फिलिप्पियों 2:3 - बृज भासा

³ खुद कौ मतलब निकारबे काजै बुरी इच्‍छा ते कछू मत करौ, बल्कि अपने आप कूं छोटो करके एक दूसरे कूं अपने ते अच्‍छौ समझौ

फिलिप्पियों 2:3 Cross References

लूका 18:14

फिर ईसू नें कही, मैं तुमते कैहतूं परमेस्‍वर की नजर में बू फरीसी नांय पर चुंगी लैबे बारौ धरमी हैके अपने घर कूं गयौ। चौंकि जो कोई अपने आप कूं बड़ौ बनाबेगौ बू छोटौ करौ जाबेगौ और जो अपने आप कूं छोटौ बनाबेगौ बू बड़ौ करौ जाबेगौ।

रोमियों 12:10

भईया चारे के संग एक दूसरे के प्रति समर्पित रहो। आपस में एक दूसरे कूं आदर के संग अपने ते जादा सम्मान दो।

रोमियों 13:13

जामारै हम बैसेई उत्‍तम रीति ते रहें जैसे दिन के समै रहते हैं। खा पीकै धुत्‍त ना है जाओ। लुच्‍चपन, कुकर्म, व्‍यभिचार में ना पड़ें, ना झगड़े और नांई ईरसा रखें।

रोमियों 2:8

पर जो लोग स्‍बार्थी हैं और सच्‍चाई कूं ना मानकै अधर्म के पीछै चलतै, बे परमेस्‍वर के क्रोध और प्रकोप के पात्र होंगे।

1 कुरिन्थियों 15:9

चौंकि मैं तौ भेजे भये सब चेलान ते छोटौऊं। मैं भेजौ भयौ चेला कैहबे लायकऊ नांऊ, चौंकि मैने परमेस्‍वर की कलिसिया कूं सतायौ हतो।

1 कुरिन्थियों 3:3

चौकी तुम अबई तक सांसारिक औ। का तुम सांसारिक नाऔ, जब कै तुम में आपसी जलन कलेस भरींएं, और तुम सांसारिक लोगन जैसौ बौहार करतौ?

2 कुरिन्थियों 12:20

चौंकि मोय डर है कै, कऊं ऐसौ ना होबे कै, मैं तुमारे जौरे आयकै जैसौ तुमें चाहतूं, वेसौ ना पांऊ, और तुमंऊ मोय वेसौ ना पाओ जैसौ मोय पानों चाहतौ। कऊं ऐसौ ना होबे कै मैं तुम लोगन के बीच में आपसी झगड़े, ईरसा, बैर, स्‍बार्थीपन, गुस्सा, चुगली, घमन्‍ड,और बखेड़े पाऊं।

गलातियों 5:15

पर अगर तुम एक दूसरे कूं काटतौ और फाड़ खाबतौ तौ साबधान रहो कऊं ऐसौ नांय होये कै तुम एक दूसरे को सर्वनास कर देओ।

गलातियों 5:26

हम अहंकारी न बनें न एक दूसरे कूं चिड़ायै, और ना ही आपस में इस्‍र्या रखें।

इफिसियों 4:2

मतलब सबरी दीनता और कोमलता के संग धीरज धरकै पिरेम ते एक दूसरे की सह लेऔ,

इफिसियों 5:21

और ईसू मसीह के भय ते एक दूसरे के अधीन रहौ।

फिलिप्पियों 2:14

तुम सबरे काम बिना लड़ाई झगड़े और बिना कुडकुडाये करे करौ।

कुलुस्सियों 3:12

तुम परमेस्‍वर के प्यारे चुने भये पबित्र लोग हैं। जामारैं पिरेम ते भरे भये, बड़ी दया, भलाई, और नम्रता, सहनसीलताऐ अपनां लेऔ।

कुलुस्सियों 3:8

अब तौ तुमें जि सब चीज छोड़ दैनी चहिऐं जैसे कि गुस्सा, चिड़चिड़ोपन, दोस लगाबौ, निन्दा करबौ, गाली बकबो।

1 तिमुथियुस 6:4

तौ ऐसौ आदमी अभिमानी और घमन्डी है, पर बू कछू नांय जानै। वाकी बुद्धी भ्रस्‍ट है गई है और बाय हर बात पै बहस करबे की बीमारी है। वाके मौंह ते जलन अपमान, दोस की बात और बुरे बुरे बहम निकरैं।

1 पतरस 3:8

इन बातन कौ मतलब है कै तुम सबके सब एक मत हैकें किरपा और भाई चारे की पिरीत, करुना करबे बारे और नरम बनों।

1 पतरस 5:5

हे जबानों जाई तरैह ते, तुमऊं कलिसिया के अगुवन की अधीनता कूं मानौ और नरमाई ते एक दूसरे की सेबा करते रैहौ चौंकि “परमेस्‍वर घमन्‍डीन कौ बिरोध करै और नरमाई बारेन पै दया करै।”