Даниил 12:3 - Библи

³ Сэсэн ухаатайшуул тэнгэриин мандалай туяа гэрэлдэл яларха, зүб шударга хэрэгүүдтэ зониие һургагшад огторгойн одод мэтэ хододоо, мүнхэдөө яларха!

Даниил 12:3 Cross References

Египедһээ гаралга 34:35

тиигэхэ бүринь Израилиин арад нюурһаань сасарһан гэгээн туяа үзэдэг болобо. Харин Моисей Эзэнтэй удаадахи уулзалга болотор нюураа хушадаг байба.

Һургаал 11:30

Үнэн шударга хүнэй үрэ жэмэс хадаа амидаралай модон болоно. Сэсэн хүн зоной сэдьхэл өөр тээшээ татана.

Һургаал 3:35

Сэсэн мэргэн хүнүүд алдар солодо хүртэдэг, тэнэгүүд муу суутай болодог.

Һургаал 4:18

Харин үнэн шударга хүнүүдэй зам хадаа үүрэй толон мэтэ үдэрэй ерэхэдэ улам һаруул болодог.

Экклезиаст 12:9

Багша сэсэн мэргэн байхаһаа гадна арад зондоо мэдэлгэ үгөө. Тэрэ бүгэдые туршажа шудалаад, гуримтай болгобо.

Исай 53:11

Зобоһонойнгоо удаа Тэрэ баясаха, дэмы зобоогүйб гэжэ Тэрэ мэдэхэ. Минии Зүб Шударга Зараса Тэрэ олоной хэһээлтэ Өөр дээрээ даажа абаха.

Ерэмияа 23:22

Хэрбээ тэдэ Минии нюуса бодолнуудые мэдэһэн һаа, арад түмэндэмни Минии үгэ тунхаглажа, нүгэлтэй муу байдалһаань болон муу хэрэгүүдһээнь холодуулха һэн.

Даниил 11:33

Арадай сэсэн мэргэшүүл олохон зондо зүб юумэ зааха. Энээнэйнгээ түлөө тэдэ нэгэ хэды сагай туршада хэһээлтэ амасан байха: заримань алуулха, шатаагдаха, баряанда туугдаха, дээрмэдүүлхэ.

Даниил 11:35

Сэсэн мэргэшүүлэй заримань зоболон амасаха, иимэ аргаар тэдэ арюудхагдаха, сагааруулагдаха, Бурханай тогтооһон саг болотор энэ үргэлжэлхэ.

Даниил 12:10

Олон зон арюудхагдажа, сагааруулагдажа, туршалга гараха, харин хилэнсэгтэ зон муу муухай хэрэгүүдээ үргэлжэлүүлжэ, энээниие ойлгохогүй. Гансал сэсэн мэргэшүүл ойлгохо.

Матвей 13:43

Харин үнэн сэдьхэлтэн Эсэгынгээ хаан түрэ соо нарандал адляар яларха. Шэхэтэй юм һаа, анхарагты!

Матвей 19:28

Иисүүс тэдэндэ хэлэбэ: – Хүн түрэлхитэнэй Хүбүүнэй Өөрынгөө алдарта Хаан шэрээдэ һуухадань, Намайе дахажа ябаһан таанад баһа арбан хоёр хаан шэрээдэ һуужа, Израилиин арбан хоёр угсаатаниие шүүбэрилхэт гэжэ баталан таанадта хэлэнэб.

Матвей 24:45

– Тиигэхэдээ этигэл найдабаритай, ухаантай зарасань хэн бэ? Бусад зарасанараа даалгажа, эдеэ хоолыень сагтань үгэжэ байхаар гэрэй эзэн хэниие томилхо гээшэб?

Иоанн 4:36

Таряа хадагша өөрынгөө түлөөһэ абадаг, мүнхэ амидаралай тула ургаса хуряадаг юм, тиин таряа таригшашье, таряа хадагшашье адли баясадаг байна.

Иоанн 5:35

Иоанн болбол ялагар һаруул дэн мэтэ байгаа. Тэрэнэй гэрэл туяагай хажууда таанар ойр зуура баясаха хүсэлэнтэй байгаат.

Хэрэгүүд 13:1

Антиохой һүзэглэгшэдэй бүлгэмдэ зарим лүндэншэд, багшанар: Барнааба, Нигер гэһэн ара нэрэтэй Симеон, Хэрээн хотын Лукий, Саул, бага байхадаа хаанай хүбүүн Иродтэй хүмүүжүүлэгдэһэн Мэнааһэм гэгшэд бии һэн.

Коринфынхидтэ 1-дэхи 3:10

Бурханай намда үгэһэн абьяас бэлиг хэрэглэн, би сэсэн барилгашандал мэтэ барилгын һуури татааб, үшөө ондоо хүн тэрэ һуурин дээрэ байра барина. Гэхэтэй сасуу хүн бүхэн яажа барижа байһанаа анхарха ёһотой.

Эфесэйхиндэ 4:11

Тэрэл хүнүүдые абьяас бэлигтээ хүртөөбэ, хэһэг зониие элшэнэр болгожо табиба, үшөө хэһэг зониие лүндэншэд болгожо табиба, зарим зониие Һайн Мэдээсэл номнохыень табиба, бусадые һүзэглэгшэдэй хүтэлэгшэдөөр, багшанараар томилбо.

Еврейнүүдтэ 5:12

Саг хугасаагаар багсаахада, таанад багшанар болоод байха байгаат, харин Бурханай Үгын түрүүшын хэшээлнүүдые таанадта дахин дабтаха хэрэгтэй болоод байна. Хатуу хоол барихын орондо таанад һүөөр ундалха болонот.

Пётрой 2-дохи хандалга 3:15

Бидэндэ абарагдаха боломжо үгэн, манай Эзэн аргагүй удаан хүлеэнэ гэжэ бодогты. Тон тиигэжэл хайрата Павел аха Бурханай хайрлаһан ухаанай хүсөөр таанадта бэшээ бэлэй.

Гэршэлгэ 1:20

Минии гартаа баряад байхые шинии хараһан долоон одонуудай, алтан долоон дэнгүүдэй нюусань иимэ: долоон одонууд һүзэглэгшэдэй долоон бүлгэмүүдэй Эльгээмэлнүүд мүн, шинии хараһан долоон дэнгүүд һүзэглэгшэдэй долоон бүлгэмүүд мүн гээшэ.

Ударидагшад 5:31

Эзэн Минии, элшэ хүсөөрөө наранай мандаһан мэтээр, Танай дайсад булта хосорог! Танда дуратайшуул хүсэ орог! Энэ газар дээрэ дүшэн жэл соо энхэ тайбан байба.