फिलिप्पियों 3:18 - बृज भासा

¹⁸ चौंकि जैसौ मैं तुमते बार-बार कैह चुकौऊं और रोते भयेऊ कैहरौऊ, भौत से लोग तौ ऐसी चाल चलतें कै ईसू मसीह के क्रूस के दुसमन बन गये हैं।

फिलिप्पियों 3:18 Cross References

लूका 19:41

जब बू नगर के जौरें पौंहचो तौ बा नगर कूं देखकै पै रो परौ।

प्रेरितन के काम 20:19

दीन हैकें आँसू बहाय बहायकै यहुदिन की साजिस की बजैह ते मोपै परबे बारी मुसकिलन मेंऊ, मैं पिरभू की सेबा करतौ रयौ।

रोमियों 9:2

कै मोय गहरा दुख है और मेरे मन में लगातार पीड़ा रैहतै।

1 कुरिन्थियों 1:18

बे लोग जो बिनांस के रस्ता पै चलतैं, बे क्रूस की सिछा कूं मूर्खता समझतैं। पर जो उद्धार के रस्ता पै चल रये हैं उनके काजै परमेस्‍वर की सक्‍ती है।

1 कुरिन्थियों 6:9

का तुम जि नांय जानत कै, अन्याय करबे बारे लोग सुरग के राज के बारिस नांय हुंगे? धोखा मत खाओ, बैस्‍यागामी, मूरती पूजा करबे बारे, पराई औरत के संग रैहबे बारे, और आदमी-आदमी के संग कुकरम करबे बारे,

2 कुरिन्थियों 11:13

चौंकि बे लोग बनाबटी भेजे भये चेलाऐ और छल ते काम करबे बारे है। जो मसीह के भेजे भये चेला हैबे कौ ढोंग करतें।

2 कुरिन्थियों 11:29

का मैं दूसरेन की कमजोरी में कमजोर नांय भयौ? का काऊ के पाप में गिरबे ते मेरौ जी दुखी नांय भयौ?

2 कुरिन्थियों 2:4

मैने तुमारे काजै दुख भरे भये मन ते और दरद के संग आँसू बहाय बहायकै लिखौ हतो। पर बू मैंनें तुमें दुख दैबे काजै नांय, पर जामारै लिखौ कै, तुम जि जान सकौ कै तुमारे काजै जो मेरौ पिरेम है, बू कितनौ जादा है।

गलातियों 1:7

पर जा सच्‍चे सुभ समाचार कूं छोड़कै कोई दूसरौ समाचार तौ कोई है ही नांय, कछू लोग तुमें बिचलित करके ईसू मसीह के सुभ समाचारै बिगारबो चाँह रये है।

गलातियों 2:14

पर जब मैंनें जि देखौ कै बे लोग सुभ समाचार की सच्‍चाई के अनुसार चाल-चलन नांय चल रये, तब मैंनें सबके सामने पतरस ते कही, “जब तू यहुदी हैके गैर यहुदिन जैसे जीबन जी रयौ है, और यहुदियन की तरैह ते नांय कर रयौ तौ तू गैर यहुदिन कूं यहुदिन की तरैह चाल-चलन चलवे कूं चौं बिबस कर रयौ है?”

गलातियों 2:21

मैं परमेस्‍वर की किरपा कूं बेकार नांय ठहराऊंगो। चौंकि यदि धारमिकता व्‍यबस्था के द्वारा मिलतिये, तौ मसीह को मरबो तौ बेकार है।

गलातियों 5:21

डाह, मतबारौपन, रंग रलियां, ऐसे औरऊ काम हैं जिनके बारे में मैं तुमें पैहले तेई चिताय चुकौ हूं, और अबऊ चिताय रयौ हूं कै ऐसे काम करिबे बारे परमेस्‍वर के राज्‍य के बारिस नांय होंगे।

गलातियों 6:12

जो लोग सारीरिक दिखाबा चांहते बुई तुमारौ खतना करबाबे पै तुले भये हैं। और बू ऐसौ जामारै करतें, कै बिनें मसीह के क्रूस के पिरचार करवे कि बजैह ते सतायौ नां जाबै।

गलातियों 6:14

मैं तौ केवल पिरभू ईसू मसीह के क्रूस पैई घमन्‍ड करतूं, मैं काऊ और बात पै घमन्‍ड नांय करत चौंकि जाके द्वारा मेरी नजर में सबरौ संसार क्रूस पै चढ़ायौ जाय चुकौ और मैऊं संसार की दृस्टि में चढ़ चुकौ हूं।

इफिसियों 4:17

जाईमारै मैं पिरभू के नाम में तुमें चेतायकै कैहतूं कै जैसे अबिसबासी लोग अपने मन कि बुरी बातन के अनुसार चलतै पर तुम अब ऐसे मत चलौ।

फिलिप्पियों 1:4

और जब कबऊ मैं तुमारे काजै पिराथना करतूं, तौ बडे़ आनन्द के संग करतूं।

1 थिस्सलुनिकियों 4:6

कोई आदमी अपने भईया की पत्नी पै गलत नजर ना रखें। चौंकि पिरभू ऐसौ करवे बारेन कूं भौत सजा दैवेगौ, जाके बारे में हमनें तुमकूं पहले तेई बता दई है और सावधान कर दिये हते।

2 थिस्सलुनिकियों 3:11

हमारे सुनबे में आयौ है कै, तुम में ते कछू लोग आलसी है। बे कछु काम धन्धो नांय करें पर दूसरेन के काम धन्धेन में बाधा डारें।

2 पतरस 2:10

परमेस्‍वर बिसेस तौर ते बिन लोगन कूं दन्‍ड दैबेगौ, जो सरीर की इच्‍छा कूं पूरी करबे काजै पाप ते भरी भई इच्‍छा ते जीबन कूं असुद्ध करें और इतने डीठ और घमन्‍डी है, कै बे सुरग की सक्‍ती और सामर्थ की बुराई करबे तेऊ नांय डरपैं।

यहूदा 1:13

जे समुनदर की ऐसी भयानक लहरें जो अपनी बेसरमी कौ झाग उछारैं। जे इतकूं बितकूं भटकते भये ऐसे तारेन की तरैह हैं जिनके काजै अनन्‍त काल तक गैहरौ अंधेरौ ठहरायौ गयौ है।