फिलिप्पियों 3:10 - बृज भासा

¹⁰ मैं मसीहे जानबो चाहतूं और बा सक्‍तीऊए जानबो चाहतूं जाते बू मरबे के बाद जी उठो, मैं वाकी सी पीड़ा उठाकैं वाके मरवे में सामिल हैवौ चाहूं। और मैं बा रूप कूं पाबो चाहूं जो बानें अपनी मौत के जरिये पायौ।

फिलिप्पियों 3:10 Cross References

मत्‍ती 20:23

ईसू नें बिनते कही, “तुम पक्‍कौ मेरे कटोरे में ते पीऔगे पर मेरे दाइने और बाये बैठारबे कौ अधिकार मेरे जौरै नांय। पर मेरे दाऐं और बाय बेई बैठेंगे जिनें मेरौ पिता बैठारैगौ।”

यूहन्‍ना 10:18

मेरौ पिरान मोते कोई छीन नांय सकत पर मैं अपनों पिरान खुदई दै रयौऊं। मोय अपनों पिरान दैबे कौऊ अधिकारै और बाय फिर ते लैबे कौऊ अधिकारै। जि आग्‍या मोय अपने परमेस्‍वर पिता ते मिली है।”

यूहन्‍ना 17:3

बाय कबऊ नांय खतम हैबे बारौ जीबन तौ जिऐ कै बे तोय एकमात्र सच्‍चे परमेस्‍वर कूं और ईसू मसीह कूं जानलें जाकूं तेने भेजौए बाय,

रोमियों 8:17

अगर हम वाकी सन्‍तान हैं, तौ हम वाकी बिरासत के भागी हैं, हम मसीह के संग परमेस्‍वर की बिरासत के भागी हैं। हम हकीकत में वाके संग दुःख उठातैं, तौ हमें वाके संग महिमा मिलेगी।

रोमियों 8:29

चौंकि जिनें बानें पहले ही चुनों है बिनें पैहलेई अपने बेटा के रूप में ठहरायौ ताकि भौत ते भईयाओ में बू सबते बड़ौ भईया बन सकै।

रोमियों 8:36

जैसा कै पबित्र सास्त्र में लिखौ भयौ है, “तेरे काजै हर समै हम मौत कौ सामनों करतै। हम काटी जाबे बारी भेड़न जैसे समझे जातैं।”

2 कुरिन्थियों 1:10

परमेस्‍वर नेंई हमे भयानक मौत ते बचायौ और बचाबत रैहतै। हमारी आसा बाई पै है कै आबे बारे समै में बुई हमकूं बचाबत रैहबेगौ।

2 कुरिन्थियों 1:5

चौंकि जा तरैह ते हम मसीह के भौत दुखन में सहभागी भये हैं, बैसेऊं मसीह के द्वारा परमेस्‍वर की तसल्‍ली मेंऊ सहभागी भये हैं।

2 कुरिन्थियों 13:4

जि सच है कै, जब बू क्रूस पै चढ़ायौ गयौ हतो, तब कमजोर दिख रयौ हतो, पर परमेस्‍वर की सामर्थ ते जीबित है। जामारै हमऊ बामें कमजोर हैं पर हम परमेस्‍वर की सामर्थ ते ईसू के संग जीन्दे हैं, ताकि तुमारी सेबा करते रैहबें।

गलातियों 2:20

मैं मसीह के संग संग क्रूस पै चढ़ायौ गयौ हूं। पर अब जीबे बारौ मैं नांऊ बल्कि मसीह मोमें जीबित है, और अब जो जा सरीर में जीबित हूं, केबल बा भरोसे ते जीबितऊं जो परमेस्‍वर के पुत्र पै है, जाने मोते पिरेम करौ है, और अपनों जीबन मेरे काजै दे दियौ है।

गलातियों 6:17

आगे कूं कोई मोय दुख नांय देय मैं ईसू मसीह के घाबन्‍नें अपने सरीर में संग लिये फिर रयौऊं।

इफिसियों 4:13

जब तक हम सब परमेस्‍वर के भरोसे में और वाके पुत्र के ग्‍यान में एक ना है जाबैं और मसीह की परिपूर्नता के अनुसार एक सिद्ध आदमी न बन जाबैं।

फिलिप्पियों 3:8

जाई मारे मैं पिरभू ईसू मसीहे जानबो सबसे अच्‍छौ फायदा समझूं और ग्‍यान के बारे में कहौ तौ सब बातन्नें काऊ काम की नांय समझूं, जाते मैं ईसू मसीहे पाय लऊं।

कुलुस्सियों 1:24

अब मैं तुमारे काजै जो कस्ट उठाऊं बामें मोय बड़ौ आनन्द प्राप्‍त हैबै, और मसीह के सरीर रूपी कलिसिया के काजै मसीह नें जो कस्ट भोगो है बामें मैं लगातार वाके संग सहभागी बन रौऊँ।

कुलुस्सियों 2:13

बानें जो तुम सबरे बुरे कामन में खतना रहित सरीर की वजह ते मरे भये हते तब परमेस्‍वर नें अपने बेटा के संग हमें जीबित करौ और बू हमारे सबरे बुरे कामन नेंऊ मांफ करैगौ

कुलुस्सियों 3:1

अगर तुम मसीह के संग जिन्दे भयेऐं, तौ सुरग की चीजनें ढुढबे में लगे रहौ, जहां पै मसीह बिराजमान है और परमेस्‍वर के सीदे हात माऊं बैठौ है।

1 पतरस 1:3

हमारे पिरभू ईसू मसीह के पिता परमेस्‍वर कौ धन्यबाद होय। बानें हमारे पिरभू ईसू मसीह कूं मरे भयेन में ते जी उठबे के द्वारा अपनी बड़ी दया ते हमें जीबित आसा में नयौ जन्म दियौ है।

2 पतरस 1:13

जब तक मैं जा सरीर में हतूं तब तक तुमें याद कराकें चेतातौ रहुंगो, जाय मैं अपने काजै ठीक समझूं।

1 यूहन्‍ना 2:3

अगर हम परमेस्‍वर की आग्‍या को पालन करें तौ, हमें जि निस्चित है जाते, कै हम बाकूँ जानतें।

1 यूहन्‍ना 2:5

पर कोई परमेस्‍वर के वचन पै चलते तौ बामें सचमुच परमेस्‍वर को पिरेम सिध्द भयौ है, जाते हम जान जामें कै हम बामें बने भये हैं।

प्रकासित बाक्य 1:18

मैं बुईऊं जाके जौरें जीबन है। मैं पैहले मर गयौ हतो, अब युगानुयुग जीबतौ हूं। देखौ, मौत और पाताल की तारी मेरे जौरें है।