Даниил 8:1 - Библи

¹ Бэлшаццаар хаанай гурбадахи жэлээ зонхилжо байһан сагта би, Даниил, урид хараһанда үзэгдэлдөө нэмэлтэ үшөө нэгэ үзэгдэл үзэн харабаб.

Даниил 8:1 Cross References

Эзэкээл 1:1

Гушадахи жэлэй дүрбэдэхи һарын табанай үдэр би, Эзэкээл санаартан, Бүүзэй хүбүүн, сүлэгдэһэн еврейнүүдтэй хамта Вавилоон орон нютагта Хэбаар голой хажуугаар ажаһуужа байгаа бэлэйб. Гэнтэ огторгой онгойн нээгдэжэ, би Бурханай үзэгдэлнүүдые харабаб.

Даниил 1:17

Эдэ дүрбэн хүбүүдые Бурхан ухаатай, сэсэн мэргэн болгоо һэн. Тэдэ ном уншажа, эрдэмтэй болоо. Даниил үшөө элдэб үзэл үзэдэг, зүүдэ тайлбарилдаг шэдитэй һэн.

Даниил 10:2

Тэрэ үедэ би, Даниил, гурбан долоон хоногой туршада уй гашуудалда абтанхай байгаа һэм.

Даниил 10:7

Би, Даниил, гансаараал энэ үзэгдэлые харааб. Намтай байгааша зон энэ үзэгдэлые хараагүй, гэбэшье угаа ехээр айжа, хоргодон тэрьедээ һэн.

Даниил 11:4

Харин гэнтэ хан түрэнь һандаржа, дүрбэн хуби болон таһарха, уг удамданьшье хүртэхэгүй, урдынхидаал адли шанга засаг тэндэнь байхагүй. Хан түрэнь иигэжэ бутаржа, хариин зондо үгтэхэ.

Даниил 7:1

Вавилооной хаан Бэлшаццаарай зонхилолтын нэгэдэхи жэлэй ябажа байхада Даниил зүүдэндээ нэгэтэ үзэгдэл хараба. Тиигээд тэрэ зүүдэеэ бэшэжэ абаа бэлэй.

Даниил 7:15

Би, Даниил, угаа шэшэрбэб, эдэ үзэгдэлнүүд намайе ехэ һүрдүүлбэ.

Даниил 7:28

Эндэ хөөрөөн түгэсэнэ. Би, Даниил, угаа һүрдэжэ, шэгни хубилан байгаа һэн. Эдэ бүгэдые сэдьхэлдээ хадуун абаа бэлэйб.

Даниил 8:15

Энэ үзэгдэл харахадаа би, Даниил, удхыень ойлгохоёо һанаа бэлэйб. Тиихэдэм хүндэл адли хэн нэгэн урдамни бии болобо.

Даниил 8:2

Элаам газар нютагта оршодог Сүүзэ гэдэг хэрэм соо байнаб гээд үзэгдэл харабаб. Улай гэдэг уһан татуурай хажууда байна хэбэртэйб.

Даниил 9:2

Түрүүшын жэлээ хааншалжа байхадань би, Даниил, Бурханай ном уншажа, Эзэнэй Ерэмияа лүндэншэндэ айладхаһан үгэнүүдһээ Иерусалим далан жэлэй туршада һандархай зандаа байха гэжэ ойлгобоб.