Даниил 12:10 - Библи

¹⁰ Олон зон арюудхагдажа, сагааруулагдажа, туршалга гараха, харин хилэнсэгтэ зон муу муухай хэрэгүүдээ үргэлжэлүүлжэ, энээниие ойлгохогүй. Гансал сэсэн мэргэшүүл ойлгохо.

Даниил 12:10 Cross References

Псалманууд 51:7

Харин Бурхан шамайе үгы болоторшни һалгааха, Тэрэ шамайе майханһаашни гаргажа хаяха, амидын газарһаа шамайе үндэһөөршни һуга татаха.

Һургаал 1:5

Сэсэн мэргэн хүн шагнажа, мэдэлгэеэ арьбажуулха, ухаатайшье зон зүбшэл заабари тэрээнһээ олохо.

Исай 1:18

Эзэн иигэжэ айладхана: «Эбээрээ хэлсэе. Таанадай улайтараа нүгэлөөр бузарлагдаһаншье һаатнай, Би саһан мэтэ сагаан болотортнай угааха бэлэйб. Хүрин улаан болотороо нүгэлдэ баригдаһаншье һаатнай, сагаан нооһон мэтэ болотортнай угаан сэбэрлэхэ һэм.

Эзэкээл 36:25

Сэбэр уһаар таанадые сүршэхэб, онгонуудые зайсуулхаб, иигэжэ муу муухай бузарһаа һалахат.

Эзэкээл 47:11

Харин эрьеэр байгааша нуур ба намагтай газарай уһан дабһатай зандаа үлэхэ. Зон тэндэһээ дабһа абадаг байха.

Даниил 11:33

Арадай сэсэн мэргэшүүл олохон зондо зүб юумэ зааха. Энээнэйнгээ түлөө тэдэ нэгэ хэды сагай туршада хэһээлтэ амасан байха: заримань алуулха, шатаагдаха, баряанда туугдаха, дээрмэдүүлхэ.

Даниил 11:35

Сэсэн мэргэшүүлэй заримань зоболон амасаха, иимэ аргаар тэдэ арюудхагдаха, сагааруулагдаха, Бурханай тогтооһон саг болотор энэ үргэлжэлхэ.

Даниил 12:3

Сэсэн ухаатайшуул тэнгэриин мандалай туяа гэрэлдэл яларха, зүб шударга хэрэгүүдтэ зониие һургагшад огторгойн одод мэтэ хододоо, мүнхэдөө яларха!

Һошээ 14:9

Израилиин улад зон онгонуудта бэшэ мүргэхэгүй. Би тэдэнэй гуйлтануудыень дуулажа, тэдээн тушаа һанаа табин байхаб. Жэлэй дүрбэн сагта ногоорон байдаг модондол, Би тэдэниие аршалан хамгаалан байхаб, үршөөл хайраяа бэлэглэхэб.

Захарияа 13:9

Үлэгшэ эдэ зон Минии туршалгада оролсохо. Мүнгэ хайлуулдаг гал дундуур тэдэниие гарган туршахаб. Алта тунгаадаг шэнги тэдэниие тунгаажа сэбэрлэхэб. Тиихэдэ тэдэ Намайе дуудаха. Би харюудань «Энэ Минии арад түмэн», – гэжэ айладхахаб. «Эзэн болбол манай Бурхан», – гэжэ тэдэ хэлэхэ.

Малаахи 3:3

Тэрэ мүнгэ хайлуулан сэбэрлэһэн мэтэ һуужа, Левиин хүбүүдые сэбэрлэхэ болоно. Тэрэ тэдэниие алта мүнгэн хайлуулһан шэнги үнэн шударга байдалда оруулжа, Эзэндэ тахил үргэхэ болоно.

Марк 4:11

Иисүүс тэдэндэ: – Бурханай хаан түрэ тухай гүн нюусанууд таанадтал тайлбарилагдана, харин танһаа гадуур байһан зондо Би һургаалта үгэнүүдээр хөөрэнэ гээшэб.

Лука 24:25

– Лүндэншэдэй уридшалан айладхаһан бүхы юумэндэ этигэхэ талаар мохоо модохир, тэнэг амитад аа!

Иоанн 18:37

– Тиихэдээ Та яабашье һаа, хаан боложо таарана гүт? – гэжэ Пилат асууба. – Та өөрөө Намайе Хаан гэнэт. Би үнэн зүйлые гэршэлхын тула түрэһэн, дэлхэйдэ ерэһэн байнаб. Үнэн зүйлые баримталагшад бултадаа Минии хэлэһые дуулана, – гэбэ Иисүүс.

Иоанн 7:17

Тэрэнэй дура хүсэл дүүргэхэ һанаатай хүн һаа, энэ Бурханай һургаал гээшэ гү, али Би Өөрэһөөн хэлэжэ байна гүб гэжэ мэдэдэг болохо.

Иоанн 8:47

Бурханай мэдэлдэ байгша болбол Бурханай хэлэһэн үгэнүүдые дуулаха ёһотой. Таанар Намайе дууланагүйт, юундэб гэхэдэ, Бурханай мэдэлдэ бэшэ байнат.

Коринфынхидтэ 1-дэхи 6:11

Танай заримантнай урдань тиимэл нүгэлтэн байгаа. Гэхэдээ таанад нүгэлнүүдһээ арилгагдаһан, Бурханда зорюулагдаһан, Эзэн Иисүүс Христоосой ба манай Бурханай Һүлдын ашаар Бурханай урда сагааруулагдаат.

Коринфынхидтэ 2-дохи 7:1

Нүхэдни, Бурхан эдэ найдуулгануудаа маанадта үгөө. Тиимэһээ бэеыемнай, һүнэһэ һүлдыемнай бузарладаг юумэнүүдһээ өөһэдыгөө сэбэрлэел, Бурханда һүгэдэн, гүйсэд арюун байял.

Тидтэ 2:14

Христоос маанадые бузар муухай нүгэлнүүдһээмнай аршалан, мэдэлдэнь байдаг, үлзытэй хэрэгүүдые хэхэ гэжэ зүдхэдэг сэбэр арад болгохын тула Өөрыгөө бидэнэй түлөө үргөө.

Еврейнүүдтэ 12:10

Газар дэлхэйдэхи эсэгэнэрнай маанадые газар дэлхэйдэхи ажамидаралаймнай түлөө өөһэдынгөө дураар хэһээдэг байгаа, харин Бурхан бидэнэй аша туһада, арюун нангин юумэндээ хүртөөхын тула бидэниие хэһээнэ гээшэ.

Пётрой 1-дэхи хандалга 1:22

Үнэн зүбые дахажа, Бурханда һүзэглэдэг аха дүүнэртээ үнэн зүрхэнһөө дуратай байхын тула таанад сэдьхэлээ арюудхабат. Тиимэһээ бүхы һанал бодолоороо бэе бэедээ дуратай байгты.

Пётрой 1-дэхи хандалга 1:7

Юундэб гэхэдэ, тэдэ зоболонгууд танай һүзэг бодото гү гэжэ туршана, батална гээшэ. Галда шатажа үгы болодог алтаншье галаар туршагдадаг, зүгөөр танай һүзэг алтанһаа үлүү үнэтэй, тиимэһээл тэрэнэйтнай үнэн байһыень заабол туршаха, баталха хэрэгтэй. Тиигээд лэ таанад Иисүүс Христоосой заларан ерэхэ Үдэр магтаалда, алдар солодо, нэрэ түрэдэ хүртэхэт.

Иоаннай 1-дэхи хандалга 5:20

Ёһотой Бурханиие бидэнэй танидаг болохын тула маанадта Бурханай Хүбүүн ерэжэ ойлгуулаа гээд бидэ мэдэнэбди. Бидэ Бурхантай нэгэн хамта, Тэрэнэй Иисүүс Христоостой нэгэн хамта байнабди. Иисүүс Христоос хадаа ёһотой Бурхан гээшэ, хэтэ мүнхын амидарал гээшэ.

Гэршэлгэ 16:11

Тиин үбшэн зоболон, яра шарха асарһанайнь түлөө тэдэнэр Тэнгэриин Бурханиие хараалай муугаар хараажа байгаа. Теэд тэдэ хүнүүд гэм хэхэеэ болёогүй.

Гэршэлгэ 19:14

Тэнгэри дээрэхи сэрэгшэд сагаан моринуудые унаад, нарин сагаан улһаар оёһон сэбэрхэн хубсаһа үмдөөд, хойноһоонь дахажа ябанад.

Гэршэлгэ 19:8

Басагандань нарин улһаар оёһон ялагар, сэбэр хубсаһан үгтэнхэй. Нарин улһан гээшэнь Бурханай арад зоной үнэн зүб үйлэ хэрэг гэһэн удхатай.

Гэршэлгэ 22:11

Муу хүн муу юумэеэ хэжэ үргэлжэлүүлэг! Жэрхэмшэг муухай хүн тэрэл муухай юумэеэ хэг, һайн хүн һайе хэжэл байг, арюун гэгээн хүн тэрэл зандаа арюун ябаг».

Гэршэлгэ 3:18

Баян болохын тула галаар арюудхагдаһан алта Намһаа худалдажа абахыетнай зүблэнэб, шарбай нюсэгэн бэеэ харуулжа ябахагүйн тула сагаан хубсаһа Намһаа абажа үмдэгты, юумэ харадаг болохын тула нюдэнэй эм абажа, нюдэндөө түрхигты.

1 Хаан түрэнүүд 24:13

Эзэн та бидэ хоёрые шүүжэ, Эзэн минии түлөө танһаа үһөө абахань болтогой. Харин би танда гар хүрэхэгүйб.