Даниил 4:14 - Библи

¹⁴ Энэ захиралта гэбэл, Харуулшадай шиидхэбэри, Нангин гэгээнүүдэй айладхал! Амиды бүхы зон мэдэн байг лэ: хүн түрэлтэнэй хан түрэнүүдые Дээдэ Бурхан зонхилдог, Өөрын дураар хэндэшье хан түрэ үгэдэг, эгээл дорой хүнииешье хан шэрээдэ заларуулжа магад.

Даниил 4:14 Cross References

Иоов 24:20

Түрэһэн эхэнь тэдэниие мартаг. Үтэ хорхой үхэһэн бэедэнь найрлан сэнгэг. Тиин хамаг муу муухай хатан үмхирһэн модон шэнги унаг.

Ерэмияа 27:5

– Би Өөрын агууехэ шадалаар болон хүсөөр газар дэлхэйе, тэрээн дээрэ ажаһуудаг зониие, ан амитадые бүтээгээб. Энээниие Би дуратай нэгэндээ үгэхэб.

Ерэмияа 51:6

Вавилооной орон нютагһаа тэрьедэгты! Өөһэдынгөө ами наһа аршалагты! Вавилооной гэм зэмын түлөө бү хюдуулжа байгты! Би хэһэн хэрэгүүдэйнь хэм соо хэһээлтэ амасуулнаб!

Ерэмияа 51:9

Тэндэ ажаһуугша хариин зон иигэжэ хэлэбэ: – Бидэ Вавилоониие аргалхаяа һэдээбди, теэд болобогүй. Тэрэниие орхижо, гэртээ хария. Бурхан бии шадал соогоо Вавилоониие хэһээгээ, энээн тушаа бүхы арадууд мэдэнэ.

Эзэкээл 31:10

Мүнөө Минии, Эзэн Бурханай, тэрэ модон тушаа иигэжэ айладхаһые шагна, Египедэй фараон: үүлэн хүрэтэр үндэр болоходоо тэрэ модон бардамлажа эхилбэ.

Даниил 2:21

Үе сагуудые, жэлэй дүрбэн саг Тэрэ һэлгэдэг, хаашуулые хан шэрээһээнь буулгадаг, табидаг, сэсэн мэргэн ухаа ухаатайшуулда, боро ухаа һүбэлгэн зондо үгэдэг.

Даниил 3:4

хаанай хуули эрхэнүүдые айладхагша шангаар тунхаглаба: – Бүхы арадууд, обогууд, бүлээлингүүд, шагныта!

Даниил 4:12

Гансал үндэһэниинь түмэр, гуулин гэнжэтэй, газар соо үлэг, хээрын ногоон соо байг. Шүүдэр тэрээн дээрэ унажа, ан гүрөөлтэй хамта газарай ногоон соо байг лэ.

Даниил 4:23

Түгсүүл үндэһэтэйнь хамта үлөөхэ гэжэ захирһаниинь хадаа Огторгойн засаг зонхилолто ойлгоһонойтнай удаа хан түрэтнай танда бусаагдаха гэһэн удхатай.

Даниил 4:29

Зоной дунда бэшэ, ан гүрөөлтэй хамта байхаш. Малдал үбһэ ногоогоор хооллохош. Иигэжэ долоон жэлэй үнгэрхэдэ, хүн түрэлтэнэй хан түрые Дээдэ Бурхан зонхилдог, һанаһаараа хэн нэгэндэ үгэдэг гэжэ ойлгохош.

Даниил 5:20

Теэд тэрэ бардам, дээрэлхүү боложо, хан шэрээһээ унагаагдаа, бүхы алдар суугаа алдаа бэлэйл.

Даниил 5:21

Тэрэ зоной дунда амидархаяа болижо, ухааниинь балартан, ан арьяатан мэтэ болоод, зэрлиг элжэгэнүүдтэй байдаг, малдал адли үбһэ ногоогоор хооллодог, бэеынь шүүдэр угаадаг – юрэдөө, хүн түрэлтэнэй хан түрэнүүдые Дээдэ Бурхан зонхилдог, Өөрын дураар хэн нэгэниие хан шэрээдэ Тэрэл һуулгадаг гэжэ ойлготороо тэрэ иимэ байдалда байгаа.

Матвей 3:10

Модо үндэһөөрнь таһа сабшаха алма һүхэ бэлэн байна: һайн үрэ жэмэс үгэдэггүй алишье модон таһа сабшагдаад, галда хаягдаха.

Матвей 7:19

Һайн үрэ жэмэс үгэдэггүй алишье модые таһа сабшаад, галда хаядаг юм.

Лука 3:9

Модо үндэһөөрнь таһа сабшаха алма һүхэ бэлэн байна: һайн үрэ жэмэс үгэдэггүй алишье модон таһа сабшагдаад, галда хаягдаха.

Гэршэлгэ 10:3

Тиигээд Эльгээмэл арсаланай хэрхирһэндэл шангаар хашхарба. Тиихэдэнь долоон аянганууд өөһэдынгөө абяагаар дуугаралдаба.

Гэршэлгэ 18:2

Тэрэ Эльгээмэл бардаастай шангаар иигэжэ хашхарба: – Агуу ниислэл Вавилоон һалаа, һалаа! Энэ ниислэл ада шүдхэрнүүдэй шэбээлдэг газар, элдэб эсын боохолдойнуудай обооролдодог үүр, элдэб эсын бузар шубуудай суглардаг үүр, элдэб эсын бузар булай, жэрхэштэй муухай арьяатадай шэбээлдэг газар болошоо.