Тоололго 19:3 - Библи

³ Тэрэниие санаарта Эльазаарта үгэгты. Хотон хүреэнһөө тэрэниие гарган абаашаад, үүсэлүүлэг.

Тоололго 19:3 Cross References

Левит 16:27

Харин нүгэл сагааруулгын үргэлдэ зорюулагдаһан тугал тэхэ хоёрой шуһаар нангин газарые арюудхаад, мяхыень хүнэй байраһаа холо абаашаад, арһатайнь, мяхатайнь, шабааһатайнь галда шатааг.

Левит 24:14

– Тэрэ хараал хэһэн хүниие отог буусаһаа гаргаад, бултадаа гараа толгой дээрэнь табигты, тиигээд шулуудагты.

Левит 4:11

Үргэһэн буруунай арһа болон бүхы мяхыень тархи, тагалсагуудтайнь, бүхы гэдэһэ дотортойнь, шабааһатайнь,

Левит 4:12

буруунһаа үлэгшэ бүхы юумэ хотон хүреэнһөө гаргажа, сэбэр газарта абаашаад, үнэһэ адхадаг газарта түлеэн дээрэ шатааха хэрэгтэй. Үнэһэ хаана адхадаг бэ, тэндэл галдагдаха ёһотой.

Левит 4:21

Тэрэ буруунай бэе хотон хүреэнһөө холодуулан абаашаад, урда тээхидэл адляар тэрэниие шатааха ёһотой. Энэ хадаа бүхы арад зоной нүгэл сагааруулгын үргэл гээшэ.

Тоололго 15:36

Арад зон тэрэниие хотон хүреэнэй газаа гаргаад, Моисейдэ айладаһан Эзэнэй зарлигаар тэрэ хүниие шулуудажа алаба.

Тоололго 19:9

Нүгэл хээгүй хэн нэгэн нурма үнэһыень суглуулаад, хотон хүреэнһөө холо, сэбэр газарта абаашажа табиг. Улаан шарагшанай үнэһэниинь улад зондо үлэхэ. Хүниие сэбэрлэхэ ушарта, хүнэй нүгэл наманшалхада, улаан шарагшанай үнэһэн уһан соо хэгдэжэ, улад зондо хэрэглэгдэхэ.

Тоололго 3:4

Гэбэшье Надааб Абиһуу хоёр майхан һүмэдэ алба хэжэ байхадаа, Эзэнэй хориһон гал абаад, Синайн сүл губида наһа бараһан юм. Тэдэ хоёр үри хүүгэдгүй байгаа. Түрэһэн эсэгэ Аһароонойнгоо үшөө амиды мэндэ ябахада, Эльазаар Итамаар хоёр санаартад болоо юм.

Тоололго 5:2

– Арһанай һэлхэнгээр, эдеэрэ болон шуһанай гоожон гарадаг үбшэнүүдээр үбшэлһэн бүхы үбшэнтэдэй болон үхэгшэдэй бэедэ гар хүрэжэ бузарлагшадые тогтон байрлаһан хотон хүреэнүүдһээ үлдэжэ ябуулха захиралта израильшуудта үгэ.