Тоололго 6:2 - Библи

² – Израильшуудта соносхон иигэжэ хэлэ: Хэрбэеэ эрэ гү, али эхэнэр хүн Эзэндэ шахаа тангаригаа үгэжэ, толгойдоо оливын тоһо түрхюулээд, ямар нэгэ болзор саг соо өөрыгөө Эзэндэ зорюулха гэжэ шиидэбэл,

Тоололго 6:2 Cross References

Египедһээ гаралга 33:16

Угсаата арадтаа талархажа байһанайтнай гэршэ ямар бэ? Маанадтай ябаха гээшэтнайл болоно! Тиибэл, дэлхэйн ондоо арадуудһаа бидэниие үлүү тооһонойтнай гэршэ энэ мүн лэ даа.

Һургаал 18:1

Үсэд хүн өөрынгөө дуратай юумэ хэдэг. Ухаатай заабари шагнахадаа, сухалдадаг.

Ерэмияа 35:6

Теэд тэдэ: – Бидэ үзэмэй дараһан архи уудаггүйбди. Манай үбгэ эсэгэ Рэхаабай хүбүүн Ёнадааб бидэнэй болон уг удамаймнайшье үзэмэй дараһан архи уухагүй тухай захирһан юм.

Левит 20:26

Таанад арюун байжа, гансал Минии арад түмэн байха ёһотойт. Юуб гэбэл, Би Эзэн гээшэб, Би арюун нангин гээшэб, гансал Минии байхынтнай түлөө ондоо арадуудһаа таанадые илган абааб.

Левит 27:2

– Израильшуудта соносхо: Хэрбээ хэн нэгэн Эзэндэ шахаа тангариг үргөөд, удаань тэрээнһээ сүлөө болохо гэбэл, иимэ мүнгэ түлэжэ сүлөөрхэ.

Тоололго 30:3

«Хэрбэеэ хэн нэгэн Эзэндэ тангариг үргэбэл, үгышье һаа, энэ-тэрэ юумэнһээ зайлан байхаб гэжэ үгэеэ үгэбэл, тэрэ хүн үгэеэ эбдэхэ ёһогүй.

Тоололго 6:1

Эзэн Моисейдэ иигэжэ айладаба:

Лука 1:15

юундэб гэхэдэ, хүбүүншни Бурханай нюдэндэ агууехэ хүн байха: үзэмэй дараһан архи амсахагүй, бүри эхынгээ умайда байхадаа Арюун Һүлдэ тогтоожо абаха,

Хэрэгүүд 18:18

Павел үшөө олон үдэр тэндэ байгаад, удаань аха дүүнэртэйгөө хахасан, Прискиилла Ааквила хоёрые абаад, Сириин орон тамаржа ошобо. Хэзээ нэгэтэ үгэһэн дашаа тангаригайнь болзор дүүрэжэ, Павел Кенхрейдэ үһэеэ абхуулаа.

Римэйхиндэ 1:1

Бурханай хайра дурада хүртэһэн, Тэрэнэй нангин арадынь байхаар дуудуулагдаһан Римэй бүгэдэ зон, таанадта Иисүүс Христоосой зараса, элшэнгээр һунгагдаһан Павел бэшэнэ. Манай Эсэгэ Бурхан ба Эзэн Иисүүс Христоос таанадта хайраяа болон амгалан тайбаниие үршөөг лэ!

Коринфынхидтэ 2-дохи 6:16

Яажа Бурханай Һүмэ онгонуудта хамаатай байхаб? Бидэл амиды Бурханай Һүмэ гээшэбди. Бурхан Өөрөө иигэжэ хэлээ: «Өөрынгөө хүнүүдэй дунда Би гэр бодхоохоб, тиигээд тэдэнэйнгээ дунда оршожо байхаб, тэдэнэйнгээ Бурханиинь байхаб, харин тэдэнэр Минии арад болохо».

Галадуудта 1:15

Үшөө эхынгээ умайда байхадамни Бурхан агууехэ үршөөл хайраараа намайе шэлэжэ абаад,

Еврейнүүдтэ 7:27

Ондоо ахамад санаартадтал адли түрүүн өөрынгөө нүгэлнүүдэй түлөө, һүүлдэнь арад зоной нүгэлнүүдэй түлөө үдэр бүхэн үргэл асарха Тэрээндэ хэрэггүй. Тэрэ нэгэтэ, тиихэдэ хэтын хэтэдэ Өөрыгөө үргэл болгон үргөө.

Ударидагшад 13:14

Уһан үзэмэй эшэһээ гараһан бүхы юумэнүүдые бү эдиг, үзэмэй дараһан архи болон һогтоодог шара ундаа бү ууг, бузартажа муу болоһон эдеэ хоол бү эдиг. Шинии һамган Минии хориһон эдэ бүхы юумэнүүдһээ сээрлэг.

Ударидагшад 13:4

Тиихэдээ болгоомжолжо, үзэмэй дараһан архи болон шара ундаа бү уу, бузартай эдеэ хоол бү эди.

Ударидагшад 13:5

Үхибүүнэйнгээ үһыень бү хайшала. Юундэб гэхэдэ, нарайлха нялхашни умай сооһоо өөрыгөө Эзэндэ зорюулан үгэнхэй юм. Таанадай энэ хүбүүн израильшуудые пилиштүүдэй гарһаа абаран аршалжа эхилхэ.

Ударидагшад 16:17

Һүүлэй һүүлдэ Самсоон Далиилаада иигэжэ хэлэбэ: – Минии толгойн үһые хайшалжа болохогүй. Ушар юуб гэхэдэ, би эхынгээ умай соо байхадаа, өөрыгөө Эзэндэ зорюуланхайб. Хэрбэеэ үһыемни хайшалаа һаань, минии агууехэ хүсэ шадал бууража, юрын хүн шэнги болохоб.

1 Хаан түрэнүүд 1:28

Тиимэһээ хүбүүгээ Тэрээндэ зорюулан үгэнэб. Энэ хүбүүн бүхы наһаараа Эзэндэ алба хэжэ байха. Элии Эзэндэ һүгэдэн мүргэбэ.