Даниил 12:4 - Библи

⁴ Ши, Даниил, эдэ үгэнүүдые ном соо хадагалжа, тамгалаад, энэ дэлхэйн дүүрэтэр нюугаад байгаарай. Олон зон юумэ ойлгохоёо һэдэжэ, тэрэниие бэдэрхэл.

Даниил 12:4 Cross References

Исай 11:9

Бурханай нангин хада дээрэ ямаршье муу юумэн болохогүй. Уһан далайе дүүргэдэгтэл, газар дэлхэй хадаа Эзэн тухай мэдэсээр дүүрэнхэй байха.

Исай 29:11

Үзэгдэл бүхэнэй удха таанадһаа далда, ласадаһан номдол адли танда байха. Уншажа шададаг хүниие уншажа үгэхыень гуйхадатнай, тэрэ ласадаһан шалтагһаань уншажа шадахагүй.

Исай 30:26

Һара, нарандал адли ялагар шанга гэрэлтэй болохо, наран хэмһээ долоо дахин ялагар хурса болохол. Эзэнэй арад түмэндөө ушаруулһан гай гасалангай дүүрэжэ, шархануудайнь эдэгэжэ эхилхэдэ, эдэ бүгэдэ тохёолдохо.

Исай 32:3

Зоной хэрэгүүдтэ тэдэ нюдэ балай, шэхэ дүлии мэтээр хандахагүй.

Исай 8:16

Таанад, минии шабинар, Бурханай намда дамжуулһан айладхал сахиха, хадагалха ёһотойт.

Ерэмияа 5:1

Иерусалимай үйлсэнүүдээр хойшо-урагшаа ябагты! Тиигээд харан адаглагты! Үнэн сэхэ, Эзэн Бурханда бэеэ зорюулһан нэгэшье хүниие олохо ааламта? Олоо һаатнай, Эзэн Иерусалимые хүлисэхэ һэн.

Даниил 10:1

Персиин хаан Киирэй гурбадахи жэлээ зонхилжо байхада Бэлтэшаццаар гэжэ нэрэ зүүдэг Даниилда үзэгдэл – үнэн зүб мэдээсэл болон агууехэ ашаан – харагдаһан байна. Даниил тэрэ айладхал ойлгобо, үзэгдэлдөө харахадаа, тэрэниие ойлгоо бэлэй.

Даниил 10:14

Сагай үнгэрхэдэ шинии арад түмэнтэй юун тохёолдохо байһан тухай шамда ойлгуулхаяа би мүнөө ерээб. Юуб гэхэдэ, энэ үзэгдэл ерээдүй саг тушаа юм, – гэбэ.

Даниил 11:33

Арадай сэсэн мэргэшүүл олохон зондо зүб юумэ зааха. Энээнэйнгээ түлөө тэдэ нэгэ хэды сагай туршада хэһээлтэ амасан байха: заримань алуулха, шатаагдаха, баряанда туугдаха, дээрмэдүүлхэ.

Даниил 11:40

Бурханай тодорхойлһон сагай эсэс болоходо урда зүгэй хаан тэрээндэ добтолхо. Теэд хойто зүгэй хаан дайшалхы тэргэнүүдээрээ, морин сэрэгээрээ, олон онгосоороо шуурган мэтэ тэрээнэй урдаһаа шуумайха. Тэрэ үер мэтэ олон орон нютагуудаар гаража,

Даниил 12:13

Ши өөрынгөө замаар эсэс хүрэтэрөө ябахаараа яба! Нүгшэжэ амархаш, удаань сагай эсэстэ шагналаа абахаяа дахин бодон һэргэхэш, – гэбэ.

Даниил 12:5

Минии, Даниилай, харахада, үшөө хоёр хүн зогсожо байна. Хоюулаа тэдэ голой ондо ондоо эрьенүүд дээрэ.

Даниил 12:9

Тэрэ: – Яба, Даниил! Эдэ үгэнүүд нюуса, эсэсэй болотор нюултатай байха ёһотой.

Даниил 8:17

Минии зогсожо байгааша тэрэ газар руу тэрэ дүтэлбэ. Дүтэлхэдэнь, би угаа айжа, доошоо унаа бэлэйб. Тэрэ намда иигэжэ айладхаба: – Хүнэй хүбүүн, мэдэжэ бай: энэ хадаа һүүлшын саг тушаа үзэгдэл гээшэ.

Даниил 8:19

Тиигээд иигэжэ айладхаба: – Һүүлшын саг хугасаа соо, уур хилэнгэй үдэрнүүдтэ, эсэстэ юун болохоб гэжэ шамда харуулхам.

Даниил 8:26

Үдэшэ, үглөө тушаа зүгнэлгэ зүб, гэбэшье тэрээниие ши нюугаад бай, юуб гэхэдэ, тэрэ холын холо саг тушаа юм.

Матвей 24:14

Бурханай хаан түрэ тухай Һайн мэдээсэлэй бүхы газар дэлхэйгээр, бүхы арадуудта гэршэлэгдэн номногдоһон хойно эсэс болохо.

Римэйхиндэ 10:18

Израилиин арад зон мэдээсэл соносоогүй аал гэжэ би асуунаб. Юундэ соносохогүйб, «Тэдэнэй хэлээшэнь бүхы газар дэлхэйгээр тараа, тэдэнэй үгэнүүдынь газар дэлхэйн заха хизаар хүрөө», – гэжэ Нангин Бэшэг соо хэлэгдэнэ.

Гэршэлгэ 10:4

Тиигэжэ дуугаралдахадань, юумэ бэшэхэеэ бэлдээд байгааб, теэд: «Долоон аянгануудай хэлээшые бү бэшэ, нюугаад бай», – гэжэ тэнгэри дээрэһээ хэлэхые дуулабаб.

Гэршэлгэ 22:10

Намда тэрэ иигэжэ хэлээ: «Энэ номой уридшалан хэлэһэн үгэнүүдые бү суургалан тамгалаарай! Саг бүри дүтэлөөд байна.

Гэршэлгэ 5:1

Тиигээд долоон тамгаар тамгалан хаагаатай, дотор, гадаргүй бэшээтэй номые хаан шэрээдэ Һуугаашын баруун гартань харабаб.