Даниил 2:4 - Библи

⁴ Халдейшүүд хаанда араам хэлээр: – Хүндэтэ хаан, мүнхэ оршохотнай болтогой! Бидэндэ, өөрынгөө богоолнуудта, зүүдээ хөөрэжэ үгэбэлтнай, тайлбарилжа үгэхэбди, – гэбэ.

Даниил 2:4 Cross References

Эхин 31:47

Лаваан араам хэлэтэй һэн тула энэ шулуун добые «Егаар-Саһадутаа» гэжэ нэрлэбэ, харин Яков еврей хэлээрээ «Галиэд» гэжэ нэрэ үгэбэ.

Эхин 41:8

Үглөөгүүрынь тэрэ һанаата болоод, Египедэй хамаг мэдэлшэдые болон сэсэн мэргэн тайлбарилагшадые дуудан ерүүлээд, хараһан зүүдэеэ хөөрэхэдэнь, хэншье тэрэнииень тайлбарилжа шадабагүй.

3 Хаан түрэнүүд 1:25

Мүнөө тэрэ ошожо, олон үхэр, тугал, хонёор үргэл хэжэ, танай бүхы хүбүүдые, сэрэгэй жанжинуудые, Абиатаар санаартые уряа. Иигэжэ тэдэ мүнөө найрлажа, «Адонияа хаан мандатугай!» гэжэ хашхаралдан байна.

3 Хаан түрэнүүд 1:31

Тиихэдэнь Бат-Шээбэ газар хүрэтэр доро дохижо: – Минии эзэн Давид хаан, та мүнхэ наһа наһалхатнай болтогой! – гэжэ хэлэбэ.

4 Хаан түрэнүүд 18:26

Тиихэдэнь Хилкияагай хүбүүн Элиакиим, Шэбнаа ба Ёһаа тэрээндэ иигэжэ хэлэбэ: – Бидэнтэй араам хэлээр хөөрэлдэгты. Бидэ ойлгохобди. Еврей хэлэн дээрэ бү хэлэгты, зон хотын хэрэм хананууд дээрэһээ шагнажа байна.

Эзраа 4:7

Артагсээрэгс хаанай хан шэрээдэ һууха үедэ Бишлаам, Митрэдаат, Табээл гэгшэд бусад нүхэдтэеэ Персиин хаан Артагсээрэгстэ гомдол эльгээһэн байгаа. Тэрэ бэшэгынь араам хэлээр, араам үзэгөөр бэшэгдэнхэй һэн.

Нэхэмьяа 2:3

хаанда иигэжэ хэлэбэб: – Хаан хэтэ мүнхэдэ ажаһууг лэ! Минии элинсэгүүдэймни хүдөөлүүлэгдэһэн хотын һандаргагдаад, үүдэнүүдэйнь галдагдаад байхада муудангүй яахабиб?

Исай 36:11

Тиихэдэнь Элиакиим, Шэбнаа ба Ёһаа тэрээндэ иигэжэ хэлэбэ: – Бидэнтэй араам хэлээр хөөрэлдэгты. Бидэ ойлгохобди. Еврей хэлэн дээрэ бү хэлэгты, зон хотын хэрэм хананууд дээрэһээ шагнажа байна.

Исай 44:25

Би худал лүндэншэдые илгажа тодоруулдагби, үзэлшэдэй үгэнүүдэй үнэн бэшые харуулдагби, сэсэн мэргэшүүлэй үгэнүүдые буруушаадагби, эрдэм мэдэсэнь удхагүй тэнэг гэжэ элирхэйлдэгби.

Даниил 2:7

Тэдэ дахин: – Хаан, маанадта, өөрынгөө богоолнуудта, тэрэ зүүдэеэ хөөрэжэ үгыт, тиихэдэтнай тайлбарилжа үгэхэбди, – гэжэ хэлэбэ.

Даниил 3:9

Тэдэ Навуходоносор хаанда: – Үндэр түрэлтэ хаан, мүнхэ оршохотнай болтогой!

Даниил 4:19

Тэрэ болбол, үндэр түрэлтэ хаан, та болонот. Та агууехэт, хүсэ шадалтайт. Һүр жабхалантнай огтормой тулама, засаг зонхилолтотнай газар дэлхэйн хаяа хүрэтэр үргэлжэлнэ.

Даниил 4:7

Унтаридаа нойрсон байхадаа би иимэ зүүдэ харааб: Газар дэлхэйн дунда үндэр гэгшын модоной ургажа байхые харааб.

Даниил 4:9

Һаглагар гоё набша намаатай, бултанай хүртэхөөр олон жэмэс эдеэтэй, ан арьяатан һүүдэртэнь амардаг, жэгүүртэ шубууд намаа соонь уурхайлдаг, амитай бүхы юумэн тэрээнһээл эдеэ хоолоо олодог һэн.

Даниил 5:10

Хаанай болон түшэмэлнүүдэйнь юун гэжэ хэлсэжэ байһые дуулаад, найрай боложо байгша газарта хатан ерэбэ. Тэрэ: – Хаамни, мүнхэ байхатнай болтогой! Айха, нюур шарайгаа хубилгахатнай дэмы.

Даниил 5:8

Хаанай сэсэн мэргэшүүл орожо хараба, гэбэшье бэшээшые уншажа, удхыень хаанда ойлгуулха хүн олдобогүй.

Даниил 6:21

Даниилай иимэ абяан дуулдашаба: – Үндэр түрэлтэ хаан, хэтэ мүнхэдөө амиды мэндэ оршохотнай болтогой!

Даниил 6:6

Тиигээд эдэ түшэмэл, ноёд хаанда ерэжэ, иигэжэ хэлэбэ: – Үндэр түрэлтэ Даарий хаан! Хэтэ мүнхэдөө оршохотнай болтогой!

Даниил 6:7

Хаан түрын бүхы түшэмэлнүүд, эрхилэгшэд, ноёд, зүбшэгшэд, нютагай ноёд хоорондоо хэлсэжэ, иигэжэ шиидхэбэ: үндэр түрэлтэ хаан, танһаа бэшэ ондоо хүндэ, үгышье һаа, бурханда хэн нэгэн энэ гушан үдэр соо нэгэтэ зальбаран гуйжа байгаа гээшэ һаа, арсаланай нүхэн руу хаюулагдаха ёһотой. Энээн тушаа хаанай зарлиг, хорилго тунхаглагдаг лэ.

Матвей 21:9

Урдуурнь ябаһан зон, мүн хойноһоонь дахагшад: – Давидай үри һадаһан алдар солотой байһай! Эзэнэй нэрээр заларан Ерэгшэ үршөөл хайратай байһай! Дээдын тэнгэридэ оршоһон Бурханда алдар соло! – гэжэ шанга шангаар хашхаралдаба.

1 Хаан түрэнүүд 10:24

Самуил бүхы арад зондо соносхобо: – Эзэн хэниие шэлээб гэжэ ойлгон харана гүт? Бүхы арад түмэнэй дунда энэ хүнтэй зэргэсэхэ хүн үгы! Тиимэһээ бүхы зон баярлан хашхаралдаба: – Хаан мандаха болтогой!