फिलिप्पियों 3:14 - बृज भासा

¹⁴ मैं बड़ी उत्सुकता के संग अपने लक्छ की मांऊ दौड़तौ चले जाऊं जाते मैं सुरग में जायकै बू उपहार पाऊं जाके काजै परमेस्‍वर में मोय पिरभू ईसू मसीह नें बुलायोए।

फिलिप्पियों 3:14 Cross References

लूका 16:16

“मूसा की व्‍यबस्था और परमेस्‍वर की ओर ते बात बतायबे बारेन की, बातन कौ पिरचार यूहन्‍ना बपतिस्मा दैबे बारे के समै तक करौ गयौ। पर यूहन्‍ना बपतिस्मा दैबे बारे के समै ते परमेस्‍वर के राज कौ सुभ समाचार सुनांयौ जाय रयौए और सब लोग परमेस्‍वर के राज में घुसबे की खूब मेहनत कर रहे है।

रोमियों 11:29

चौंकि परमेस्‍वर जाय बुलातै और जाय वरदान देतै, वाकी तरफ ते बू अपनों मन कबऊ नांय बदलत।

1 कुरिन्थियों 9:24

का तुम जि नांय जानत कै दौड़ में तौ सब दौड़तें, पर इनाम तौ जीतबे बारेईये मिलतुऐ? तुम एसेई दौड़ो कै इनाम पाओ।

2 कुरिन्थियों 4:17

चौंकि हमारौ छड़ भर कौ कलेस हमारे काजै कबऊ नांय खतम हैबे बारी महिमा कूं लैके आतै, जाकी तुलना काऊ ते नांय करी जा सकत।

फिलिप्पियों 3:3

सई पूछौ तौ सच्‍चे खतना बारे हमई हैं, चौंकि हम पबित्र आतमा के जरिये परमेस्‍वर की उपासना करतैं हम सरीर में खतना जैसी बातन पै भरोसौ नांय करत, पर ईसू मसीह पै गर्व करते।

कुलुस्सियों 2:18

कोई मनुस्‍य तुमारे जौरें दीनता कौ दिखाबौ करकें, और दूतन की पूजा कराकैं, बा प्रतिफल ते वंचित ना कर दैबै जो तुमें मिलवे बारौ है। ऐसौ आदमी हमेसा बिन दिव्‍य दरसनन के बारे में झूंठ बोलतौ रैहबै पर जे सबरी फालतू की बात हैं अपने स्‍बार्थ के काजै अपने आप कूं में फूले रैहमें।

1 थिस्सलुनिकियों 2:12

और हम तुम में ते हर एक कूं हिम्मत और सान्‍ती देते और समझामें हते कै तुमारौ चाल-चलन परमेस्‍वर के लायक है जाय जो तुमें अपने राज्‍य और महिमा के काजै बुलाबै।

2 तिमुथियुस 1:9

जानें हमारौ उद्धार करौ है, और परमेस्‍वर के पबित्र लोग हैबे काजै बुलायौ है, और जि हमारे कामन के अनुसार नांय पर वाकी मनसा और वाके अनुग्रह के अनुसार है जो ईसू मसीह में सुरुआती समै ते हम पै भयौ है।

इब्रानियों 3:1

हे पबित्र भईया बहनों, तुम जो एक सुरगीय बुलावे के सहभागी हैं, जामारैं परमेस्‍वर के भेजे भये और महा पुरोहित ईसू पै अपनों ध्‍यान लगाये रखौ, जापै हम भरोसौ करैं।

इब्रानियों 6:1

जामारैं आओ, मसीह की सिछा की सुरूआत की बातन नें छोड़कै, हम पूर्नता की ओर बढ़ें। हमें बिन बातन की ओर नांय बढ़नों चहिऐं जिनते हमनें सुरूआत करी हती, जैसे मौत की ओर लै जाबे बारे कामन के काजै मन फिराब, परमेस्‍वर में भरोसौ,

1 पतरस 1:13

जामारैं तुम मनन नें तईयार करौ और चौकन्‍ने रहौ और वाकी किरपा की पूरी आसा रखौ जो तुमें ईसू मसीह के आयबे पै मिलबे बारी है।

1 पतरस 5:10

अब परमेस्‍वर सबरी किरपा करबे बारौ है, जानें तुमकूं ईसू मसीह में कबऊ नांय खतम हैबे बारी महिमा में सामिल हैबे काजै बुलायोऐ, अब थोड़े समै के दुख उठाबे के बाद बू तुमें मजबूत करैगौ और टिके रैहबे में बलबन्‍त करैगौ।

2 पतरस 1:3

चौंकि हमारे जीबन के काजै और परमेस्‍वर की सेबा के काजै बानें हमें अपनी सामर्थ ते बू सब कछू दयौए जाकी हमे जरूरतै। चौंकि हम जानें कै बानें हमे अपनी धारमिकता और महिमा की बजैह ते बुलायोए।

प्रकासित बाक्य 3:21

“जो जय पाबैगो बाय मैं राजगद्‍दी पै बैठाऊंगो जैसे मैं बिजयी हैकें पिता के संग राजगद्‍दी पै बैठोऊं।