Тоололго 15:4 - Библи

⁴ Эзэндэ үргэл үргэхэдөө, тэрэ үргэлдөө нэмэлтэ болгожо, дүрбэнэй нэгэ хуби гиинэ оливын тоһотой холиһон эфаагай арбанай нэгэ хуби шэниисын гурил асарагты.

Тоололго 15:4 Cross References

Эзраа 7:17

энэ алта мүнгөөрөө үтэр түргэн буха, хуса, хурьга ба эдеэн үргэл болон сүршэхэ ундан үргэл худалдажа абаад, Иерусалимдахи Бурханай гэрэй үргэлэй шэрээдэ асара.

Египедһээ гаралга 29:40

Дүрбэнэй нэгэ хуби гиинэ оливын тоһонтой эфаагай арбанай нэгэ хуби шэниисын гурил худхаһан эрхим шанартай талха нэгэ хурьгантайнь сугтаа үргөөрэй, мүн дүрбэнэй нэгэ хуби гиинэ үзэмэй дараһан архи үргэхэш.

Исай 66:20

Тиигээд тэдэ нэгэ үндэһэ яһатан болохо зоноо тэндэхи арадуудһаа бусаажа, Намда бэлэг мэтээр асарха. Морёор, мори тэргээр, жууза дээрэ, лус, тэмээгээр тэдэниие Иерусалимдахи Минии нангин хада уула руу асарха. Арюун сэбэр амһарта соо талханай үргэл хэжэ, нангин үргөө руу Израилиин хүбүүдэй асардагтал тэдэ нэгэ яһатан болохо зоноо асарха.

Эзэкээл 46:14

Тэрээнтэй хамта гурбанай нэгэ хуби гиинэ оливын тоһонтой хамта худхагдаһан эфаагай зургаанай нэгэ хуби гурил үргэгдэхэ ёһотой. Намда зорюулһан үргэл тушаа иимэ ёһо гурим хэтэ мүнхэдөө хубилгагдахагүй.

Левит 1:13

Гэдэһэ доторыень, тагалсагуудыень уһаар угааха хэрэгтэй. Санаартан үргэлэй шэрээ дээрэ бултыень дэлгээгээд, шатааг. Энэ хадаа түгэс шатаалта үргэл гээшэ. Эзэндэ таатай һайхан үргэл, хуншуу үнэр гээшэ.

Левит 14:10

Наймадахи үдэртөө тэрэ хүн хоёр зэмдэг дутагдалгүй эрэ хурьга, нэгэ зэмдэггүй эмэ хурьга, тиигээд талхан үргэл бүтээхын түлөө тоһотой холиһон эфаагай арбанай гурбан хуби шэниисын гурил абаха ёһотой.

Левит 2:1

Хэрбээ али нэгэн Эзэндэ талхан үргэл хэхэ гэбэл, шэниисын гурил асараг, тэрээндээ оливын тоһо адхаад, дээрэнь гүгэл хээд,

Левит 2:15

дээрэнь оливын тоһо нэмээд, гүгэл хэ: энэ хадаа таряа талханай үргэл гээшэ.

Левит 23:13

Арбанай хоёр хуби шэниисын гурил оливын тоһондо зууража бариһан хилээмэн үргэл Эзэндэ үргэхэ хэрэгтэй. Тэрэнэй һайхан үнэр Эзэндэ таатай. Мүн дүрбэнэй нэгэ хуби гиинэ үзэмэй дараһан архи үргэхэ хэрэгтэй.

Левит 3:7

Хусаар үргэл хээ һаа, Эзэнэй үмэнэ асараад,

Левит 6:14

Энэ бол талхан үргэлэй хуули гуримууд. Аһарооной хүбүүд тэрэ үргэһэн юумые Эзэндэ үргэлэй шэрээгэй урда асарха ёһотой.

Малаахи 1:11

«Наранай гараад ородог газар хүрэтэр нэмжыһэн дэлхэйдэ Минии нэрэ үргэмжэлэгдэхэ. Газар бүхэндэ Минии нэрэдэ арюун сэбэр үргэл үргэдэг, уталга санзай ууюулдаг болохо». Тиигэжэ Түмэн Сэрэгтэ Эзэн айладаба.

Тоололго 28:12

Буруун буха бүхэнтэй оливын тоһонтой холёотой эфаагай арбанай гурбан хуби шэниисын гурил, хусатай хамта үргэхэ үргэлдөө оливын тоһонтой холёотой эфаагай арбанай хоёр хуби шэниисын гурил асарха хэрэгтэй.

Тоололго 28:4

Нэгэ түлгэн хурьгые үглөөгүүр, нүгөөдынь үдэшэлэн үргэжэ байгты.

Тоололго 29:6

Шэнэ һарын эхиндэ ба үдэр бүри үргэдэг түгэс шатаалта, таряа талханай, сэржэмэй үргэлнүүдһээ гадуур эдэ үргэлнүүдые хуулиин ёһоор бүтээгты. Эдэ үргэлнүүдэйтнай аятай һайхан хэншүү үнэр Эзэндэ һайшаагдаха.

Римэйхиндэ 15:16

бусад арадуудай аша туһада Христоос Иисүүсэй зараса болооб. Бусад арадые Арюун Һүлдын ашаар Бурханда зохистой арюун нангин үргэл болгохын тула би Бурханай Һайн Мэдээсэлые номнон, санаартанай ажал ябуулнаб.

Еврейнүүдтэ 13:16

Һайниие хэжэ, бэе бэедээ туһалхые бү мартагты. Энэнь Бурханда һайшаагдадаг үргэл гээшэ.

Ударидагшад 9:9

Теэд оливын модон тэдээндэ иигэжэ харюусаба: «Хүнүүд болон бурхад тоһонойм түлөө намда баяр хүргэнэд. Тиимэ һэн тула би тоһоёо үгэхэеэ болёод, бусад бэшэ модонуудые зонхилхо аалби?»