Iphisithek 4:2 - Iwo Surua Mua Wie Pha Bible

² Idang jum, mieng, nane zud rek bo. Nawaithek chung zud rai srane miie doh yi bo.

Iphisithek 4:2 Cross References

Methiu 11:29

Guro jakhokh ji yi ne nawai lakhung shii ruii bo chiih-è gu è nui bo, nyieliieshii gu ragung shii neb nane jum; chiih-è nathek de thung pha mua ruii phro.

Marg 9:19

Isu è ithek shii yao, “Nathek ne migi anow pho bey? Gune nathek rog shii khama phiang rai mua gieng phlei? Gune nathek rog shii khama phiang zud mua phlei? Jipha bufuii shii gu moe hà noh mage bo!”

Bliathek 20:19

Bajo jum rek ne bajo miegkho noi srane Ithong pha khiao duiine bliathek rek marui, ji pha doh ne bajo diig thog dun nyieliieshii, Jewthek è mak rek noh.

Romanthek 15:1

Gethek hanyie yi migi shii gang arone zia pho ro miihanthek shii nong phi bo. Gethek è gethek shii asang rabo.

1 Khorinthek 13:7

Miie ne khuchung de athoh ro, chiih-è migi, luthong zud ne idang ibi rey dun.

Galathithek 6:2

Gaithek ro miihan shii de nong ne hang rai bo, ji è rek arone nathek ne Masi ro Iphey nuii ro.

Iphisithek 1:4

Sohjambling rab pha ibi è rang de, gethek ro Masi rog shii ò pha ji è Hamangkhung-aphuii è gethek shii guajong ro, ji-è gethek ne ai ibi shii ichiig arek pha gang rek chid. Nyieliieshii airo miie

Kholosithek 1:11

Nathek ne nyie airo biisiie boh blu è thog pha chuh pha rog shii gang ji rek phi, ji è nathek ne lubuphiang pha rog shii zab zud mua. Chiih-è lubo rog shii Aphuii shii laso phi mua ruii phro. Hanyie shii nawairo mathang mua spho rek phi pha ji shii ne Hamangkhung-aphuii è awai branthek ro nyie shii isang pha Sajathua hà ong ne ruii phi ro.

1 Thimothi 6:11

Jishii, Hamangkhung-aphuii ro bran, hì thek zab shii thoh muii bo. Giangthek, hamangkhung-aphuii duiine, migi, miie, zud, chiih-è zum shii mua pha bidiang bo.

2 Thimothi 2:25

na è makpho shii khriig rek shii jum um chid, ji duiine Hamangkhung-aphuii ne ithek shii lubukhid ne izai shii ìd mua yi pha wie jo phi ruii phro.

Jems 1:21

Ji-è zab awie pha lajia nane buii rek pha ji shii thoh muii bo. Hamangkhung-aphuii shii phi srane nathek lubu shii hai pha miyaogam jishii choi bo, nyie yi na shii ragia rek mua ro.

1 Phithar 3:15

Jishii nathek ro lubuthek ne Masi chiang shii boh ilab um bo, chiih-è aishii ne Ithong rone ilab rek bo. Nathek shii um pha luthong ji pha chiang shii yao bo è hanyie è lia ruii shii chang pha zab ishak ne khriig rek bo,

1 Phithar 3:8

Jong sha: Nathek zab shii ò ziig nane ò thanthek ji um bo; nawaithek gai chung miie rai bo, chiih-è nawaithek gai chung bushun nane jum rek rai bo.