फिलिप्पियों 2:8 - बृज भासा

⁸ और आखरी तक इतनों आग्‍याकारी रहौ, और अपने आप कूं इतनों दीन बना लियौ, कै क्रूस की मोंतऊ सह लयी।

फिलिप्पियों 2:8 Cross References

मत्‍ती 17:2

और बिनकेई सामने ईसू कौ रूप बदल गयौ और वाकौ मौंह सूरज के नाईं चमकबे लगौ और वाके कपड़ा उजाले की तरैह ते चमकबे लगे।

मत्‍ती 26:39

बू थोड़ी आगे जायकै मौंह के बल गिरके पिराथना करबे लगौ, “मेरे पिता, अगर है सकै तौ जि दुख कौ पियालौ मेरे सामने ते हट जाबे। फिरऊ मेरी नांय पर तेरी इच्‍छा पूरी होय।”

मत्‍ती 26:42

ईसू फिर दूसरी बार पिराथना करबे गयौ और जि कैहके पिराथना करी, “हे मेरे पिता अगर जि दुख पियालौ मेरे बिना पिये नांय हट सकत तबऊ तेरी इच्‍छा पूरी होय।”

लूका 9:29

जब ईसू पिराथना कर रयौ हतो तब वाके चेहरा कौ रूप अचानक बदल गयौ और वाके कपड़ा एक दम ऊजरे हो गये और चमकबे लगे।

यूहन्‍ना 10:18

मेरौ पिरान मोते कोई छीन नांय सकत पर मैं अपनों पिरान खुदई दै रयौऊं। मोय अपनों पिरान दैबे कौऊ अधिकारै और बाय फिर ते लैबे कौऊ अधिकारै। जि आग्‍या मोय अपने परमेस्‍वर पिता ते मिली है।”

यूहन्‍ना 14:31

जि बात तौ जामारै है रयी है कै जा जगत के लोगन कूं पतौ चल जाय कै, मैं पिता ते पिरेम करतूं और परमेस्‍वर पिता नें मोय जैसी आग्‍या दयी है, मैं बैसौई काम करतूं। “अब उठो, य्हांते चलें।”

यूहन्‍ना 15:10

अगर तुम मेरी आग्‍या मानौगे, तौ तुम मेरे पिरेम में बने रहौगे, बैसेई जैसे मैं अपने पिता की आग्‍या कूं मान्‍त भये वाके पिरेम में बनों भयौऊं।

यूहन्‍ना 4:34

ईसू नें उन लोगन ते कही, “मेरौ भोजन तौ अपने भेजबे बारे की इच्‍छा कूं पूरौ करनों है और बू काम पूरौ करनों है जो बानें मोए सौंपो है।

प्रेरितन के काम 8:33

बाय अपमान सैहनो परौ वाके संग न्याय नांय करौ गयौ। वाके बन्स की चरचा को कर सकतुए? चौंकि वाकौ जीबन तौ धरती पै तेई उठाय लयौ गयौ।”

रोमियों 5:19

जा तरैह ते बा एक आदम के आग्‍या न मानबे की बजैह सब लोग पापी बना दये गये बैसे ही बा एक मनुस्‍य की आग्‍याकारिता की बजैह ते भौत लोग धरमी बना दये जायेंगे।

2 कुरिन्थियों 8:9

चौंकि तुम लोग हमारे पिरभू ईसू मसीह की किरपा जानतौ। तुम जिय जानतौ कै बू धनी हतो फिरऊ तुम लोगन काजै कंगाल बन गयौ, जाते तुम वाकी कंगाली ते धनी है जाऔ।

गलातियों 3:13

मसीह हमारे काजै दोसी बनो। जाते बानें हमे मोल लैकै नियम के साप ते छुड़ायो चौंकि लिखौ है, “के जो कोई काठ पै लटकाऔ जाबे बू सापित है।”

तीतुस 2:14

बानें हमारे काजै अपने आप कूं दै दियौ, जाते बू हमें हर तरैह के पापन ते छुड़ा लैबै और हमें एक ऐसी सुद्ध पिरजा बनाबै, जो वाकी खुद की होय और बे भले-भले काम करबे काजै लालायित होय।

इब्रानियों 12:2

आओ हम, हमारे भरोसे के मालिक और सिद्ध करबे बारे ईसू पै नजर लगायें, जानें बा आनन्द के काजै जो वाके सामने मौजूद हतो, लज्‍जा की कछू चिंता नां करके क्रूस कौ दुख सहयौ, और परमेस्‍वर के सिंहासन के दाहिने हात बैठ गयौ।

इब्रानियों 12:4

तुमने पाप के बिरोध अपने संघर्स में तुम्हें इतनों नांय अड़नौ पड़ौ कै, अपनों लहू ही बहानौ पड़ा होय।

1 पतरस 2:24

बानें हमारे सबरे पापन कूं अपने ऊपर लै लियौ और क्रूस पै चढ़ गयौ, जाते हम पापन के काजै मरकें धारमिकता के काजै जीबन बितामें वाकी मार खायबे तेई हम भले-चंगे भये है।

1 पतरस 3:18

चौंकि मसीह ने हमारे पापन के काजै दुख उठायौ, बू तौ धरमी हतो फिरऊ हमारे काजै मर गयौ कै, हमे परमेस्‍वर के जौरें लै जाबै, बू सरीर में तौ मर गयौ पर आतमा में जिलायौ गयौ।