Даниил 1:17 - Библи

¹⁷ Эдэ дүрбэн хүбүүдые Бурхан ухаатай, сэсэн мэргэн болгоо һэн. Тэдэ ном уншажа, эрдэмтэй болоо. Даниил үшөө элдэб үзэл үзэдэг, зүүдэ тайлбарилдаг шэдитэй һэн.

Даниил 1:17 Cross References

3 Хаан түрэнүүд 3:12

зай, тиимэһээ шинии гуйһанай ёһоор хэрэг ябуулхам: сэсэн мэргэн, бүхы юумэ ойлгохо ухаа шамда үршөөнэб. Шамдал адли ухаатай иимэ хүн байгаагүй, шинии удаашье тиимэ хүн мүндэлхэгүй.

3 Хаан түрэнүүд 3:28

Израилиин бүхы улад зон хаанай яажа энэ хэрэг шиидхэһые дуулахадаа, үнэн зүбөөр зарга хэрэгүүдые шиидхэхэ сэсэн мэргэн ухаа Бурхан тэрээндэ үршөөгөө гэжэ ойлгожо, хааниие ехэ хүндэлжэ эхилбэ.

2 Угай бэшэг 1:10

мүнөө тэдэниие зонхилхо сэсэн мэргэн ухаа болон эрдэм мэдэсэ намда үршөөгыт. Юуб гэбэл, намһаа бэшэ хэн Танай агууехэ арад зониие зонхилжо шадахаб? – гэжэ хэлэбэ.

2 Угай бэшэг 1:12

Сэсэн мэргэн ухаан болон эрдэм шамда үршөөгдэнэ! Энээндэ нэмэжэ, шинии урда болон хойто сагуудай хаашуулда байгаагүй баялиг, үнэтэ нөөсэнүүдые, алдар соло шамда үршөөхэб, – гэжэ айладхаба.

2 Угай бэшэг 26:5

Захарияа лүндэншэнэй заабаряар тэрэ Бурханиие хүндэлдэг һэн. Бурханшье тэрээндэ амжалта туйлуулдаг байгаа.

Иоов 32:8

Һүлдэ һүнэһэн гэжэ хүндэ байха, Түгэс Хүсэтын амисхал тэрээндэ ухаа оруулдаг.

Һургаал 2:6

Юуб гэхэдэ, Эзэн сэсэн мэргэниие үршөөдэг, Тэрэнэй аманһаа ухаан ба мэдэлгэ гарадаг.

Экклезиаст 2:26

Нюдэндөө һайшаагдаһан хүндэ Тэрэ мэргэн ухаа, мэдэлгэ, баяр жаргал үгэдэг. Тиихэдээ Өөрынгөө урда гэмгүй нэгэндэ үгэхын тулада суглуулха, нөөсэлхэ ажалые нүгэлтэй хүнөөр хүүлэдэг байна. Энэньшье дэмы хүлгөөн, һалхи намнаһантай адли.

Исай 28:26

Ажалаа яагаад хэхэеэ тэрэ мэдэнэ. Юуб гэхэдэ, Бурхан тэрэниие һургаа бшуу.

Эзэкээл 28:3

Ши өөрыгөө Даниилһаа мэргэн ухаатайб, минии мэдэхэгүй юуншье байхагүй гэжэ тоолонош.

Даниил 1:18

Хаанай тогтооһон сагай ерэхэдэ, түшэмэлнүүдэй ахамад ноён тэдэ бүгэдэ хүбүүдые Навуходоносорто харуулба.

Даниил 1:20

Ямаршье хэрэгээр зүбшэл заабари асуухадаа, эдэ хүбүүд хан түрэ соомни байгааша мэргэшүүлһээ, үзэлшэдһөө долоо дахин дээрэ гэжэ хаан шиидээ һэн.

Даниил 10:1

Персиин хаан Киирэй гурбадахи жэлээ зонхилжо байхада Бэлтэшаццаар гэжэ нэрэ зүүдэг Даниилда үзэгдэл – үнэн зүб мэдээсэл болон агууехэ ашаан – харагдаһан байна. Даниил тэрэ айладхал ойлгобо, үзэгдэлдөө харахадаа, тэрэниие ойлгоо бэлэй.

Даниил 2:19

Һүни Даниил үзэгдэл үзэжэ, нюусын тайлбари мэдэбэ. Тиигээд тэрэ Огторгойн Бурханда магтаал соло дуудаба.

Даниил 2:21

Үе сагуудые, жэлэй дүрбэн саг Тэрэ һэлгэдэг, хаашуулые хан шэрээһээнь буулгадаг, табидаг, сэсэн мэргэн ухаа ухаатайшуулда, боро ухаа һүбэлгэн зондо үгэдэг.

Даниил 2:23

Та намда сэсэн мэргэн ухаа, хүсэ үршөөгөөт, Таниие, уг удамайнгаа Бурханиие, магтан, түүрээн байналби. Гуйһан гуйлтыемнай дүүргээт, хаанай хэрэгые манда эли болгоот.

Даниил 2:30

Энэ нюуса намда нээгдэхэдээ, бусадһаа минии сэсэн мэргэн байһандам бэшэ, харин үндэр түрэлтэ хаан, танда тайлбарилжа үгэхым, һанааетнай хүлгөөжэ байгааша зүйлнүүдые ойлгуулхым тула нээгдээ юумэл.

Даниил 4:6

– Үзэлшэдэй ахамад болохо Бэлтэшаццаар! Шамда Бурханай нангин һүлдэ бии, ямаршье нюуса бэлэхэнээр элирүүлдэгши гээд би мэдэнэб. Минии хараһан зүүдэ, удхыень тайлбарилжа үгыш.

Даниил 5:14

Шамда Бурханай һүлдэ халин оронхой гээд, һаруул ухаатайеш, һонор бэрхыеш, сэсэн мэргэнииеш би дуулаһан байнаб.

Даниил 7:1

Вавилооной хаан Бэлшаццаарай зонхилолтын нэгэдэхи жэлэй ябажа байхада Даниил зүүдэндээ нэгэтэ үзэгдэл хараба. Тиигээд тэрэ зүүдэеэ бэшэжэ абаа бэлэй.

Даниил 8:1

Бэлшаццаар хаанай гурбадахи жэлээ зонхилжо байһан сагта би, Даниил, урид хараһанда үзэгдэлдөө нэмэлтэ үшөө нэгэ үзэгдэл үзэн харабаб.

Тоололго 12:6

Эзэн тэдэ хоёрто иигэжэ айладаба: – Минии үгэ шагнагты! Хэрбэеэ Минии лүндэншэн таанадай дунда бии болоһон байбал, Би, Эзэн, тэрээндэ үзэгдэл үзүүлдэгби. Зүүдэлжэ байхадань, тэдээндэ айладхал буулгадагби.

Лука 21:15

Юу хэлэхые мэдэхэ ухаа Би таанадта үршөөхэб. Танай хэлэһэн юумые нэгэшье дайсантнай буруушаажа гү, али һөөргэдэжэ шадахагүй.

Хэрэгүүд 6:10

Гэбэшье Арюун Һүлдын болон сэсэн ухаанай хүсөөр Стефанай хэлэжэ байһан юумые буруушааха тэдэ аргагүй байгаа.

Хэрэгүүд 7:10

ямаршье гай аюулһаа абаржа байгаа. Тиигээд тэрээндэ сэсэн ухаа үршөөжэ, Египедэй хаан фараондо һайшаалгаа. Тиимэһээ хаан Иосифые Египедэй болон бүхы хаанай ордоной эрхилэгшээр табяа һэн.

Хэрэгүүд 7:22

Моисей Египедэй эрдэм ухааниие бүгэдыень шудалжа, уран һайханаар үгэ хэлэдэг, шадамар бэрхэ ажалша хүн болоо һэн.

Колоссынхидтэ 1:9

Тиимэһээ бидэ таанад тухай дуулаһан үдэрһөө эхилжэ үргэлжэ таанадай түлөө зальбарнабди. Һүлдын үгэдэг гүн ухаан, ойлгосо таанадтай байха тухайнь, тиигэхэдэ Бурханай дура хүсэлөө таанадта харуулжа байха тухайнь бидэ Бурханиие гуйдагбди.

Яковай хандалга 1:17

Бүхы үлзытэй, эгээн эрхим бэлэгүүд дээрэһээ, тэнгэриин одо мүшэдые, нара һарые бүтээһэн, хэзээдэшье хубилдаггүй, тэдэ ододто адли һүүдэр хэзээшье татадаггүй Бурханһаа үгтэдэг.

Яковай хандалга 1:5

Хэрбээ хэн нэгэнэйтнай сэсэн ухаагаар дуталдабалнь, тэрэ тиимэ сэсэн ухаае таанадта хайрладаг Эзэн Бурханиие гуйг лэ, Эзэн Бурхан хүн бүхэндэ гуйһанииень элбэг дэлбэгээр, гэмэрэлтэгүй үгэдэг ха юм.