Даниил 2:49 - Библи

⁴⁹ Харин Даниил хааниие гуйжа, Шадраахые, Мэшаахые болон Абээд-Нэгоое Вавилооной захирагшад болгожо, өөрөө хаанай хажууда үлөө бэлэй.

Даниил 2:49 Cross References

Эстээр 2:19

Басагадые хоёрдохиёо суглуулган болоходошье, хатан болотороошье Эстээр ямар түрэл гаралтай, ямар үндэһэ яһатанай хүн байһанаа хэндэшье энэ болотор хэлэдэггүй бэлэй. Мордохайн харууһан доро байһандал адляар үгыень сахин дүүргэдэг һэн. Энэ үедэ Мордохай хаанай ордон соо ажаллаха болобо.

Эстээр 2:21

Хаанай ордондо Мордохайн уялгаяа дүүргэжэ байхада, харуулшад Бигтаан Тээрэш хоёр хаанда дурагүйдэн, амииень таһалхаар хэлсэжэ байба.

Эстээр 3:2

Эзэн хаанай буулгаһан зарлигай ёһоор ордоной бүхы түшэмэлнүүд Һамааниие ёһолон хүндэлжэ, үбдэг һүгэдэн унажа байгаа. Гансал Мордохай тэрэнэй урда һүгэдэдэггүй, унажа байдаггүй һэн.

Һургаал 28:12

Үнэн шударга хүнүүдэй баярлахада олон зон омогорхон хүхидэг. Харин хара һанаатанай үргэмжэлэгдэхэдэ, зон нюураа хоргодуулдаг.

Ерэмияа 39:3

Вавилооной түшэмэлнүүд, тэдэнэй дунда Нэргаал-Сарээцер, Самгаар-Нэбоо, ахалагша тайган Сарсэхиим, нүгөөдэ Нэргаал-Сарээцер, Иерусалим руу орожо, Дунда Бартаануудта һуурижаба.

Даниил 1:17

Эдэ дүрбэн хүбүүдые Бурхан ухаатай, сэсэн мэргэн болгоо һэн. Тэдэ ном уншажа, эрдэмтэй болоо. Даниил үшөө элдэб үзэл үзэдэг, зүүдэ тайлбарилдаг шэдитэй һэн.

Даниил 1:7

Түшэмэлнүүдэй ахалагша ноён тэдээндэ шэнэ иимэ нэрэнүүдые үгэбэ: Даниилдэ Бэлтэшаццаар, Ханаанияада Шадраах, Мишаһээлдэ Мэшаах, Азаарияада Абээд-Нэгоо.

Даниил 2:17

Гэртээ ерээд, тэрэ нүхэдтөө – Ханаанияа, Мишаһээл, Азаария гэгшэдтэ энээн тушаа хөөрэжэ,

Даниил 3:1

Навуходоносор хаан жаран тохой ута, зургаан тохой арай болохогүй үргэн алтан хүрэг бүтээжэ, Вавилооной Дураа гэдэг нюруу газарта табиха тухай захирал гаргаба.

Даниил 6:2

Тэдэ гурбан түшэмэлнүүдтэ, тэдэнэй нэгэн Даниил, элидхэн тоосодог һэн. Иигэжэ хаан бэеэ зобоодоггүй бэлэй.

Амоос 5:15

Муу муухайе зайлуулагты, һайнда дурлагты, зарга шүүхэдэ зүб шударга ёһо гурим бата һуурижуулагты! Тиигэбэлтнай, Түмэн Сэрэгтэ Эзэн Бурхан Иосифой үри таһардаһанай үлдөөсые хайрлан үлөөжэ магад.