फिलिप्पियों 2:2 - बृज भासा

² तौ तुम मेरौ जि आनन्द पूरौ करौ, कै एक मन ते और एकई पिरेम ते रहौ और तुमारे बिचार एकई होंय

फिलिप्पियों 2:2 Cross References

यूहन्‍ना 3:29

जाके जौरें दुलहन है बेई दूला है। पर दूला कौ साथी जो खड़े हैके दूला की बातन कूं सुनकें आनन्दित है जातै। बैसेई मेरौ आनन्द है,और अब बू पूरौ भयौ है।

प्रेरितन के काम 1:14

इनके संग कछू औरतें, ईसू की मा मरियम और ईसू के भईयऊ हते। जे सब एक मन ते अपने आपकूं एक संग पिराथना में लगाये रैहत हते।

प्रेरितन के काम 2:1

जब पेन्‍तेकुस तौहार कौ दिन आयौ तब सब बिसबासी लोग एकई जगैह पै इकठ्‌ठे हते।

प्रेरितन के काम 2:46

बे सब मिलके रोजाना बडे़ पिराथना घर में जाते हते। बे आपस में अपने घरन में मिल जुलकै आनन्द के संग रोटी खाबते।

प्रेरितन के काम 5:12

भेजे भये चेलान के द्वारा लोगन के बीच में भौत ते चिन्‍न दिखाऐ और अचरज के काम करे जाय रये हते। बे सब भरोसौ करबे बारे लोग मिलकर सुलेमान के बरामदे में इकठ्‌ठे होते हते।

रोमियों 12:16

आपस में मेलमिलाप ते रहो। घमन्‍ड मत करो पर दीनों की संगति करो। खुद कूं बुद्धिमान मत समझो।

1 कुरिन्थियों 1:10

हे मेरे भईया बहनों, मैं तुमते ईसू मसीह जो हमारौ पिरभू है वाके नाम में तुम सबनते जि बिनती है कै, तुम एकई बात बोलो। तुमारे बीच में मत-भेद ना होबे पर तुमारे बिचार और इच्‍छा एकई होय।

2 कुरिन्थियों 13:11

अब हे भईया-बहनो, आखिर में मेरौ तुमते जेई कैहनों है कै खुस रहौ। सिद्ध बनते जाऔ, एक मन रहौ, हिम्मत रखौ, मेल ते रहौ। पिरेम और सान्‍ती कौ परमेस्‍वर तुमारे संग रैहबै।

2 कुरिन्थियों 2:3

जेई बात मैने तुमारे काजै बा चिठ्‌ठी में लिखीं हती कै, जब मैं तुमारे जौरे आऊं तौ जिनते मोय आनन्द मिलनौ चहिऐं, बेई मोय दुखी करै। चौंकि मेरौ तुम सब लोगन में जि भरोसौ रहोऐ के मेरी खुसी में तुम खुस रहो।

2 कुरिन्थियों 7:7

और न केवल वाके आयबे ते पर वाकी बा तसल्‍ली तेऊ, जो बाय तुमारी ओर ते मिली हती और बानें तुमारी लालसा, तुमारे दुख और मेरे काजै तुमारी धुन कौ समाचार हमें सुनांयौ, जाते हमें औरऊ खुसी भई।

फिलिप्पियों 1:4

और जब कबऊ मैं तुमारे काजै पिराथना करतूं, तौ बडे़ आनन्द के संग करतूं।

फिलिप्पियों 2:16

जब तुम जीबन दैवे बारे सुभ समाचारए सुनातौ और ऐसौ करतैं तौ पिरभू ईसू मसीह के आयबे के दिना मोय तुम पै घमन्ड होगौ कै, मेरी दौड़ और मेहनत बेकार नांय गयी।

फिलिप्पियों 2:20

चौंकि मेरे जौरें ऐसौ और कोई आदमी नांय जो तिमुथियुस के जैसौ सच्‍चे मन ते तुमारो ध्यान रखै और तुमारी चिन्ता करे

फिलिप्पियों 4:2

मैं यूआदिया और सुन्तुखे दोनोंन ते जि बिनती करतूं, कै जे दोनों औरतें पिरभू में एक दूसरे ते मेल-मिलाप करकै बहनन की तरैह ते रैहमें।

कुलुस्सियों 2:5

तुम ऐसौ मत सोचियों कै मैं मनते तुमते दूर हूं, पर आतमा ते मैं तुमारे संग हूं, जो जीबन तुम मसीह पै भरोसौ करके बिता रये हो और बामें मजबूती ते टिके रेओ, बाते मैं भौत खुस हूं।

2 थिस्सलुनिकियों 2:13

पिरभू में प्यारे भईयाओ, तुमारे काजै हमें हमेसा परमेस्‍वर कौ धन्यबाद करते रहनों चहिऐं। चौंकि परमेस्‍वर नें तुमकूं पैहले तेई चुन लियौ है। तुम आतमा के द्वारा पबित्र बनके और सत्‍य पै भरोसौ करके उद्धार पाऔ।

2 तिमुथियुस 1:4

मैं तेरे आँसून्‍नें याद कर करके तोते मिलवे की इच्‍छा रखूं, जाते मैं आनन्द ते भर जाऊं।

फिलेमोन 1:20

हे भईया मोय पिरभू में तेरी ओर ते भौत आनन्द मिलौ है, मसीह के कारन तू मेरे जी कूं हरौ भरौ कर दै।

2 यूहन्‍ना 1:4

मोय बड़ी खुसी मिली जब मैंनें तेरे कछू बालकन कूं बा सत्‍य की आग्‍या पै चलते भए पायो, जो हमें परमेस्‍वर पिता की ओर ते मिली हती।

3 यूहन्‍ना 1:4

और मोय काऊ बात में इतनी खुसी नांय भई जितनी जा बातै सुनकें कै तुम मेरे बालक सच्‍चाई के रस्ता पै चल रये हैं।