फिलिप्पियों 3:11 - बृज भासा

¹¹ जाते मैं काऊ रीती ते मरे भयेन में ते जी उठवे के पद तक पौंहचूं।

फिलिप्पियों 3:11 Cross References

लूका 14:14

चौंकि बिनके जौरें तोय बापस लौटायबे कूं कछू न होगौ पर बे तेरे काजै आसीरबाद बन जाबिंगे, जाकौ प्रतिफल तोय ठहराये भये धरमी लोगन के जी उठबे कै समै मिलैगौ।

यूहन्‍ना 11:24

मारता ने बाते कही, “हाँ मैं जानती हूं, जी उठबे के आखरी दिन बू जी उठैगौ।”

प्रेरितन के काम 23:6

जब पौलुस कूं जि मालूम परि गयी कै, ज्हांपै फरीसी और सदूकी दो गुट हैं तौ बानें महा सभा में पुकार के कही कै, “हे भईयाओ, मैं फरीसी और फरीसियन के बन्स कोऊं। मेरे ऊपर जामारै मुकद्‍दमा चल रयौ है कै मैं जि भरोसौ करतूं कै व्‍यक्‍ति मरबे के बाद जीबित होतै।”

प्रेरितन के काम 26:7

और बा बादा के पूरे हैबे की आसा में हमारे बारैऊ कुलन के लोग रात और दिन पूरे मन ते परमेस्‍वर की सेबा करते भये आये हैं। हे राजा! जाई आसा कै बारे में जे यहुदी मोपै दोस लगाबते।

प्रेरितन के काम 27:12

बू बन्दरगाह जाड़े बितायबे काजै अच्‍छी जगै नांय हती, जामारै जादातर लोग मांते जाबे के पछ में हते। उन्‍नें काउ न काऊ तरैह ते पैनिक्स तक पौंहचबे और मांपै जाड़ो बितायबे की आसा हती। पैनिक्स क्रेते कौ ऐसौ बन्दरगाह हतो जो दछिन पस्चिम और उत्‍तर पस्चिम के माऊं खुलो भयौ हतो।

रोमियों 11:14

मैं अपने लोगन मेंऊ होड़ पैदा कर सकूं और बिनमें ते कछुन कौ उद्धार कराऊं।

1 कुरिन्थियों 15:23

जाई तरैह ते हम सबकी बारी आबेगी, सबते पैहले मसीह कूं मरे भयेन में ते जीबित करौ हतौ, बैसेई मसीह के फिर ते आयबे पै बू लोग जीन्दे करे जांगे जो मसीह के लोग हैं।

1 कुरिन्थियों 9:22

मैं भरोसे में कमजोरन काजै कमजोर जैसौ बनों कै, उनकूं मसीह में ला सकूं। मैं सब लोगन काजै बिनकेई जैसौ बन गयौ, जाते मैं काऊ ना काऊ तरैह ते बिनकौ उद्धार करा सकूं

1 कुरिन्थियों 9:27

पर मैं तौ ऐसे कर्रे अनुसासन में रैहके सरीर कूं कस्‍ट दैकें बाय अपने बस में करतूं, कऊं ऐसौ ना होबे कै मैं सुभ समाचार पिरचार करबे के बादऊ, खुद बिनके सामने अयोग्‍य ठहर जाऊं।

2 कुरिन्थियों 11:3

पर मैं डरपतूं कै कऊं ऐसौ ना होबे कै जैसे सांप ने हब्बा कूं चतुराई ते भरमा दयौ हतौ, बैसेई तुमारे मन मसीह के प्रति पबित्र और तुमारी भक्‍ती ते भटक ना जाबें।

1 थिस्सलुनिकियों 3:5

जा वजेह ते मोपै और नांय रहयो गयौ तौ तुम्हारे भरोसे को हाल जानबे काजै तिमुथियुस कूं भेजौए। कंहूं ऐसौ न भयौ होय के सैतान ने तुमारी परीक्छा करी होय और तुम डगमगा गये होंय और हमारी करी भयी मेहनत बेकार है गई होय।

2 थिस्सलुनिकियों 2:3

तुम अपने आप काऊ की बातन में मत आ जईंयों। मैं जि जा बजैह ते कैह रयौ हूं, कै बू दिना जब तक नांय आबैगौ जब तक सब लोगन कौ परमेस्‍वर ते मौंह मोड़बे कौ समै ना आ जाय, व्‍यबस्था कूं ना मानबे बारे पिरगट ना है जांय। बा पाप के आदमी कौ अन्‍त बिनांस है।

2 तिमुथियुस 4:8

आगे आयवे बारे समै में मेरे काजै बू धर्म कौ मुकुट रखौए, जाय पिरभू जो धर्मीए और न्याईए मोय न्याय के दिना पैहराबैगौ। और बू बाय मोईऐ नांय पर उन सबनकूं पैहराबैगौ जो पिरेम के संग वाके पिरगट हैबे कौ इन्‍तजार कर रये हैं।

इब्रानियों 11:35

स्त्रियन नें अपने मरे भयेन कूं फिर ते जीबित पायौ। बहुतन कूं सतायौ गयौ, पर बिन्‍नें छुटकारौ पाबे ते मना कर दियौ, ताकि बिनें एक और अच्‍छे जीबन में पुनरुत्‍थान मिल सके।

प्रकासित बाक्य 20:5

और जब तक जे हजार साल पूरे नांय भये तब तक बे दुबारा जीबित नांय भये। जि पैहले मरे भयेन मेंते जी उठबोए।