Даниил 9:7 - Библи

⁷ Эзэн, Та зүбта, харин бидэ мүнөө эшхэбтэр байдалда оронхой, нэрээ хухаранхай байнабди – Иудын, Иерусалимай болон Израилиин хан түрын бүхы улад зон: Танһаа буруу харахадамнай холо, ойрошье орон нютагуудаар Танай сасааша хүнүүд.

Даниил 9:7 Cross References

Эзраа 9:13

Эдэ бүгэдын удаа манай хэһэн хэмжэшэгүй ехэ гэм зэмымнай, хуули буса ябадалаймнай зэргээр хэһээнгүй хүлисөөт, тиигэжэ абарагдаха арга манда олгоот, Бурхамнай.

Эзраа 9:15

Израилиин Эзэн Бурхан! Энэрхыт даа манаа. Бидэ гэм зэмэтэ ябадалнуудһаа гүйсэд һалажа шадаашьегүй һаа, мүнөөдэр болотор амиды үлэһэн хадаа энээнһээ хойшо Танайнгаа урда зүб замаар ябаһайбди даа.

Нэхэмьяа 9:33

Харин бидэ зэмэтэйбди, Та хододоо үнэн сэхэ байгаат, манда бүхыдөө тохёолдоһые тон зүбөөр бүхыень шиидхээт.

Псалманууд 44:15

Хээтэй хубсаһа үмдэһэн тэрэниие хаанда дүтэлүүлэн асарна, тэрээнэй нүхэд басагадые хойноһоонь дахуулан хаанда абаашана.

Псалманууд 51:4

Хэлэншни бүлюудэһэн хутага мэтэ мэхэтэй, гэм түсэблээл.

Исай 11:11

Тэрэ үдэр Эзэн хоёрдохёо гараа һунгажа, Өөрын арад түмэнэй үлдөөсые бусааха, Ассириһээ, Египедһээ, Патроосһоо, Күүшһээ, Элаамһаа, Шинаарһаа, Хамаадһаа болон далайн аралнуудһаа асарха.

Исай 45:16

Шүтөөнүүдые дархалагшад бултадаа эшхэбтэр байдалда орохо, бултадаа нэрээ хухалха.

Ерэмияа 12:1

Эзэмни, минии Тантай зарга хэрэг ябуулаа һаа, Та хододоо үнэн зүб байхат. Гэбэшье Би Тантай үнэн шударгы ёһын хэрэгүүд тушаа адхаг һэжэгтэ баригдан хөөрэлдэхэ байнаб. Муу ябадалтайшуулда юундэ аза талаан туданаб, этигэлгүй, зүй буса зон юундэ хашалгүй амар байнаб?

Ерэмияа 23:6

Тэрэнэй зонхилхо сагта Иудын хан түрын улад зон абарагдаха, Израилиин зон ажана амгалан амидарха. Тэрэниие «Эзэн – Манай Үнэн Зүб» гээд нэрлэхэ.

Ерэмияа 24:9

Газар дэлхэйн бүхы хаан түрэнүүдэй һүрдэмөөр гай тодхор тэдээндэ тохохоб. Минии тэдэниие тарааһан бүхы газарнуудаар зон тэдэниие энеэдэ наада бариха, доромжолхо, шоодборилхо ба хараал шэрээл табиха.

Ерэмияа 3:25

Эшхэбтэр муу байдалда орожо, доромжолуулан һалаха ёһотойбди. Бидэ болон элинсэг хулинсагнай саг үргэлжэ Эзэн Бурханайнгаа урдаһаа нүгэл үйлэдэжэ байгаабди, Тэрэнэй үгэ дуулаагүйбди.

Ерэмияа 32:32

Иудын хан түрын болон Иерусалимай улад зон хаашуултаяа, удамаршадтаяа, санаартадтаяа, лүндэншэдтэеэ хамта муу муухай хэрэгүүдые үйлэдөө.

Ерэмияа 33:16

Тэрэ сагта Иудын хан түрын улад зон абарагдаха, Иерусалимай зон ажана амгалан амидарха. Тэрэниие «Эзэн – Манай Үнэн Зүб» гээд нэрлэхэ.

Ерэмияа 4:17

Талын харуул мэтэ тэдэ Иерусалимые тойрон бүһэлжэ байна, юундэб гэхэдэ, Иерусалимай арад зон Эзэнэй урдаһаа тэршэлэн бодоо. Иигэжэ Эзэн айладханал.

Ерэмияа 7:19

Теэд тэдэ Намайе гомдооно гү? Үгы! Тэдэ өөһэдыгөө бузарлан, өөһэдыгөө гомдохооно.

Эзэкээл 16:63

Хэһэн юумыеш Би хүлисэхэб, гэбэшье ши тэдэниие мартахагүйш, үгэшье хэлэхэеэ эшэжэ байхаш. Энэ болбол Би, Эзэн Бурхан, айладхана мүн!

Эзэкээл 36:31

Хэһэн муу муухай хэрэгүүдээ һанажа, өөһэдһөө жэрхэжэ эхилхэт.

Эзэкээл 5:10

Тиигэжэ Иерусалим соо эсэгэнэр хүүгэдээ эдихэ, хүүгэдынь гэртэхинээ эдихэ. Би таанадые хэһээжэ, амиды үлөөшэ зонииетнай найман зүгөөр тараан сасахаб.

Эзэкээл 6:12

Холо байгаашань халдабарита үбшэнһөө боложо наһа бараха, дүтэ байгаашань дайнда алуулха, амиды мэндэ үлөөшэнь туража үхэхэ. Иигэжэ Минии уур хилэнгэй хүсэн бушаганахал.

Даниил 9:14

Гай тодхор бидэндэ эльгэхэеэ, буулгахаяа Эзэн удаарбагүй. Эзэн Бурханай хэһэн бүхы үйлэ хэрэгүүдынь зүб, харин бидэл үгыень дуулаагүйбди.

Даниил 9:18

Бурхамнай, шагныт, Танай нэрээр нэрлэгдэһэн хотын хэр хооһороод байһые харыт! Бидэ Танда гуйжа хандахадаа өөрын үнэн зүб байһанда түшэглэнэ бэшэбди, харин Танай агууехэ энэрэл хайрада найданабди!

Даниил 9:8

Эзэмнай! Нүгэл Танай урда хэһэндээ бидэ бултадаа, хаашуулнайшье, түшэмэл ноёднай, үбгэ эсэгэнэрнайшье, нэрээ хухараабди.

Амоос 9:9

Захиржа, Израилиие бүхы арадуудай дундуур сасахаб, һагшуураар һагшаһандал, нэгэшье шулуу үлөөнгүй һагшахаб.

Римэйхиндэ 6:21

Урдань үйлэдэдэг хэрэгүүдһээ таанад юу оложо абабат? Мүнөө тэдэ хэрэгүүдһээ эшэжэ улайхаһаа бэшэ ондоо юумэн үгы, тэдэтнай таанадые үхэлдэ хүтэлжэ байгаа.

Хуули дабталга 32:4

Тэрэ – танай хамгаалагша, хэрэгүүдынь түгэс. Бүхы аян замынь залан сэхэ. Бурхан найдамтай, хуурмаг худал юумэн Тэрээндэ үгы, Тэрэ үнэн зүб, шударга сэхэ юм.

Хуули дабталга 4:27

Эзэн таанадые бүхы арадуудаар тарааха, тиихэдэнь тэдэ арадуудайнь дунда үсөөхэн тоотой үлэхэт.