Даниил 8:3 - Библи

³ Харахадам, нэгэ хуса эрье дээрэ байна. Тэрэ хоёр эбэртэй, нэгэ эбэрынь хожом ургаһаншье һаа, нүгөөдэһөө ута.

Даниил 8:3 Cross References

1 Угай бэшэг 21:16

Давидай нюдөө нээн харахадань, газар тэнгэри хоёрой хоорондо Иерусалим руу һэлмэ далайһан Эзэнэй Эльгээмэлые хараба; гашуудалай хубсаһа үмдэһэн Давид болон тэрэнэй аха захатан һүгэдэн мүргэбэд.

Эзраа 1:2

«Персиин хаан Киир иимэ зарлиг буулгана: Огторгойн Эзэн Бурхан газар дэлхэйн бүхы хаан түрэнүүдые минии мэдэлдэ үгөө. Иудын Иерусалимда Тэрээндэ шүтэн мүргэдэг Һүмэ барихыемни Тэрэ захираа.

Эзраа 4:5

Персиин ноёд, түшэмэлнүүдтэ эдилгэ үгэжэ, хаан Киирэй байхаһаа эхилээд, Персиин Даарий хаанай хан шэрээдээ һууха хүрэтэр тэрэ барилга урагшань ябуулаагүй юм.

Эстээр 1:3

Хаан шэрээдэ заларһанһаа хойшо гурбадахи жэлдээ найр хэбэ. Перс болон Мидиин уласай түшэмэлнүүд, сэрэгэй ноёд, аймаг нютагай зонхилогшод ба элдэб ноёд һайд уригдажа, хааниие бараалхаба.

Исай 13:17

Үзөөрэйгты, Би мүнгэ тоодоггүй, алта сэгнэдэггүй Мидиин улад зониие дуудахаб.

Исай 21:2

Аймшагтай үзэгдэл намда харагдаа: урбагша урбана, дээрмэшэн дээрмэдэнэ! «Элаам, добтоло! Миди, бүһэлэ! Бүхы ёолохо ушарнуудые Би болюулхаб».

Исай 44:28

Кииртэ иигэжэ айладхал буулганаб: «Ши Минии эльгээһэн ударидагша мүн, Минии үгэ соо хэрэг ябуулхаш. Иерусалимда һэргэн бодохыень, нангин үргөөгэйм һууриин дахин табигдахыень ши захирхаш!»

Ерэмияа 51:11

Эзэн Мидиин хаашуулые дуудаа, юуб гэхэдэ, тэрэ Вавилооной орон нютагые усадхаха гэһэн түсэбтэй. Иимэл аргаар Тэрэ Һүмынгөө түлөө үһөөгөө абаха. Сэрэгэй ноёд захирба: «Годлинуудаа хурсадагты! Һаадагуудаа дүүргэгты!

Даниил 10:5

Харахадам, улһан хубсаһа үмдэнхэй, Упаазай шэжэр алтан бүһэ бүһэлэнхэй нэгэ хүн зогсожо байба.

Даниил 2:39

Танай һүүлээр танһаа багашаг нэгэ хан түрэ оршохо, удаань гуулин хаан түрэ газар дэлхэйе зонхилон байха.

Даниил 5:31

Мидиин Даарий гэгшэ хаан болоо бэлэй. Тиихэдэ тэрэ жаран хоёр наһатай байгаа.

Даниил 6:28

Иигэжэ Даниил Даариин, мүн Персиин Киирэй хааншалалгын үенүүдтэ урагшатай һайн ажаһуугаа.

Даниил 7:5

Хоёрдохи амитан хойто хүлнүүд дээрээ зогсоод байһан баабгайдал адли һэн. Амандань, шүдэнүүдэйнь хоорондуур гурбан яһан харагдаа бэлэй. «Добтолжо, зоргоороо мяха эди!» гэжэ тэрээндэ хэлэгдээ һэн.

Даниил 8:2

Элаам газар нютагта оршодог Сүүзэ гэдэг хэрэм соо байнаб гээд үзэгдэл харабаб. Улай гэдэг уһан татуурай хажууда байна хэбэртэйб.

Даниил 8:20

Хоёр эбэртэй хуса хараа бэлэйш – эдэ хадаа Мидиин болон Персиин хаашуул болоно.

Захарияа 1:18

Толгойгоо дээшэнь үргэхэдэм, дүрбэн эбэр харагдаба.

Захарияа 2:1

Дахяад толгойгоо үргэжэ харахадам, гартаа хэмжүүрэй ооһор бариһан хүн ябаба.

Захарияа 5:1

Дээшээ харахадам, хуйламал бэшэг ниидэжэ ябаба.

Захарияа 5:5

Намтай хөөрэлдэһэн Эльгээмэл гараад намда хэлэбэ: – Дахяад дээшээ харал даа, юун дүтэлнэ гээшэб?

Захарияа 5:9

Дахин дээшээ харахадам, далитай хоёр эхэнэр харагдаба. Тэдэнэй хилэн шубуунай дали шэнги далинууд һалхи татуулан эшхэрбэ. Тэдэ амһартые үргэжэ, газар тэнгэриин хоорондуур шуумайба.

Захарияа 6:1

Дахяад дээшээ харахадам, хоёр хадын хоорондохи хабшалһаа дүрбэн дайшалхы тэргэ гаража ябаба. Тэдэ хадануудынь үргэлжэ зэд байба.

Тоололго 24:2

Тиихэдээ Балаһаам израильшуудай обог обогоороо жэрылдэн зогсоһые хараба. Бурханай Һүлдэ өөртэнь шэнгэжэ,

Нүүнэй Иисүүс 5:13

Иисүүс Ерихооной хажууда байхадаа, гартаа һэлмэтэй хүнэй урдаа зогсожо байхые хараа. Иисүүс хажуудань ошоод: – Манай гүш, али манай дайсадай гүш? – гэжэ һураа.

Гэршэлгэ 13:11

Удаань газар дороһоо гаража ябаһан ондоо арьяатаниие харабаб. Тэрэнь Үргэлэй Хурьгандал адли хоёр эбэртэй байгаа, теэд луу шэнгеэр дуугараа.

Гэршэлгэ 5:6

Харан гэхэдэмни хаан шэрээгэй урда дүрбэн амитадай, мүн ахамадуудай урда тахил болгогдон табигдаһан янзатай Үргэлэй Хурьган зогсожо байба. Тэрэ Хурьган долоон эбэртэй, долоон нюдэтэй. Эдэнь бүхы газар дэлхэйдэ Бурханай эльгээһэн долоон һүлдэнь байгаа.