फिलिप्पियों 4:6 - बृज भासा

⁶ और काऊ बात की चिन्‍ता मत करौ, हर बात में पिराथना और बिनती, धन्यबाद के संग परमेस्‍वर के सामने अपने निवेदन रखौ।

फिलिप्पियों 4:6 Cross References

मत्‍ती 10:19

और जब तुमें पकड़ौ जाबे, तौ बा समै जि चिन्‍ता मत करियों कै तुमें का कहनों है और कैसे कहनों है। चौंकि तुमें बाई समै बताय दियौ जाबेगौ कै तुमें का कहनों है,

मत्‍ती 13:22

झाड़िन में गिरे भये बीज उन लोगन कूं दिखातै जो वचन कूं तौ सुनतें पर संसार की चिन्‍ता और धन-दौलत कौ लोभ-लालच वचन कूं दबा देतै और बू फल नांय लाबत।

मत्‍ती 6:34

और तुम आज आयबे बारे कल की चिन्‍ता मत करौ, चौंकि आयबे बारे कल अपनी चिन्‍ता खुदई कर लेगौ। हर दिना कौ दुख बा दिना के काजै भौतै।

मत्‍ती 6:8

जाके मारे तुम बिनके जैसे मत बनों चौंकि तुमारे पिताए तुमारे मांगबेते पैहलेंई पतौए के तुमें काए चीज की जरूरतै।

लूका 10:41

पिरभू नें बाय जबाव दयौ, “मारता, हे मारता, तू भौत सी बातन के काजै चिंतित और व्‍याकुल रैहतै।

लूका 12:22

फिर ईसू मसीह नें अपने चेलान ते कही, “कै मैं तुमते जामारै कैहतूं कै, तुम अपने जीबन की चिन्‍ता मत करौ कै हम का खाबिंगे, का पिबिंगे और न अपने सरीर की, कै हम का पैहनिंगे।

लूका 12:29

और तुम जा बात की चिन्‍ता मत करौ,कै हम का खाबिंगे? का पीबिंगे और सन्देह मत करो।

लूका 18:1

तब ईसू नें चेलान कूं रोजाना पिराथना करबे और हिम्मत नांय हारनी चहिऐं के बारे में एक दृस्‍टान्‍त कहौ,

लूका 18:7

का परमेस्‍वर अपने चुने भये लोगन कौ सच्‍चौ न्याय ना करैगौ, जो बाकूं दिन रात पुकारत रैहतैं, का बू बिनकी सहायता करबे में देर लगाबेगौ?

1 कुरिन्थियों 7:21

अगर तू दास की हालत में बुलायोए तौ जा बात की चिन्‍ता मत करै। अगर तू आजाद है सके तौ आगे बढ़ और मौके कौ फायदा उठा।

1 कुरिन्थियों 7:32

मैं चाहतूं कै तुम चिन्‍ता मत करौ, एक कुआरौ आदमी पिरभू की बातन के बारे में चिन्‍तित रैहतै पिरभू कूं का तरैह ते खुस करै।

2 कुरिन्थियों 1:11

तुमऊ मिलके पिराथना के द्वारा हमारी मदद करौ कै, परमेस्‍वर आबे बारी समस्‍यान ते हमें बचाबै। परमेस्‍वर ने हमें बचायौऐ जाते भौत ते लोगन कूं मौका मिलौऐ कै, बे हमारी ओर ते परमेस्‍वर कौ धन्यबाद करें।

इफिसियों 5:20

और हमेसा सब बातन काजै पिरभू ईसू मसीह के नाम में परमेस्‍वर पिता कौ धन्यबाद करतै रेयौ।

इफिसियों 6:18

और हर समै हर तरैह ते आतमा में पिराथना करतै रहौ, बिनती करत रहो और जागत रहो, और सब परमेस्‍वर के पबित्र लोगन के काजै पिराथना करते रहो।

कुलुस्सियों 3:15

परमेस्‍वर नें तुमें एकई मसीह की देह में सान्‍ती ते रैहबै काजै बुलायौ है और मसीह नें जो सान्‍ती तुमें दई है, बाय अपने हिरदय में बसन देओ और परमेस्‍वर कौ धन्यबाद हमेसा करते रहौ।

कुलुस्सियों 3:17

देखौ पिरभू के वचन में या पिरभू के काम में जो कछू करौ बाय पिरभू ईसू मसीह के नाम तेई करियों और बाईके जरिये परमेस्‍वर कौ धन्यबादऊ करते रहियों।

कुलुस्सियों 4:2

पिराथना में लगे रहौ और परमेस्‍वर कूं धन्यबाद दैते रहौ, और बई में जागते रहौ।

1 तिमुथियुस 2:1

अब मैं सबते पैहले जि कैहरौऊं कै बिनती, पिराथना, निवेदन, और धन्यबाद सब लोगन के काजै परमेस्‍वर कूं दिये जामें।

1 तिमुथियुस 5:5

बे औरत जो हकीकत में बिधबाएं हैं जिनकौ कोई नांय, बे परमेस्‍वर पै आसा रखें और रात-दिन पिराथना में लगी रैहमें और परमेस्‍वर ते मदत मांगें।

1 पतरस 4:7

सब बातन के खतम हैबे कौ समै जौरें आय गयौऐ। जामारैं संयम के संग पिराथना करते भये सावधान रैहौ।

1 पतरस 5:7

तुम अपनी सबरी चिन्‍ता बापै डार देओ, चौंकि बाय तुमारौ धियानें।