Даниил 2:47 - Библи

⁴⁷ Тиигээд хаан Даниилда: – Үнэхөөрөөл танай Бурхан бурхадай дунда эгээл ехэ Бурхан, хаашуулай Захирагша, Нюуса нээгшэ мүн. Шинии энэ нюуса таажа хэлэхэдэ би энээндэ этигэбэб.

Даниил 2:47 Cross References

Эхин 41:39

Һүүлээрнь тэрэ Иосифто хандаба: – Энэ бүгэдые Бурхан шамда нээжэ үгэһэн хадань шамһаа ухаансар, урдахияа мэдэхэ хүн олдохогүй.

4 Хаан түрэнүүд 5:15

Наамаан өөрынгөө һахюул сэрэгшэдтэй хамта Бурханай хүндэ бусажа, Элишаагай урда зогсоод: – Мүнөө би бүхы газар дээрэ Бурхан үгы, харин гансал Израильда Бурхан бии гэжэ мэдэхэ болобоб. Танай барлаг намһаа аша харюугай бэлэг абажа хайрлагты, – гэжэ хэлэбэ.

Иоов 12:19

Һүмын санаартад, изагуур ехэтэн Тэрэнэй хүсэһэн сагта доошоо бууна.

Псалманууд 136:2

Бургааһадай дунда ятагаа үлгөө бэлэйлди.

Псалманууд 136:3

Маанадые баряанда абагшад дуу дуулахыемнай захираа. «Сионой дуу дуулагты!» гэжэ тэдэ захиржа, хүхюу байхыемнай бидэндэ эрилтэ табяа.

Псалманууд 72:11

«Бурхан яагаад мэдэхэб даа? Дээдэ Эзэн мэдэхэ юм аал?» – гэжэ тэдэ хэлэнэ.

Псалманууд 82:1

[Дуун. Асаапай псалма.]

Псалманууд 96:4

Сахилгаануудынь юртэмсые гэрэлтүүлнэ, газар дэлхэй хаража, шэшэрэн байна.

Эзэкээл 26:7

Дэлхэй дээрэ эгээл хүсэтэй хаан гэбэл, Вавилооной хаан Навуходоносор болоно. Би тэрэниие Тииртэ добтолхыень хойто зүгһөө асархаб. Тэрэ моритой, дайшалхы морин тэргэнүүдтэй угаа ехэ сэрэгтэй ерэхэ.

Даниил 11:36

Харин хаан зоргоороо юумэ үйлэдэхэ. Тэрэ бардамлажа, ехэрхэжэ, бүхы бурхадһаа дээрэб гэжэ өөрыгөө тоолодог болохо, бурхадай ехэ Бурхан тушаа дуулдаагүй муу юумэ хэлэдэг болохо. Тэрэ иигэжэ амжажа байтараа хилэнсэгтэ үдэртэ энэнь дүүрэхэ: болохо юумэн болохоороол болохо.

Даниил 2:19

Һүни Даниил үзэгдэл үзэжэ, нюусын тайлбари мэдэбэ. Тиигээд тэрэ Огторгойн Бурханда магтаал соло дуудаба.

Даниил 2:22

Гүн доогуур хадагалаатай, нюуса зүйлнүүдые эли болгодог, харанхыда байгааша зүйлнүүдые мэдэдэг, гэрэл туяагаар Өөрөө толордог.

Даниил 2:28

Харин огторгойдо нюуса нээдэг Бурхан бии. Эсэсэй эсэстэ юун болохоб гэжэ Тэрэл Навуходоносор хаанда элирүүлэн харуулаа. Унтаридаа унтажа байхадаа та иимэ зүүдэ хараат:

Даниил 2:29

Ерээдүй саг тушаа һанаагаа табин зүүдэлөөт. Нюуса элирүүлэгшэ юун болохо байһые танда харуулаа.

Даниил 2:30

Энэ нюуса намда нээгдэхэдээ, бусадһаа минии сэсэн мэргэн байһандам бэшэ, харин үндэр түрэлтэ хаан, танда тайлбарилжа үгэхым, һанааетнай хүлгөөжэ байгааша зүйлнүүдые ойлгуулхым тула нээгдээ юумэл.

Даниил 2:37

Та бүхы хаашуулһаа эгээл хүсэ шадалтай хаан болонот. Огторгойн Бурхан танда хаан түрэ, засаг, хүсэ, нэрэ суу үршөөгөө.

Даниил 3:15

Тиимэ һаань, шэлэгты: үхэр бүреэгэй, лимбын, ятагай болон бусад хүгжэмэй абяа дууламсаараа һүгэдэн доошоо унажа, минии байгуулһан хүрэгтэ мүргэгты, мүргөөгүй гээшэ һаа, галаар бушаганажа байгша пеэшэн руу тэрэ дары хаюулхат. Тиихэдэ ямар бурхан таанадые абарха гээд һананат? – гэжэ хэлэбэ.

Даниил 3:28

Навуходоносор: – Шадраахай, Мэшаахай, Абээд-Нэгоогой Бурханда магтаал үргэгты! Тэрэ тэнгэриин Эльгээмэлээ эльгээжэ, Өөртэнь этигэдэг богоолнуудаа абараа! Эдэ зон минии захиралта дуулангүй, ами наһаяа хайрлангүй, өөрын Бурханһаа ондоо бурхадта шүтэн мүргэхэеэ арсаал!

Даниил 3:29

Тиимэһээ ямар нэгэн арадай, обогой, бүлээлингэй хэн нэгэн Шадраахай, Мэшаахай, Абээд-Нэгоогой Бурхан тушаа баһан дуугарбал, хэһэг болгон сабшагдаха, гэр байрань һандаргаагдаха. Энэ Бурхандал адли абарха ондоо бурхан байхагүй, – гэжэ тунхаглаба.

Даниил 4:17

Танай хараһан модон мантан, гаһар, огторгой тулама үндэр, дэлхэйдэ хаагууршье харагдамаар бэлэй.

Даниил 4:25

Навуходоносор хаантай эдэ бүгэдэ үнэхөөрөө тохёолдоо бэлэй.

Даниил 4:32

Газар дэлхэй дээрэ амидарагшад юуншье бэшэ. Өөрын һанаһаар лэ Тэрэ огторгойн сэрэгтэй, газарай зонтой юумэ хэхэ. Хэншье гартань һөөргэдэжэ шадахагүй, «Яанабта?!» гэжэ хэлэхэгүй.

Даниил 5:11

Бурханай нангин һүлдэтэй нэгэ хүн хаан түрэ соотнай ажаһуудаг. Эсэгынтнай зонхилжо байгаа үе сагта тэрэ һаруул ухаатайгаа, һонор бэрхэеэ, бурхадтал адли сэсэн мэргэнээ гэршэлээ бэлэй. Навуходоносор хаан, танай үбгэ эсэгэ, өөрөө тэрэниие эльбэ жэльбэтэйшүүлэй, үзэлшэдэй, мэргэшүүл халдейшүүдэй, зурхайшадай ахамадаар томилһон юм.

Амоос 3:7

Үнэн дээрээ Эзэн Бурхан зарасанартаа, лүндэншэдтээ, нюусаяа нээгээгүйдээ юушье хэдэггүй.

Коринфынхидтэ 1-дэхи 14:25

Тэрэ хүнэй һанал бодолойнь нюусанууд эли боложо, тэрэ һүгэдэн Бурханай урда унажа, «Үнэхөөрөө Бурхан таанадай дунда байна», – гээд айладхаха.

Хуули дабталга 10:17

Юуб гэхэдэ, Эзэн Бурхантнай бурхадай ехэ Бурхан, эзэдэй ехэ Эзэн, Тэрэ агууехэ, асари хүсэтэй, һүрөөтэй Бурхан. Тэрэ нюур илгажа байдаггүй, эдилгэ абадаггүй,

Тимофейдэ 1-дэхи 6:15

Ори ганса Захирагша, хаануудай Хаан, эзэдэй Эзэн болохо үршөөлтэ Бурхан хэрэгтэй сагта Христоосой ерэхые харуулха.

Нүүнэй Иисүүс 22:22

– Бурхануудай Бурхан болохо Эзэн, бурхануудай Бурхан, Тэрэ мэдэнэ, Израильшье мэдэнэ! Хэрбээ манай буһалгаатажа, Эзэнһээ хазагайраа һаа, энэ үдэр Эзэн маниие хайралхагүй!

Гэршэлгэ 1:5

мүн үнэн бодото Гэршэ байһан, үхөөд, анха түрүүн амидырһан, газар дэлхэйн хаашуулай Эзэн бологшо Иисүүс Христоосһоо таанадта амгалан байдал, буян хэшэг үршөөгдэнэ. Иисүүс Христоос манда дуратай, тиимэһээ Өөрынгөө шуһа адхажа, бидэниие нүгэлһөөмнай сүлөөлөө.

Гэршэлгэ 17:14

Тэдэ хаанууд Үргэлэй Хурьганай урдаһаа дайлалдаха, тиин Үргэлэй Хурьган Тэрэнэй урижа асарагшадтай, Тэрэнэй шэлэжэ абагшадтай, Тэрээндэ үнэн шударгы байгшадтай хамта тэмсэжэ тэдэниие диилэхэ. Юуб гэбэл, Үргэлэй Хурьган эзэдүүдэй Эзэн, хаануудай Хаан мүн».

Гэршэлгэ 19:16

Тэрэнэй суба дээрэ, гуя дээрэ иигэжэ бэшээтэй: хаашуулай Хаан, эзэдүүдэй Эзэн.