Даниил 5:7 - Библи

⁷ Үзэлшэдые, мэргэшүүл халдейшүүдые, зурхайшадые дуудаха тухай хаан шангаар хашхаран захиржа, Вавилооной сэсэн мэргэшүүлдэ хандан, иигэжэ хэлэбэ: – Хэн энэ бэшээшые уншажа, намда тайлбарилнаб – тэрэ улаан хубсаһа үмдэдэг болохо, алтан зүүдхэл хүзүүндэнь үмдэгдэхэ, тиигээд тэрэ хан түрэ соо засагай талаар гурбадахи хүн болохо!

Даниил 5:7 Cross References

Эхин 41:8

Үглөөгүүрынь тэрэ һанаата болоод, Египедэй хамаг мэдэлшэдые болон сэсэн мэргэн тайлбарилагшадые дуудан ерүүлээд, хараһан зүүдэеэ хөөрэхэдэнь, хэншье тэрэнииень тайлбарилжа шадабагүй.

Эстээр 3:1

Эдэ бүгэдын удаа Ахашвероош хаан Агаагай удам угсаа болохо Һаммидаатын Һамааниие бусад түшэмэл ноёдһоо үндэр албан тушаалда томилбо.

Египедһээ гаралга 7:11

Фараон өөрын мэргэшүүлые ба эльбэшэдые дуудажа ерүүлбэ. Египедэй эльбэшэд иимэ юумэ баһал харуулба.

Һургаал 1:9

Үнэн дээрэ энэшнил үзэсхэлэнтэ сэсэгэй титим, хүзүүнэйшни шэмэг бололтой.

Дуунай дуун 1:10

Ордоной дархашуулай урлажа хээлэһэн мүнгэн угалзатай алтан зүүлтэ шиниимни хүзүүе шэмэхэл.

Исай 47:13

Олон зүбшэл шагнабашье, ши хүсэ шадалгүйгөө мэдэрнэш. Зурхайшад – одо мүшэдөөр үзэл хэлэгшэд, шэнэ һараар юумэ таагшад шамайе болохо байгаа юумэнһээ абараг лэ.

Ерэмияа 50:35

Эзэн иигэжэ айладхана: Вавилооной улад зон хосорог лэ! Ажаһуугшадынь хосорог! Түшэмэлнүүдынь хосорог, сэсэн мэргэшүүлынь һалаг лэ!

Эзэкээл 16:11

Ииигэжэ шамайе гоёогоод, гарташ бугааг, хүзүүндэш гоё һайхан зүүдхэл үмдэхүүлээ бэлэйб.

Даниил 1:20

Ямаршье хэрэгээр зүбшэл заабари асуухадаа, эдэ хүбүүд хан түрэ соомни байгааша мэргэшүүлһээ, үзэлшэдһөө долоо дахин дээрэ гэжэ хаан шиидээ һэн.

Даниил 2:2

Зүүдыень тайлбарилжа үгэхыень хаан мэргэшүүлые, үзэлшэдые, эди шэдитэниие, зурхайша халдейшүүдые дуудахыень захирба. Тэдэ хаанай урда ерэбэ.

Даниил 2:27

Даниил хаанда иигэжэ харюусаба: – Үндэр түрэлтэ хаанай асуужа байһан нюусые сэсэн мэргэшүүлшье, шэбшэн харадаг зоншье, эльбэ жэльбэтэйшүүлшье, зурхайшадшье таажа шадахагүй.

Даниил 2:48

Тиигээд хаан Даниилда ехэ тушаал үршөөжэ, үнэтэ сэнтэй олон бэлэг-сэлэгүүдые үгэжэ, бүхы Вавилооной захирагша болон Вавилооной бүхы сэсэн мэргэшүүлэй ахамад болгобо.

Даниил 2:6

Харин зүүдыем таажа, удхыень тайлбарилаа гээшэ һаа, таанад намһаа бэлэг-сэлэг, шагнал абахат, ямба хүндэнүүдтэ хүртэхэт. Зай, иигээд, ямар зүүдэ би хараабиб, тэрэм ямар удхатай гээшэб гэжэ намда тайлбарилагты, – гэбэ.

Даниил 4:14

Энэ захиралта гэбэл, Харуулшадай шиидхэбэри, Нангин гэгээнүүдэй айладхал! Амиды бүхы зон мэдэн байг лэ: хүн түрэлтэнэй хан түрэнүүдые Дээдэ Бурхан зонхилдог, Өөрын дураар хэндэшье хан түрэ үгэдэг, эгээл дорой хүнииешье хан шэрээдэ заларуулжа магад.

Даниил 5:11

Бурханай нангин һүлдэтэй нэгэ хүн хаан түрэ соотнай ажаһуудаг. Эсэгынтнай зонхилжо байгаа үе сагта тэрэ һаруул ухаатайгаа, һонор бэрхэеэ, бурхадтал адли сэсэн мэргэнээ гэршэлээ бэлэй. Навуходоносор хаан, танай үбгэ эсэгэ, өөрөө тэрэниие эльбэ жэльбэтэйшүүлэй, үзэлшэдэй, мэргэшүүл халдейшүүдэй, зурхайшадай ахамадаар томилһон юм.

Даниил 5:15

Зай, юун бэ гэхэдэ, энэ бэшээшые уншахын, удхынь тайлбарилхын тула өөр тээшээ сэсэн мэргэшүүлые, үзэлшэдые асаруулаа һэм. Теэд тэдэ энээниие тайлбарилжа шаданагүй.

Даниил 5:16

Харин шамайе иимэ юумэ тайлбарилжа шададаг, хүрмэлдэһэн юумэ тайладаг гээд дуулаһан байнаб. Зай, энэ бэшээшые уншажа, удхыень намда ойлгуулжа шадаа гээшэ һааш, шамда улаан хубсаһа үмдэхүүлхэ, хүзүүндэш алтан зүүдхэл зүүхэ, тиигээд засагай талаар хан түрэ соо гурбадахи хүн болохош, – гэбэ ха.

Даниил 5:29

Бэлшаццаарай захиралтаар Даниилда улаан хубсаһа үмдэхүүлбэ, алтан зүүдхэл хүзүүндэнь зүүбэ, тиигээд хан түрэ соо засагай талаар гурбадахи хүн гэжэ айладхаба.

Тоололго 22:17

Хэрэгыемни шинии бүтээбэл, би шамда элбэг дэлбэг бэлэг барихаб. Ерыш даа, энэ арадые намда хараалай муу хараалаар тарнидажа үгыш.

Тоололго 22:7

Моһаабай болон Мидианай аха захатан эльбэ жэльбын түлөө түлбэри баряад, Балаһаамда ерэжэ, Балаагай захяа дуулгаба.

Тоололго 24:11

Би шамда һайнаар түлбэри түлэхэб гэжэ хэлээ һэм. Бурхан шамайе тэрэ шагналһаам болюулаа! Арила эндэһээ өөрынгөө нютаг руу! – гэбэ.

1 Хаан түрэнүүд 17:25

Израилиин эрэшүүл: – Тэрэ ерэжэ байһан хүниие харана гүт? Израилиие доромжолхоёо тэрэ гаража ерэнэ. Тэрэниие алаһан хүниие хаан ехэ баялигаар шагнан, өөрынгөө басага тэрээндэ хадамлаха, эсэгынь гэр бүлые Израильда татабари түлэхэһөө сүлөөлхэ, – гэлдэбэ.