फिलिप्पियों 3:8 - बृज भासा

⁸ जाई मारे मैं पिरभू ईसू मसीहे जानबो सबसे अच्‍छौ फायदा समझूं और ग्‍यान के बारे में कहौ तौ सब बातन्नें काऊ काम की नांय समझूं, जाते मैं ईसू मसीहे पाय लऊं।

फिलिप्पियों 3:8 Cross References

लूका 1:43

जि किरपा मोपै कांते भईए, कै मेरे पिरभू की मा मेरे जौरें आईए।

लूका 11:20

यदि में सच मैं परमेस्‍वर की सामर्थ ते दुस्‍ट आतमा निकारतूं तौ समझ लेओ कै परमेस्‍वर कौ राज तुमारे नजदीक आय गयौए।

यूहन्‍ना 14:20

बा दिना तुम जान जाऔगे कै, मैं पिता में हूं और तुम मोमेंऔ और मैं तुम में हूं।

यूहन्‍ना 14:7

अगर तू मोय जान जातौ तौ परम पिता कूंअंऊ जान जातौ और अब तुम बाय जानतौ और बाय देखऊ चुकेऔ।”

यूहन्‍ना 16:3

बे ऐसौ जामारै करिंगे चौंकि बे नांय तौ परमेस्‍वर पिता कूं जान्‍त और नांय मोय।

यूहन्‍ना 17:3

बाय कबऊ नांय खतम हैबे बारौ जीबन तौ जिऐ कै बे तोय एकमात्र सच्‍चे परमेस्‍वर कूं और ईसू मसीह कूं जानलें जाकूं तेने भेजौए बाय,

यूहन्‍ना 17:8

मैंनें उन्‍नें बू सिछा दयी है जो तेने मोय दयी है और उन्‍नें बाकूं अपनांयौ है। बे जि जरूर जानतै कै मैं तेरी ओर ते आयौऊ। और उन्‍नें भरोसौ है गयौऐ कै तेने मोय भेजौए।

यूहन्‍ना 20:13

उन्‍नें मरियम ते पूछी, “कै हे औरत तू चौं रोय रयी है?” बू बोली, “बे मेरे पिरभू कूं उठाय लै गयेएं पर मौकूं जि मालूम नांय कै बिन्‍नें बाकूं कांपै रखौए।”

यूहन्‍ना 20:28

थोमा बोलो, “हे पिरभू मेरे परमेस्‍वर।”

प्रेरितन के काम 20:24

पर मेरे काजै मेरे पिरान की कोई कीमत नांय। मैं तौ बस बा दौड़ धूप और बा सेबा कूं पूरौ करबौ चाहतूं। जाय मोय पिरभू ईसू ने सोंपौए कै, परमेस्‍वर की किरपा के समाचार की गबाही दूं।

रोमियों 8:18

चौंकि मेरे बिचार में जा समै के हमारे कलेस और दुख हम पै पिरकट हैबे बारी भावी महिमा के आगे कछू अऊ नांय।

रोमियों 8:39

ना कोई हमारे ऊपर कौ और ना हमते नीचे कौ, न सृस्‍टी की कोई और चीज हमें परमेस्‍वर के बा पिरेम ते, जो हमारे भीतर पिरभू ईसू मसीह के काजै है, हमें अलग कर सकैगी।

1 कुरिन्थियों 2:2

चौंकि मैंनें जिय ठान लई हती कै, तुमारे बीच ईसू मसीह, बरन क्रूस पै चढ़ाए भये मसीह कूं छोड़ और काऊ के बारे में बात नांय करूंगो।

1 कुरिन्थियों 9:10

नांय, जि बात जरूर हमारे काजेई लिखीए, चौंकि जि सहीए कै खेत जोतबे बारौ काऊ आसा तैई खेत कूं जोततऊए और लामनी करबे बारौ फसल में ते भुस और नाज मिलबे की आसा करतै।

2 कुरिन्थियों 4:4

जा संसार के देबता सैतान नें अबिसबासिन के मन में इतनों अन्धेरौ कर दयौ है कै, बे परमेस्‍वर के स्‍वरूप मसीह के महिमा के सुभ समाचार कौ प्रकास नांय देख पा रये हैं।

2 कुरिन्थियों 4:6

जामारै परमेस्‍वर ही है, जाने कही है कै, “अंधेरे में ते उजीतौ है जाबे।” बाईनें हमारे हिरदयन में अपने उजाले कूं चमकायौ है, जाते हम ईसू मसीह में परमेस्‍वर की महिमा के ग्‍यान कौ तेज देख पाबै।

गलातियों 1:16

तब परमेस्‍वर की महान किरपा मोपै भई, जाते मैं वाके बेटाये, अपने आप में प्रगट करूं,तब मैं गैर यहुदीयन मेंऊ बाको सुभ समाचार सुनांयवे गयौ, तब मैंनें तुरन्‍त काऊ आदमी ते सलाह नांय लई।

इफिसियों 4:13

जब तक हम सब परमेस्‍वर के भरोसे में और वाके पुत्र के ग्‍यान में एक ना है जाबैं और मसीह की परिपूर्नता के अनुसार एक सिद्ध आदमी न बन जाबैं।

फिलिप्पियों 1:1

हम ईसू मसीह के सेबक पौलुस और तिमुथियुस, जि चिठ्‌ठी फिलीपी में रैहबै बारे मसीह में मेल-जोल रखवे बारे सब परमेस्‍वर के पबित्र लोगन कूं और कलिसिया की देखभाल करवे बारे और काम में हात बटाबे बारेन कूं लिख रयौ हूं।

फिलिप्पियों 3:10

मैं मसीहे जानबो चाहतूं और बा सक्‍तीऊए जानबो चाहतूं जाते बू मरबे के बाद जी उठो, मैं वाकी सी पीड़ा उठाकैं वाके मरवे में सामिल हैवौ चाहूं। और मैं बा रूप कूं पाबो चाहूं जो बानें अपनी मौत के जरिये पायौ।

फिलिप्पियों 3:12

मेरौ जि मतलब नांय कै मैंनें सब चीज पाय लयीऐं या पूरी तरीका ते सिद्ध है गयौऊं पर मैं बा ईनामें पाबै काजै कड़ी मेहनत कर रौहूं जाके काजै ईसू मसीह नें मोय पैहले तेई बुलायौ है।

फिलिप्पियों 3:7

पर जिन बातन्नें मैं फायदा की समझतौ, बिन बातन कूं मैं मसीह की वजह ते काऊ काम की नांय समझूं।

2 तिमुथियुस 4:6

मैं पिरभू कूं अर्पित करौ जा चुकौ हूं और मेरे अंत कौ समै आ गयौए।

इब्रानियों 3:14

अगर हम अंत तक मजबूती के संग अपने सुरू के भरोसे में बने रैहमें तौ हम मसीह के भागीदार बन जामें।

1 पतरस 2:7

भरोसौ करबे बारे तुम लोगन काजै बू पत्‍थर भौत कीमतीऐ। पर जो भरोसौ नां करें बिनके काजै सास्त्र में लिखौ भयौ है, “राज मिस्त्री ने जा पत्‍थर कूं बेकार ठहरायौ बुई कौने कौ पत्‍थर ठहरौ।”

2 पतरस 1:2

तुम परमेस्‍वर और हमारे पिरभू ईसू की पैहचान के द्वारा किरपा और सान्‍ती में भौतायत ते बढ़ते जाऔ।

2 पतरस 1:3

चौंकि हमारे जीबन के काजै और परमेस्‍वर की सेबा के काजै बानें हमें अपनी सामर्थ ते बू सब कछू दयौए जाकी हमे जरूरतै। चौंकि हम जानें कै बानें हमे अपनी धारमिकता और महिमा की बजैह ते बुलायोए।

2 पतरस 1:8

अगर जे बात तुम में बनी रैहमें तौ तुमें पिरभू ईसू मसीह के पैहचानबे में तुमें निकम्मों और निसफल नां होन देंगी।

2 पतरस 3:18

हमारे उद्धार करबे बारे हमारे पिरभू ईसू मसीह की किरपा और ग्‍यान में बड़ते जाऔ। अब हमेसा हमेसा वाकी महिमा होती रहै। ऐसौई होबे।

1 यूहन्‍ना 1:3

जो कछू हमनें देखौ और सुनो है बुई तुम लोगन कूं भी बतातैं, जाते तुमऊ हमारे संग, पिता और वाके बेटा ईसू मसीह के जीबन के सहभागी है जाऔ।

1 यूहन्‍ना 2:19

बे हम में तेई निकरे हैं, पर बे सच में हम में तै नांय। चौंकि बे हम में तै होंते तौ हमारे संग रहते, पर बे हम में ते निकर गये जाते जि निस्चित है, जाबै के बे सच में हम में ते नांय।

1 यूहन्‍ना 5:20

हम जानें कै परमेस्‍वर कौ पुत्र आयौ है, और बानें हमें जि समझ दई है कै हम सच्‍चे परमेस्‍वर कूं पैहचान लैमें और बामे रैहमें जो सच्‍चौए, मतलब परमेस्‍वर के पुत्र ईसू मसीह के संग, सच्‍चौ परमेस्‍वर और कबऊ नांय खतम हैबे बारौ जीबन जेईऐ।