Даниил 6:8 - Библи

⁸ Үндэр түрэлтэ хаан, иимэ хорилго баталыт даа, гар табин зарлиг гаргыт! Мидиин болон Персиин хуули мэтэ тэрэ хубилгагдахагүй, һэлгэгдэхэгүй байг лэ!

Даниил 6:8 Cross References

Эстээр 1:19

Эзэн хаан, танай һанаанда таарамжатай һаань, иимэ зүбшэл хэлэхэ байнаб: Баштии Ахашвероош хаанай нюур хэзээшье бэшэ харахагүй гэһэн зарлиг буулгаад, энэ зарлигаа Перс, Мидиин уласай хуули ёһонуудта оруулха. Хэншье тэрэ хуули болюулжа шадахагүй болоно. Баштии хатанһаа үлүү һайхан эхэнэрые шэлэн абажа, хатан болгохо.

Эстээр 3:12

Еврейн он тоололгын нэгэдэхи һарын арбан гурбанда Һамаанай гаргаһан тогтоолой ёһоор хаанай бэшээшэд дуудагдажа, дээдэ тушаал эзэлэгшэдтэ, аймаг можо бүхэнэй толгойлогшонорто өөр өөрынь хэлэн дээрэ бэшэг бэшэбэ. Ахашвероош хаанай нэрэһээ бэшэг бэшэгдэн, хаанай тамгаар батадхагдаба.

Эстээр 8:10

Мордохай Ахашвероош хаанай нэрээр зарлиг бэшүүлээд, хаанай тамгаар тамгалуулжа, моридойнь байрада тэжээгдэһэн хурдан моридые унаһан элшэнэрээр тараалгаба.

Эстээр 8:3

Тиигээд Эстээр дахин хааниие бараалхан, хүлдэнь һүгэдэн уйлажа, Агаагай удам угсаа болохо Һамаанай иудейнүүдэй урдаһаа һэдэгшэ ёро муу үйлэ хэрэгүүдые болюулхыень гуйба.

Эстээр 8:8

Теэд хуулиин ёһоор хаанай тамгаар тамгалжа, хаанай нэрээр гаргаһан зарлигые болюулха арга намда байхагүй. Зүгөөр байдал хубилгахын тула иудейнүүд тушаа минии нэрээр шэнэ зарлиг гаргажа, минии бэһэлиг-тамгаар тамгалхада болохо. Тэрэ зарлиг соо юу бэшэхэеэ та бүгэдэ өөһэдөө шиидэнэ бэзэт, – гэжэ хэлэбэ.

Исай 10:1

Үнэн зүб бэшэ хуулинуудые зохёодог, буруу шиидхэбэринүүдые бэшэдэг таанадта гай гасалан тудаха!

Даниил 5:28

Перес – «Хаан түрэшни хубаарилагдан, Мидиин болон Персиин зондо үгтэбэ».

Даниил 6:12

Тиигээд тэдэ хаанда ерэжэ, хорилго тухайнь һануулба: – Гушан үдэрэй туршада нэгэтэ хэн нэгэн танһаа бэшэ ондоо хүндэ гү, али бурханда зальбаран мүргэжэ байгаа һаань, тэрэниие арсаланай нүхэн руу хаяха гэһэн зарлиг та гаргаа бэшэ аалта? Хаан: – Тиимэ даа. Энэ зарлиг хадаа Мидиин болон Персиин хубилгагдахагүй хуули гээшэл! – гэжэ харюусаба.

Даниил 6:15

Харин тэдэ зон дахин хаанда ерэжэ, иигэжэ хэлэбэ: – Мидиин болон Персиин хуулиин ёһоор, хаанай ямаршье хорюул, зарлиг болюулжа болохогүй гэжэ та һайн мэдэнэт.

Матвей 24:35

Огторгой тэнгэри, газар дэлхэйшье һүнэн һалаха, харин Минии хэлэһэн үгэнүүд мүнхэ оршохо.