Даниил 6:4 - Библи

⁴ Тиихэдэнь түшэмэлнүүд болон ноёд Даниилай хойноһоо хинажа, улас түрэ хүтэлбэрилхэдөө ямар муу юумэ хэдэгыень бэдэрхэ һанаатай байба ха. Теэд тэдэ иимэ юумэ олобогүй, юуб гэхэдэ, тэрэ үнэн сэхэ, ямаршье өө мөөгүй, гэмгүй бэлэй.

Даниил 6:4 Cross References

Эхин 41:38

– Энээнһээ үлүү хүниие олохын аргагүй, – гэжэ хаан түшэмэлнүүдтээ хэлэбэ. – Бурханай үршөөһэн һүр һүлдэ тэрээндэ лаб байна!

Эхин 43:18

Зүгөөр аха дүүнэр айжа, хоорондоо хэлсэбэ: – Урда тээ орооһо худалдан абахадамнай, тэдэ манай мүнгэ зорюута туламууд руумнай хэжэ, мүнөө гэртээ асаржа, маанадые барижа, богоол болгоод, элжэгэ унааемнай буляажа абаха хара һанаатай хаш.

Һургаал 29:27

Үнэн шударга хүнүүд хуулигүй нүгэлтэһөө зэбүүсэдэг. Сэхэ замаар ябагшадһаа нүгэлтэн зэбүүсэдэг.

Экклезиаст 4:4

Элдэб ажал ба амжалтануудынь хүнүүдэй дунда атаархал түрүүлдэг. Энэ дэмы хэрэг, һалхи намнагшатай адли.

Ерэмияа 18:18

Байһаар улад зон иигэжэ хэлсэбэ: «Ерэмияагай урдаһаа хамтарая! Маанадта хуули ёһо зааха санаартад, зүбшэл үгэхэ сэсэн мэргэшүүл, лүндэншэд хододоо байхал. Тэрэниие улаан хэлээрээ даража, хардая, хэлээшыень анхархаяа болие!»

Ерэмияа 18:23

Теэд Та, Эзэн, намайе алахаяа һанаһыень мэдэнэт. Гэм бурууень бү хүлисыт, нүгэлыень бү мартыт. Тэдэ Танай урда хүмэрин унаха болтогой. Уурлан хилэнтэһэн сагтаа тэдээнтэй юушье хэхэ – Танай дуран.

Ерэмияа 20:10

«Тойроод ехэ аюултай! Мүргэе! Тэрээн тухай засаг баряашадта дуулгая!» гэжэ олоной шэбэнэлдэхые би шагнааб. Минии дүтын нүхэдшье бүдэрхыем хүлеэн хаража байна: «Тэрэ мэхэдэ орожо магадгүй. Тиигээ һаань, бидэ тэдэниие диилэжэ, үһөөгөө абахабди», – гэлдэнэ.

Ерэмияа 29:7

Минии таанадые сүлэн эльгээһэн хотонуудай аша туһада оролдогты. Тэдэнэй түлөө Намда зальбарагты, юуб гэхэдэ, тэдэнэй һайн байбал, таанадшье һайн, урагшатай байхат.

Даниил 3:8

Энэ үедэ халдейшүүдэй зариман иудейнүүдые хоблон муушалха арга гаргаба ха.

Даниил 5:12

Хаанай Бэлтэшаццаар гэжэ ондоогоор нэрлэһэн тэрэ Даниил угаа шанга һүлдэтэй, эрдэмтэй, зүүдэ тайлбарилха, нюуса зүйл ойлгуулха, хүрмөөтэй юумэ тайлаха ухаатай һэн. Одоол Даниилые дуудагты, тэрэл тайлбарилжа үгэхэ, – гэбэ.

Даниил 6:22

Бурхамни тэнгэриин Эльгээмэлээ эльгэжэ, Тэрэ арсалануудай ама таглаал! Тэдэ намайе яагаашьегүй! Юуб гэхэдэ, би Бурханай урда нүгэлтэй бэшэб, үндэр түрэлтэ хаан, танайшье урда ямаршье гэм зэмэ хээгүйб.

Матвей 26:4

Тэдэ Иисүүсые мэхэдээ оруулжа бариха, тиигээд алаха тухай зүбшөө бэлэй.

Матвей 27:18

Иисүүстэ атаархажа байһан дээрэһээ еврейнүүдэй захирагшад Тэрээние барижа асараа гэжэ Пилат һайн мэдэжэ байгаа.

Лука 20:20

Иисүүсэй хойноһоо тагнуул табижа, үнэн сэдьхэлтэд мэтээр бэеэ харуулжа, Иисүүсые үгэ алдуулан гэнэдхээжэ баряад, Римэй захирагшын эрхэ засагта Тэрэниие тушааха зорилготойгоор өөһэдынгөө хэдэн хүнүүдые тэдэ эльгээбэ.

Лука 20:26

Арад зоной урда буруу юумэ хэлүүлэн барижа ядан, тэдэ тагнуулшад аниргүй болобо, үшөө асуудалдань тиимэ сэсэн, хурса харюу үгэхэдэнь, ехээр гайхалдаба.

Лука 22:2

Түрүү санаартан, Хуули заадаг багшанар арад зонһоо айжа байһан дээрэһээ Иисүүсые нюусаар алаха арга бэдэржэ байба.

Иоанн 19:4

Пилат дахин гаража, еврейнүүдтэ хандан: – Тэрэниие таанадта харуулхамни. Таанар мэдэжэ байгты: би энэ Хүндэ зэмэ тохохо ямаршье баримта олоногүйб, – гэбэ.

Коринфынхидтэ 2-дохи 11:12

Тэдэ бусад «элшэнэрэй» маанадтайл адли юумэ хэнэбди гэжэ бахархаха боломжогүй байхын тула мүнөө хэжэ байһан юумэеэл хэжэ байхаб.

Тимофейдэ 1-дэхи 5:14

Тиимэһээ залуу бэлбэһэн эхэнэрнүүд хадамда гараад, үхибүүдые түрөөд, гэрээ хараад, манай дайсадта бидэниие муулаха шалтагаан олгонгүй байхыень би хүсэжэ байнаб.

Тидтэ 2:8

Шамайе хүнэй буруушаахагүйн тула бодомжолжо үзөөд хэлэжэ бай. Тиигэбэл дайсаднай эшээд, маанад тухай муу юумэ хэлэжэ шадахагүй.

Пётрой 1-дэхи хандалга 2:12

бусад арадуудай дунда өөһэдыгөө һайн абажа ябагты гэжэ гуйнаб. Тиигэбэлтнай, мүнөө таанадые нүгэл хэгшэд гэжэ хардажа байһан зон таанадай дэмбэрэлтэй хэрэгүүдые харахадаа, Бурханай газар дэлхэй руу хүнүүдые шалгахаяа ерэхэдэнь, Тэрэниие алдаршуулха.

Пётрой 1-дэхи хандалга 3:16

Тиихэдээ дарууханаар, хүндэлһэнөө харуулан, харюусаарайт. Һэшхэлтнай арюун сэбэр байг, тиигэбэл Христоосто һүзэглэдэг танай ашатай ажамидаралые хардадаг хүнүүд өөһэдынгөө хэлэһэн үгэнүүдһээ эшэхэл.

Ударидагшад 14:4

Пилиштүүдһээ үһөөгөө израильшууд абаг гэжэ Самсоондо Эзэнэй үршөөһэн зарлигыень хүбүүнэй эхэ, эсэгэ хоёр мэдэбэгүйд. Эгээл тэрэ үе сагта пилиштүүд израильшуудые дарлан захиржа байһан юм.

1 Хаан түрэнүүд 12:4

Тэдэ: – Та маанадые дарлаагүйт, зобоогоогүйт, хэнэйшье гарһаа юушье абаагүйт, – гэбэ.

1 Хаан түрэнүүд 18:14

Эзэнэй Давидтай хамта байһан ушарһаа тэрэ бүхы хэрэгүүдтээ амжалта туйлагша һэн.

1 Хаан түрэнүүд 22:14

Ахимээлэх хаанда харюусан: – Танай бүхы зарасанарай дунда Давидтал адли үнэн сэхэ хүн хэн бииб? Давид танай, хаанай хүрьгэн, танай харуулшадай дарга, гэртэтнай хүндэтэй хүн ха юм.