फिलिप्पियों 2:17 - बृज भासा

¹⁷ मोय तुमारे भरोसे रूपी बलिदान और सेबकाई काजै खूनंऊ बहानों पडै़ तौऊं मैं आनन्दित हुंगो और तुम सबन के संग आनन्द करुंगो।

फिलिप्पियों 2:17 Cross References

प्रेरितन के काम 20:24

पर मेरे काजै मेरे पिरान की कोई कीमत नांय। मैं तौ बस बा दौड़ धूप और बा सेबा कूं पूरौ करबौ चाहतूं। जाय मोय पिरभू ईसू ने सोंपौए कै, परमेस्‍वर की किरपा के समाचार की गबाही दूं।

प्रेरितन के काम 21:13

जापै पौलुस ने उनते कही, “तुम जि का कर रयेऔ, रोय रोयकै मेरौ दिल चौं तोर रयेऔ? मैं तौ पिरभू ईसू के नाम के काजै येरूसलेम में बांधे जायबे काजैई नांय, पर मैं तौ मरबे तक तईयारऊं।”

रोमियों 12:1

जामारै हे भईया बहनों, परमेस्‍वर की दया कूं याद दिलाकै, मैं तुमते निबेदन करतूं कै, अपने सरीर कूं जीबित और पबित्र बलिदान के रूप में परमेस्‍वर कूं खुस करते भये चढ़ाऔ। जि तुमारी आतमिक सेबा है।

रोमियों 15:16

मैं गैर यहुदिन के काजै ईसू मसीह कौ सेबक बनकै परमेस्‍वर के सुभ समाचार के काजै एक पुरोहित के रूप में काम करूं ताकि गैर यहुदी परमेस्‍वर के आगे अपनाबे योग्‍य भेंट बन सकें और पबित्र आतमा के द्वारा परमेस्‍वर के काजै पूरी तरैह पबित्र बनें।

2 कुरिन्थियों 12:15

मैं तुम लोगन की सहायता काजै अपनों सब कछू खर्च कर दुंगो और अपने आप कूंअंऊ दै दुंगो। अगर मैं तुमते इतनों पिरेम करतूं, तौ का तुम मोते कम पिरेम करौगे?

2 कुरिन्थियों 4:12

जा तरैह ते हम तौ मौत कौ सामनों करत रैहतै। पर तुमें आतमिक जीबन कौ लाभ होतै।

2 कुरिन्थियों 6:10

हमे सोक में व्‍याकुल समझौ जातै जबकि हमतौ हमेसा खुस रहतें। हम दीन हीन के रूप में जाने जाबते, जबकि हम तौ भौतन कूं बैभव साली बनांय रये हैं। लोग हमझतें के इन पै कछू नांय, पर हमारे जौरे तौ सब कछू है।

2 कुरिन्थियों 7:4

मैं तुमते हिम्मत के संग बोल रयौऊं। मैं तुम पै बड़ौ घमन्‍ड कर रयौऊं। जाते मोय बड़ी सान्‍ती मिलतै,और मैं सबरे दुख में बड़े भरपूर आनन्द के संग रैह रयौऊं।

फिलिप्पियों 1:20

और मैं जि चाहूं और जेई आसा है मैं चाहे जीऊं चाँहे मरूं, मोय काऊ बात ते बेइज्जत नांय होनों पडे़गौ। और ईसू मसीह की बड़ाई मेरे जीबन ते होती रैहबै।

फिलिप्पियों 2:18

बैसेई तुमऊं आनन्दित रहो और मेरे संग अपने आनन्द कूं बांट लेऔ।

फिलिप्पियों 2:30

चौंकि बानें ईसू मसीह के काम काजै भौत खतरा उठाए और जांह तक के बानें मौंत कौऊ सामनों करौ है और मेरे काजै बा सेबा कौ काम पूरौ करौ है जाय करिबे में तुम असफल रये हो।

फिलिप्पियों 4:18

मेरे जौरें सब कछूऐ और काऊ बात की कमी नांय जो चीज तुमन्नें इपफ्रुदीतुस के हातन ते भेजी हती बिनैं पायकें मैं तृप्‍त है गयौ, बू तौ खुस करबे बारे खुसबूदार ग्रहनयोग्य बलिदान के जैसो है जो परमेस्‍वर कूं अच्‍छौ लगै।

कुलुस्सियों 1:24

अब मैं तुमारे काजै जो कस्ट उठाऊं बामें मोय बड़ौ आनन्द प्राप्‍त हैबै, और मसीह के सरीर रूपी कलिसिया के काजै मसीह नें जो कस्ट भोगो है बामें मैं लगातार वाके संग सहभागी बन रौऊँ।

1 थिस्सलुनिकियों 2:8

और हम तुमते पिरेम करतै जामारैं केवल परमेस्‍वर को सुभ समाचारई तुमारे संग नांय बांटौ, पर हम तुम्हारे काजै अपने पिरानऊं दैवे काजै तैयार हते, चौंकि तुम हमारे प्यारे बन गये है।

2 तिमुथियुस 4:6

मैं पिरभू कूं अर्पित करौ जा चुकौ हूं और मेरे अंत कौ समै आ गयौए।

1 पतरस 2:5

तुमऊ जीबते पत्‍थरन की नाईं आतमिक घर बनते जारे हैं, जाते तुम पुरोहितन कौ पबित्र समाज बनकें एक ऐसौ बलिदान चढ़ाऔ जो ईसू मसीह के द्वारा परमेस्‍वर के अपनांबे लायक है।

1 यूहन्‍ना 3:16

ईसू मसीह नें अपने पिरान कूं हमारे काजै दैदियौ, जई ते हमें पतौ चलते कै सच्‍चौ पिरेम का है। जई तरैह ते हमऊंऐं अपने भईयन के काजै पिरान देबे काजै तईयार रहनों चहिऐं।