Тоололго 7:12 - Библи

^12-88 Иимэ үргэлнүүдые үдэр бүхэндэ асарагшад: Үдэрнүүд Үенүүд Ударидагшад Нэгэдэхи үдэр Иудын Амминадаабай хүбүүн Нахшоон Хоёрдохи үдэр Иссахаарай Цуһаарай хүбүүн Нэтанээл Гурбадахи үдэр Зэбүлүүнэй Хэлооной хүбүүн Элиааб Дүрбэдэхи үдэр Рэүбээнэй Шэдэһүүрэй хүбүүн Элицүүр Табадахи үдэр Симеоной Цуришаддайн хүбүүн Шэлүмиһээл Зургаадахи үдэр Гаадай Дэүһээлэй хүбүүн Элиасаап Долоодохи үдэр Эпрааимай Аммиһүүдэй хүбүүн Элишамаа Наймадахи үдэр Мэнашшээгэй Пэдэцүүрэй хүбүүн Гамалиһээл Юһэдэхи үдэр Бэньямиинэй Гидеоной хүбүүн Абидаан Арбадахи үдэр Даанай Аммишаддайн хүбүүн Ахиээзэр Арбан нэгэдэхи үдэр Ашээрэй Охраанай хүбүүн Пагиил Арбан хоёрдохи үдэр Напталиигай Энаанай хүбүүн Ахираа Тэдэнэй хүн бүхэн иимэ бэлэг үргэлнүүдые асарба: зуун гушан шээкэлэй жэнтэй мүнгэн нэгэ аяга, далан шээкэлэй жэнтэй мүнгэн нэгэ аяга. Хамта: арбан хоёр мүнгэн аяга. Тэдэ хамтадаа хоёр мянга дүрбэн зуун сагаан мүнгэн шээкэлэй жэнтэй байба. Эдэ амһартанууд хилээмэн үргэлдэ асарһан оливын тоһо холиһон, тогтоомол хүндын шэгнүүртэй шэниисын гурилаар бариһан эдеэ хоолоор дүүргэгдэнхэй байха ёһотой. Хамта: арбан хоёр алтан бойпуур. Тэдэнэй хамтын шэгнүүр: зуун хорин шээкэл. Түгэс шатаалта үргэлдэ нэгэ буруун буха, наһаа хүсэһэн нэгэ хуса, нэгэ түлгэн хуса. Хамта: арбан хоёр буруун буха, арбан хоёр наһаа хүсэһэн хуса, арбан хоёр түлгэн хуса. Нүгэл сагааруулгын үргэлдэ нэгэ тэхэ. Хамта: арбан хоёр тэхэ. Амгалан байдалай түлөө үргэлдэ хоёр буха, наһаа хүсэһэн табан хуса, табан тэхэ, табан түлгэн хуса. Хамта: хорин дүрбэн буха, наһаа хүсэһэн жаран хуса, жаран тэхэ, жаран түлгэн хуса. Эдэ бүхы бэлэг-үргэлнүүд майхан һүмые болон тэндэхи үргэлэй шэрээе тоһоор түрхиһэн үдэр, тэдэниие арюудхаһан ушарта зорюулагдаба.

Тоололго 7:12 Cross References

Эхин 35:22

Тэндэ байхадаа ууган хүбүүн Рэүбээн эсэгынгээ бага һамган Билһаатай унтаа. Энээн тухай эсэгэнь мэдэбэ. Яков арбан хоёр хүбүүдтэй бэлэй.

Эхин 35:23

Лэһаа һамганһаань Яковай ууган хүбүүн Рэүбээн, Симеон, Левий, Иуда, Иссахаар ба Зэбүлүүн гараа.

Эхин 49:10

Иудын үри һадаһад хододоо гартаа хаанай баяг бариха, уг удамынь хододоо зонхилогшод байха. Олон улас түрэнүүд шинии уг удамда албан татабари түлэжэ, урдаш һүгэдэн байха.

Эхин 49:8

Иуда хүбүүмни! Аха дүүнэршни үеын үедэ уг удамыеш магтан байхань болтогой! Үри һадаһадшни дайсадаа шэлэ хүзүүн дээрэһээнь адхан бариһан мэтэ хүдэлгэнгүй захиржа, аха дүүнэрэйшни үри һадаһад уг удамайш урда һүгэдэн мүргэхэ.

Тоололго 1:5

Таанадта туһалха зоной нэрэнүүд гэбэл, иимэ: Обогууд Угууд Толгойлогшонор Рэүбээнэй Шэдэһүүрэй хүбүүн Элицүүр, Симеоной Цуришаддайн хүбүүн Шэлүмиһээл, Иудын Амминадаабай хүбүүн Нахшоон, Иссахаарай Цуһаарай хүбүүн Нэтанээл, Зэбүлүүнэй Хэлооной хүбүүн Элиааб. Иосифой хүбүүдэй: Эпрааимай Аммиһүүдэй хүбүүн Элишамаа, Мэнашшээгэй Пэдэцүүрэй хүбүүн Гамалиһээл, Бэньямиинэй Гидеоной хүбүүн Абидаан, Даанай Аммишаддайн хүбүүн Ахиээзэр, Ашээрэй Охраанай хүбүүн Пагиил, Гаадай Дэүһээлэй хүбүүн Элиасаап, Напталиигай Энаанай хүбүүн Ахираа.

Тоололго 10:14

Иудын хотон хүреэнэй туг үргэгдэжэ, тэдэнэй сэрэг тогтон байрлаһан газарһаа эгээн түрүүн хүдэлбэд. Иудын обогой хэдэн бүлэг сэрэгые Амминадаабай хүбүүн Нахшоон ударидажа, бүхы сэрэгэйнгээ урда ябаа.

Тоололго 2:3

Урдуур, зүүн зүгтэ Иудын сэрэг бүлэг бүлэгөөрөө зогсохо. Тэдэнэй удаа дараа дараагаар иимэ обог сэрэгүүд оршохо: Отогууд Сэрэгэйнь дарганар Сэрэгшэдэйнь тоо Иудын Амминадаабай хүбүүн Нахшоон 74 600 Иссахаарай Цуһаарай хүбүүн Нэтанээл 54 400 Зэбүлүүнэй Хэлооной хүбүүн Элиааб 57 400 Хамта: 186 400 Эдэнэр түрүүлэн ябаха.

Тоололго 7:11

Тиихэдэнь Эзэн Моисейдэ иигэжэ айладаба: – Үдэр бүри ударидагша бүхэн өөр өөрынгөө үргэлнүүдые шатаадаг үргэлэй шэрээдэ асаржа байг.

Матвей 1:4

Араам – Амминадааб хүбүүтэй, Амминадааб – Нахшоон хүбүүтэй, Нахшоон – Салмоон хүбүүтэй байгаа.

Лука 3:32

Давид – Ишайн, Ишай – Обээдэй, Обээд – Бооһазай, Бооһаз – Салмооной, Салмоон – Нахшооной хүбүүн,

Рүүт 4:20

Амминадаабта Нахшоон, Нахшоондо Салмоон,