फिलिप्पियों 2:9 - बृज भासा

⁹ जाई मारै परमेस्‍वर नें बाय महान करौ और सबते ऊंची जगैह पै बैठायौ। और बाय एक ऐसो नाम दियौ जो सब नामन ते ऊंचौ है।

फिलिप्पियों 2:9 Cross References

मत्‍ती 11:27

“मेरे पिता परमेस्‍वर ने मोय सब कछू सौंप दयोए। पिता परमेस्‍वर कूं छोड़कै कोई पुत्र कूं नांय जान्‍त, और जाई तरैह ते बेटा के अलाबा कोई पिताए नांय जान्‍त, बेई लोग पिता कूं जान्‍तै जाकूं बेटे ने बतायौए।

मत्‍ती 28:18

तब ईसू ने बिनके जौरै आयकें कही, “मोय सुरग और धरती कौ सबरौ अधिकार मिलौ है।

लूका 10:22

“मेरे पिता नें मोय हरेक बात की जिम्बेदारी सौंपीए। पिता कूं छोड़कै कोई नांय जान्‍त कै बेटा कोऐ और बेटे कूं छोड़कै कोई जि नांय जान्‍त कै पिता परमेस्‍वर कोऐ। केवल बेई जानतैं, जापे बेटा पिरगट करबे की किरपा करतुए।”

यूहन्‍ना 13:3

ईसू जि जानतौ कै, “परमेस्‍वर पिता ने मेरे हातन में सब कछू दै दयौ है और मैं परमेस्‍वर के जौरें आयौऊं और परमेस्‍वर के जौरेंई जा रयौ हूं।”

यूहन्‍ना 17:11

मैं अब और जादा समै जगत में नांय रहूंगौ। पर बे जगत में रहिंगे अब मैं तेरे जौरें आय रयौऊं हूं। हे पबित्र पिता अपने बा नाम सामर्थ ते उनकी रछा कर जो नाम तेने मोय दयौ है ताकि जैसे तू और मैं एकऐ, बेऊ एक है सकें।

यूहन्‍ना 17:12

जब मैं बिनके संग हतो, तब मैंनें तेरे बा नाम की सामर्थ ते उनकी रछा करी, जो नाम तेने मोय दयौ हतो। और बिनमें ते कोई नांस नांय भयौ, सिबाय बा आदमी के जानें नांस की ओर ले जाबे बारे रस्ता कूं चुन लियो, ताकि सास्त्र कौ बू वचन पूरौ होय।

यूहन्‍ना 17:5

हे पिता जगत की सुरूआत ते पैहले जो महिमा तेरे य्हां मोय मिली हती बा महिमा ते मोय महिमाबान कर।

प्रेरितन के काम 5:31

और बाई परमेस्‍वर ने बू राजा और हमारौ उद्धारकरता ठहरायके अपने सीदे हात माऊं बैठारौ है। जाते सबरे इसरायल के लोग अपने पापन ते मन फिरामें और छमा पाय सकें।

इफिसियों 1:10

परमेस्‍वर नें जि सब कछू जामारै करो कै समै के पूरे है जायबे पै सबरी चीजन कूं यानि कै जो सुरग में हैं और धरती में हैं बिन सबरी चीजन कूं एक करके मसीह के अधीन में कर दै।

कुलुस्सियों 1:18

बुई सरीर रूपी कलिसिया कौ सर है और बुई जीबन की सुरुआत है और मरे भयेन में ते जीबित हैबे बारेन में पैहलौठौ है, जाते बू सब बातन में परम पिरधान मानों जावे।

2 थिस्सलुनिकियों 1:12

जाते हमारे परमेस्‍वर और पिरभू ईसू मसीह के अनुग्रह के अनुसार हमारे पिरभू ईसू कौ नाम तुम में महिमा पावें और तुम बामें महिमा पाओ।

इब्रानियों 1:4

जा तरैह ते वाकी जगैह सुरग दूतन ते ऊंची है, चौंकि जो नाम बाय उत्‍तराधिकार में मिलौ है, बू बिनके नाम तेऊ जादा उत्‍तम है।

इब्रानियों 1:9

तैने धरम ते पिरेम करकें अधर्म ते बैर करौ है, जामारैं हे परमेस्‍वर, तेरे परमेस्‍वर नें, तुमकूं साथिन के ऊपर उठायकै आनन्द के तेल ते तुमारौ अभिसेक करौ है।”

इब्रानियों 12:2

आओ हम, हमारे भरोसे के मालिक और सिद्ध करबे बारे ईसू पै नजर लगायें, जानें बा आनन्द के काजै जो वाके सामने मौजूद हतो, लज्‍जा की कछू चिंता नां करके क्रूस कौ दुख सहयौ, और परमेस्‍वर के सिंहासन के दाहिने हात बैठ गयौ।

इब्रानियों 2:9

पर हम जि देखैं कै मौत की यातना सैहबे की बजैह ते ईसू कूं महिमा और आदर कौ मुकुट पहरायौ गयौ है। बू सुरग दूतन ते कछूई छोटौ बनांयौ गयौ हतो, जाते बू परमेस्‍वर की किरपा ते हर एक मनुस्‍य के काजै मर जाबै।

1 पतरस 3:22

बू सुरग में परमेस्‍वर के सीदे हात मांउ बैठौ है और अब सुरग दूत और सुरग की सब सामर्थी और अधिकारी वाके अधीन में कर दिये गये हैं।

2 पतरस 1:17

जब बानें परमेस्‍वर पिता ते आदर और महिमा पाई, तब एक महिमा ते भरी भयी अबाज सुनाई दयी कै, “जि मेरौ प्यारौ बेटा है और जाते मैं भौत खुस हूं।”

3 यूहन्‍ना 1:7

चौंकि बे मसीह की सेबा काजै निकरे है और बे परमेस्‍वर कूं नांय मानबे बारे लोगन ते कछू मदत नांय लैमें।

प्रकासित बाक्य 11:15

और जब सातमे दूत नें तुरही बजाई, तौ सुरग में जा बिसय की बड़ी बड़ी अबाज हैबे लगी, “जगत कौ राज हमारे पिरभू कौऐ, और वाके मसीह कौ है गयौ। अब बू युगानुयुग राज करैगौ।”

प्रकासित बाक्य 19:16

और वाके कपड़ा और जांघ पै जि नाम लिखौ भयौ है, “राजान कौ राजा और पिरभून कौ पिरभू।”

प्रकासित बाक्य 3:21

“जो जय पाबैगो बाय मैं राजगद्‍दी पै बैठाऊंगो जैसे मैं बिजयी हैकें पिता के संग राजगद्‍दी पै बैठोऊं।

प्रकासित बाक्य 5:12

बे जोर-जोर ते कैह रये हते, कै मारौ भयौ मैमना धन बुद्धि आदर महिमा सामर्थ, सक्‍ती और धन्यबाद के लायक है।