Даниил 5:11 - Библи

¹¹ Бурханай нангин һүлдэтэй нэгэ хүн хаан түрэ соотнай ажаһуудаг. Эсэгынтнай зонхилжо байгаа үе сагта тэрэ һаруул ухаатайгаа, һонор бэрхэеэ, бурхадтал адли сэсэн мэргэнээ гэршэлээ бэлэй. Навуходоносор хаан, танай үбгэ эсэгэ, өөрөө тэрэниие эльбэ жэльбэтэйшүүлэй, үзэлшэдэй, мэргэшүүл халдейшүүдэй, зурхайшадай ахамадаар томилһон юм.

Даниил 5:11 Cross References

Эхин 41:38

– Энээнһээ үлүү хүниие олохын аргагүй, – гэжэ хаан түшэмэлнүүдтээ хэлэбэ. – Бурханай үршөөһэн һүр һүлдэ тэрээндэ лаб байна!

2 Хаан түрэнүүд 14:17

Танай тангариг намайе абарха гэжэ досоогоо һанааб. Юуб гэхэдэ, Үндэр түрэлтэ хаан Бурханай элшэ мэтэ, һайн, мууе илгаруулдаг. Эзэн Бурхантнай тантай хамта оршохонь болтогой! – гэжэ тэрэ эхэнэр хэлэбэ.

Эзэкээл 28:3

Ши өөрыгөө Даниилһаа мэргэн ухаатайб, минии мэдэхэгүй юуншье байхагүй гэжэ тоолонош.

Эзэкээл 28:4

Өөрынгөө мэргэн ухаагаар ухаалдижа, сандаа алта мүнгэ суглуулааш, арсалтагүй.

Даниил 2:11

Үндэр түрэлтэ хаанай асуужа байгаа зүйлдэ гансал бурхад харюу мэдэхэ. Харин тэдэ зоной дунда ажамидардаггүй шуу, – гэжэ харюусаба.

Даниил 2:22

Гүн доогуур хадагалаатай, нюуса зүйлнүүдые эли болгодог, харанхыда байгааша зүйлнүүдые мэдэдэг, гэрэл туяагаар Өөрөө толордог.

Даниил 4:18

Тэрэ үдхэн набша намаатай, бултанай хоолломоор алим жэмэстэй, доронь ан гүрөөл амидаржа, набша соонь жэгүүртэн уурхайлжа байгаа.

Даниил 4:5

Тииһээр одоо Даниил (минии бурханай нэрээр тэрэниие үшөө Бэлтэшаццаар гээд нэрлэдэг) ерэбэ. Бурханай нангин һүлдэ тэрээндэ халин оронхой, би тэрээндэ өөрынгөө зүүдэ хөөрэжэ үгэбэб:

Даниил 4:6

– Үзэлшэдэй ахамад болохо Бэлтэшаццаар! Шамда Бурханай нангин һүлдэ бии, ямаршье нюуса бэлэхэнээр элирүүлдэгши гээд би мэдэнэб. Минии хараһан зүүдэ, удхыень тайлбарилжа үгыш.

Даниил 5:14

Шамда Бурханай һүлдэ халин оронхой гээд, һаруул ухаатайеш, һонор бэрхыеш, сэсэн мэргэнииеш би дуулаһан байнаб.

Даниил 5:7

Үзэлшэдые, мэргэшүүл халдейшүүдые, зурхайшадые дуудаха тухай хаан шангаар хашхаран захиржа, Вавилооной сэсэн мэргэшүүлдэ хандан, иигэжэ хэлэбэ: – Хэн энэ бэшээшые уншажа, намда тайлбарилнаб – тэрэ улаан хубсаһа үмдэдэг болохо, алтан зүүдхэл хүзүүндэнь үмдэгдэхэ, тиигээд тэрэ хан түрэ соо засагай талаар гурбадахи хүн болохо!

Хэрэгүүд 12:22

– Энэмнай хүн хэлэнэ бэшэ, Бурхан хэлэнэ! – гэжэ улад зон шангаар хашхаралдаба.

Хэрэгүүд 14:11

Павелай юу бүтээһые харахадаа, улад зон өөһэдынгөө ликаон хэлэн дээрэ: – Хүнэй бэе бэелжэ маанадта бурхад бууба, – гэжэ һүхирэлдэбэд.

Хэрэгүүд 16:16

Нэгэтэ мүргэлэй газар ошожо ябахадаа бидэ ерээдүйе уридшалан хэлэдэг һүлдэдэ барюулһан зараса эхэнэртэй уулзаабди. Тэрэ эхэнэр хүнэй саашадахи хуби заяа хэлэжэ үгөөд, өөрынгөө эзэдтэ ехэхэн мүнгэ асардаг байгаа.

Гэршэлгэ 3:9

Хаража байгаарайт! Өөһэдыгөө еврейнүүд гэжэ тоолодог аад, сатанагай мэдэлдэ байһан уладые танда асараад, хүлдэтнай унан дохихыень баадхахаб. Үнэхөөрөө тэдэнэр еврейнүүд бэшэ, худалаар хэлэнэ. Мүн танда дуратай байһыемни тэдэ улад мэдэхэ.