Даниил 1:19 - Библи

¹⁹ Хаан тэдээнтэй хөөрэлдөөд, Даниил, Ханаанияа, Мишаһээл, Азаария гэгшэдые эгээл эрхимүүд гэжэ шэлэбэ. Иигэжэ тэдэ хаанай ордон соо алба хэдэг болоо бэлэй.

Даниил 1:19 Cross References

Эхин 41:46

Иосиф гушан наһатайдаа Египет улас түрын ахамад түшэмэл ноён болоһон юм. Хаанай ордонһоо гаража, тэрэ Египедэй бүхы газар дайдаар ябаба.

3 Хаан түрэнүүд 17:1

Галаадтахи Тишбиигэй лүндэншэ Элияа Ахаабта иигэжэ хэлэбэ: – Минии зальбардаг Израилиин Эзэн Бурханай нэрээр тангаригланаб! Удаадахи хоёр жэлэй туршада шүүдэршье унахагүй, бороошье орохогүй. Гансал минии хэлэхэдэ орохо.

Һургаал 22:29

Ажалдаа шадамар хүниие хараа гүш? Тэрэ хаанай урда зогсохо. Нэрэ түрэгүй юрын хүнүүдтэ алба хэхэгүй.

Ерэмияа 15:19

Энээндэ Эзэн иигэжэ харюусаба: – Ерэмияа, бусаа һаашни, Би шамайе бусаахаб, тиигээд ши Минии дэргэдэ зарасам байхаш. Хэрэггүй хооһон үгэһөө үлүү ехээр ши үнэтэй шухала үгэ үнэлдэг байгаа һаа, Минии захяа хүргэгшэ дахинаа болохош. Улад зон өөһэдөө шамда бусаха, ши тэдээндэ өөрөө ошожо байхагүйш.

Даниил 1:18

Хаанай тогтооһон сагай ерэхэдэ, түшэмэлнүүдэй ахамад ноён тэдэ бүгэдэ хүбүүдые Навуходоносорто харуулба.

Даниил 1:5

Тэдэ хүбүүдтэ эгээл һайн эдеэ хоол үдэр бүри үгтэдэг байха гэжэ тэрэ мүн лэ захираа. Гурбан жэл соо иигэжэ хүмүүжүүлэгдээд, тэдэ хаанда алба хэдэг болохо ёһотой байгаа.

Даниил 1:6

Иудын обогһоо шэлэгдэн абтаһан хүбүүдэй дунда Даниил, Ханаанияа, Мишаһээл, Азаария гэгшэд байлсаа.

Даниил 1:7

Түшэмэлнүүдэй ахалагша ноён тэдээндэ шэнэ иимэ нэрэнүүдые үгэбэ: Даниилдэ Бэлтэшаццаар, Ханаанияада Шадраах, Мишаһээлдэ Мэшаах, Азаарияада Абээд-Нэгоо.

Даниил 2:13

Сэсэн мэргэшүүлые үгы хэхэ гэһэн зарлигай тунхаглагдахада, Даниил нүхэдтэеэ хамта мүн лэ усадхагдаха ёһотой байгаа.

Даниил 3:29

Тиимэһээ ямар нэгэн арадай, обогой, бүлээлингэй хэн нэгэн Шадраахай, Мэшаахай, Абээд-Нэгоогой Бурхан тушаа баһан дуугарбал, хэһэг болгон сабшагдаха, гэр байрань һандаргаагдаха. Энэ Бурхандал адли абарха ондоо бурхан байхагүй, – гэжэ тунхаглаба.