Даниил 7:7 - Библи

⁷ Удаань һүниин үзэгдэлдөө дүрбэдэхи амитаниие харабаб: угаа аймшагтай, һүрөөтэй, ехэ хүсэтэй, мантан түмэр шүдэтэй һэн. Тэрэ бүхы юумэ үрэбхижэ, удара татажа, үлөөшые дэбһэжэ байгаа. Бусад амитадһаа тэрэ нэгэл ондоохон, арбан эбэртэй һэн.

Даниил 7:7 Cross References

2 Хаан түрэнүүд 22:43

Газарай шорой тооһон мэтээр тэдэниие һагшааб, гудамжын шорой мэтээр бажуугааб, дэбһээб.

Иоов 41:14

Адар хүсэтэ хүзүүтэй тэрэниие хараһан бүхэн үхэтэрөө айна.

Эзэкээл 40:2

Израилиин орон нютаг руу Тэрэ намайе абаашажа, угаа үндэр хада уула дээрэ табина хэбэртэй. Бурханай иимэ үзэгдэлнүүдые хараа бэлэйб. Урда зүг руу харахадам, олон байра байшантай хото мэтэ юумэн харагдаба.

Даниил 2:19

Һүни Даниил үзэгдэл үзэжэ, нюусын тайлбари мэдэбэ. Тиигээд тэрэ Огторгойн Бурханда магтаал соло дуудаба.

Даниил 7:13

Һүниин үзэгдэлнүүд соогоо би мүн лэ иимэ юумэ харааб: тэнгэриин үүлэнүүдтэй хамта хүн түрэлхитэнэй хүбүүндэл адли хэншьеб ябажа, дүтэлхэдэнь, Үндэр наһатайда тэрэниие асарба.

Даниил 7:2

Даниил иигэжэ хөөрэнэ: – Һүниндөө иимэ үзэгдэл зүүдэн соогоо харааб – тэнгис далай дээрэ дүрбэн зүгһөө һалхи шуурган үлеэн-һүүен байба.

Даниил 8:10

Огторгойн түмэн сэрэг хүрэтэр тэрэ ургажа, зарим сэрэг, мүшэдые газар руу унагаан, дэбһэбэ.

Даниил 8:22

Эбэр хухаржа, орондонь дүрбэн эбэр ургаа бэлэй: энэ болбол тус арадһаа дүрбэн хаан түрэ гараха гэһэн удхатай. Гэбэшье тэдэ түрүүшын хаанда орходоо дан тиимэ хүсэтэй байхагүй.

Захарияа 2:1

Дахяад толгойгоо үргэжэ харахадам, гартаа хэмжүүрэй ооһор бариһан хүн ябаба.

Гэршэлгэ 12:3

Тэнгэридэ баһа ондоо нэгэ дүлгэ тэмдэг бии болобо: долоон толгойтой, арбан эбэртэй, толгойнууд дээрээ долоон титимтэй томо гэгшын улаан луу харагдаба.

Гэршэлгэ 13:1

Далай сооһоо арбан эбэртэй, долоон толгойтой арьяатанай гаража ябахые харааб. Эбэрнүүд дээрэнь арбан титим табяатай, толгой дээрэнь Бурханиие доромжолһон нэрэнүүд бэшээтэй.

Гэршэлгэ 17:12

Шинии хараһан арбан эбэрнүүд хадаа хаан түрые үшөөл абаагүй арбан хаанууд гээшэ, теэд тэдэнэр арьяатантай хамта нэгэ сагай турша соо хаанай засаг түрэ абаад байха.

Гэршэлгэ 17:7

Эльгээмэл иигэжэ намда хэлэбэ: «Ши юундэ гайхаабши? Эхэнэрэй нюусые, тэрэ эхэнэрэй унажа ябагша долоон толгойтой, арбан эбэртэй арьяатанай нюусые, шамда тайлбарилан хэлэжэ үгэхэб.

Гэршэлгэ 17:8

Шинии хараһан арьяатан бии байһанаа, мүнөө үгы болонхой. Оёоргүй гүнзэгы нүхэн сооһоо һаяар гаража ерэхэ, теэд тэрэ хосорон һалаха. Дэлхэйн бүтээгдэхэһээ нааша угай дэбтэртэ бэшэгдээгүй газар дэлхэйнхид тэрэ арьяатаниие харахадаа, хүхихэ баярлаха, ушарынь гэбэл, бии байһанаа, үгы болоод, дахин бии болохо арьяатаниие хараха.