फिलिप्पियों 2:26 - बृज भासा

²⁶ चौंकि बाको मन तुमते लगो भयौए और बू तुमते मिलबौऊ चाहते चौंकि तुमनें वाकी बीमारी में वाकौ हाल सुनो हतो।

फिलिप्पियों 2:26 Cross References

मत्‍ती 11:28

“हे सब थके मादे लोगो और बौझ ते दबे भए लोगो, तुम सब मेरे जौरै आऔ मैं तुमें आराम दुंगो।

मत्‍ती 26:37

बू जबदी के दोनों बेटा और पतरस कूं अपने संग लै गयौ। तब ईसू उदास और ब्याकुल हैबे लगौ।

प्रेरितन के काम 21:13

जापै पौलुस ने उनते कही, “तुम जि का कर रयेऔ, रोय रोयकै मेरौ दिल चौं तोर रयेऔ? मैं तौ पिरभू ईसू के नाम के काजै येरूसलेम में बांधे जायबे काजैई नांय, पर मैं तौ मरबे तक तईयारऊं।”

रोमियों 1:11

चौंकि मोय आप ते मिलबे की बड़ी इच्छा है, मैं आप कूं बिस्‍बास में सुदृढ़ बनाबे के काजै तुमकूं अऊं एक आतमिक वरदान दैबो चाहतूं,

रोमियों 12:15

जो खुस हैं बिनके संग खुस रहो। जो दुखी है, बिनके दुख में दुखी होओ।

रोमियों 9:2

कै मोय गहरा दुख है और मेरे मन में लगातार पीड़ा रैहतै।

1 कुरिन्थियों 12:26

अगर देह के काऊ अंग में दरद होय, तौ देह के सबरे अंग दुखी होतये। अगर काऊ एक अंग कौ सम्मान मिलतै, तौ सबरे अंग खुसी होतै।

2 कुरिन्थियों 9:14

बे लोग तुमें अपनी पिराथना में याद करतै जामारै कै तुम पै परमेस्‍वर की बड़ी किरपा भई है मिलबे की इच्‍छा कर रयैहै।

गलातियों 6:2

जा तरैह ते एक दूसरे की दुख के समै में सहायता करौ, जाके द्वारा तुम मसीह की व्‍यबस्थाऐ पूरी करौगे।

इफिसियों 3:13

जाईमारै मैं तुम लोगन ते जि बिनती करतूं, कै मैं तुम लोगन के काजै जो परेसानी सैह रयौ हूं, वाके मारै तुम हिम्मत मत हारौ चौंकि जाईमें तुम लोगन की महिमा है।

फिलिप्पियों 1:3

जब जब मैं तुमें याद करतूं, तब तुमारे काजै परमेस्‍वर कौ धन्यबाद देतूं।

फिलिप्पियों 1:8

परमेस्‍वर जा बात कौ गबाह है कै जैसे ईसू मसीह तुमते पिरेम करते बैसेंई मैऊं तुमते भौत पिरेम करतूं।

फिलिप्पियों 2:25

पर मैं इपफ्रुदीतुस जो मेरौ भईया, सहकर्मी और संगी योद्धा है, बाए तुमनें मेरी जरूरतन्‍नें पूरी करबे काजै भेजौ, बाय बापस तुमारे जौरें भेजबो भौतई जरूरी है।

फिलिप्पियों 2:27

बास्तव में बू भौत बीमार हतो ज्हां तक कै बू मरतौ-मरतौ बचौ है, पर परमेस्‍वर नें बापे तरस खायौ और बई पै नांय मोपैऊ तरस खायौ कै, मोय दुख पै दुख सहनों ना पड़ौ।

फिलिप्पियों 4:1

हे मेरे प्यारे भईयाओ। पिरभू में जई तरैह ते डटे रहौ, और हे मेरे भईयाओ मोय तुम लोगन ते मिलवे की बड़ी इच्छा है, चौंकि तुमई मेरौ आनन्द और मुकुट हैं।

1 पतरस 1:6

जि तुम लोगन के काजै भौत खुसी की बात है हालांकि अब थोरे समै के काजै तुम लोगन कूं भौत तरैह के कस्‍ट सहने पर रये हैं।