rija' mismo yacatajinek-vi. Y vi queri' nuben, ruyon nic'oje' can y chanin nitzak.

Kaqchikel Western Solola

²⁶ Y wi ri Satanás yerelesaj el ri can yesamej riq'ui, can ntel c'a chi tzij chi xa ruyon riya' nrokotaj el ri'. Xa ruyon riya' nuben ka ch'a'oj chrij. Y wi queri' nuben, chanin nitzak y niq'uis ka ruk'ij.

San Mateo 12:26 Cross References