Псалманууд 127:3 - Библи

³ Һамганшни гэртэшни үрэ жэмэстэй уһан үзэмэй модон мэтэ, хүбүүдшни шэрээешни тойроһон чидун модондол адли.

Бурятский Библия. Отдельные книги Ветхого Завета

³ Харагты, үри хүүхэд болбол Эзэнэй хайрладаг бэлэг, умайн үрэ жэмэс хадаа шагналынь юм.

Псалманууд 127:3 Cross References

Эхин 1:28

Тиигээд Бурхан тэдэниие үреэн: – Уг удамтнай олошоржо, үнэр үдхэн болоод, газар дэлхэй дүүрэн тарагты, тэрэниие эзэлэгты. Далайн загаһадай, огторгойн шубуудай, газар дэлхэйн хамаг амитадай эзэд бологты.

Эхин 24:60

Рэбээккаае түрэлхидынь иигэжэ үреэбэ: – Басагамнай, үри хүүгэдээр үнэр үдхэн болоорой. Уг удамшни тооложо барашагүй олон боложо, дайсадаа даража, тоонто нютагыень эзэлхэнь болтогой!

Эхин 33:5

Эсаав һэгээ орожо, эхэнэрнүүдые, үхибүүдые обёороод, асууба: – Эдэшни хэд гээшэб? Яков харюусаба: – Танай барлаг болохо намайе Бурхан үреэжэ, иимэ үхи хүүгэдые үршөөгөөл.

Эхин 4:1

Адаам Ева һамгантаяа хэбтэбэ, тиин тэрэнь хээлитэй болоод, хүбүү түрэжэ: – Эзэнэй аша туһаар би хүниие бүрилдүүлбэб! – гэбэ. Тиигээд тэрээндээ Хаяан гэжэ нэрэ үгэбэ. Энэнь «хүбүүтэй болоһон» гэһэн удхатай нэрэ юм.

Эхин 48:4

Үреэхэдөө, Тэрэ «Би шинии уг удамые үрэжэлтэй олон болгохоб, олон арадуудые шамһаа бии болгохоб, энэ газар нютагые хэтэ мүнхэдөө эзэмшэхээр үри һадаһадташ үгэхэб» гэһэн юм.

2 Хаан түрэнүүд 3:5

Зургаадахи хүбүүниинь Эглааһаа гараһан Итрэһаам болоно. Давидай эдэ зургаан хүбүүд Хэброондо түрэһэн намтартай.

1 Угай бэшэг 28:5

Эзэн намда олон хүбүүдые үршөөн үгөөл, зүгөөр минии бүхы хүбүүд сооһоо Тэрэ минии хүбүүн Соломоониие Эзэнэй Израилиин хан шэрээдэ шэлэн һуулгаал.

1 Угай бэшэг 8:40

Улаамай хүбүүд сэрэгшэ уладууд, номоор мэргээр харбадаг, олон хүбүүд болон ашанартаяа дүн хамта зуун табин байгаа. Тэдэнэр бултадаа Бэньямиинэй хүбүүдһээ мүн.

Иоов 1:2

Тэрэнэй гэр бүлэдэнь долоон хүбүүн, гурбан басаган түрэһэн юм.

Исай 13:18

Тэдэ һурша номоороо залуу зониие хюдаха, нялхануудыешье хайрлахагүй, хүүгэдые хайрлаха гэжэ тэдээндэ үгы».

Исай 8:18

Эзэнэй намда даалгаһан үхибүүдтэй би мүнөө эндэ байнаб. Бидэ Израилиин улад зондо дүлгэ тэмдэг, амиды гэршэлэлгэнүүд болонобди. Бидэ Сион уула дээрэ заларан оршогшо Түмэн Сэрэгтэ Эзэнээр эльгээгдэнхэйбди.

Хуули дабталга 28:11

Шамда «үгэхэб» гэжэ найдуулһан, үбгэ эсэгэнэртэтнай тангариглаһан газар дайдада Эзэн үхи хүүгэдые таанадта олоор үршөөхэ, хони малыетнай олоор түлжүүлхэ, һайн ургаса бэлэглэхэ.

Хуули дабталга 28:4

таанадые үнэр баян болгон, газарайтнай ургаса, малайтнай түл олон болгон Эзэн юрөөхэ;

Ударидагшад 12:9

Тэрэ гушан хүбүүтэй, гушан басагатай байгаа. Тэрэ өөрынгөө басагадые түрэл бэшэ эрэшүүлдэ хадамда үгэбэ, өөрынгөө хүбүүдтэ түрэлнүүдэйнгээ басагадые һамга абхуулба.

1 Хаан түрэнүүд 1:27

Энэ үхибүүнэй түлөө мүргэн зальбаржа байгаа бэлэйб. Гуйһан гуйлтыемни Эзэн бэелүүлээ.